Ту кажеть делати требникъ дирявый, на немъже приношаху жертвы, и притворъ, еже былъ около Храму Сведения, а яким обычаем имело то быти.a
1 Вделаешъ требникъ з древа сефимъ, онъже имети будеть пять локотъ в должиню и толико жъ в шириню, то естъ четверограный, и трехъ локтей на вышиню.
2 Роги пакъ с четырехъ угловъ его пойдуть; и окуеши и медью.
3 И наделаешъ к потребам его сковрадокъ, до нихже будешъ сыпати попелъ, и клещей, и ополоников кухонных, и чим бы ся огонь брати моглъ; вси сосуды з меди да вчиниши.
4 И крату, на подобенство сети, медяную, на неяже четырех углехъ будуть четыре круги медяныхъ,
5 юже воскладати будеш над огнище требника. И будеть крата висети даже до средины требника.
6 Вделаешъ и две жердки з древа сефимъ и окуеши их дощками медеными,
7 и провлечеши е скрозе круги, и будут со обу странъ требника, да носится ими.
8 Не целый, но празный и дирявый внутри вделаеш требникъ, якоже ти показано ест на горе.
9 Вчиниши и притворъ при храме, от страны полуденное его: будуть опоны со льну белого пресукиваного — сто локотъ едина страна будеть имети в должиню,
10 и столповъ двадесеть, толико же и подъставокъ медяных, ихже маковице с ритинами будут сребрены.
11 Теже ко стране полунощной в должиню опоны будуть ста локотъ, столповъ двадесеть и подставок медяныхъ толико жъ, и маковице их с ритинами будуть сребрены.
12 Широкость же притвора на стране, еже зрить к западу, будут опоны по пятидесяти локтехъ, а столпов десеть и подъставокъ толико жъ.
13 На той пакъ стране притвора, еже есть ко усходу солнъца, пятьдесят локтевъ будеть,b
14 от нихже пятнадесеть локтевъ опоны отделено будеть, и столпы три, и подставковъ толико жъ.
15 И на стране другой будуть опоны, имеюще локот пятнадесеть, столпы три и подставков толико жъ
16 Игде пакъ имають входити до притвора, будеть опона локтей двадесеть со злата тягненаго и с шолку синего и червчетаго, двакрать крашенаго, и со лну белого пресукиваного, деломъ вышиванымъ. Столпы будеть имети четыре и подставков толико жъ.
17 Вси столпы около притвора окованы будуть дощками сребреными, имеющи маковице сребрены и подставки медяны.
18 И тако вдолжъ займеть притворъ локтей сто, и на ширь пятдесятъ, а вышиня его пять локотъ будеть. И вделаеши и со лну белого пресукиваного, а имети будеть подставки медяные.
19 Вси сосуды храму ко всимъ потребам и службам его, теже и колейко его и притворово вделайте з меди.
20 Повели ж сыном Ізраилевым, да принесут к тобе масла древяна чиста и бумагы, да бы горели светила всегда во Храме Сведения,
21 вне, предъ завесою, еже протягнена ест предъ Скринею Завета. И ставляти будуть их Ааронъ и сынове его, абы даже до утра горели предъ Господемъ вечною службою по рожениехъ их предъ сыны Ізраилевыми.
a Далей — гравюра, зверху якой надпіс: «ВЗОРЪ ТРЕБНИКА, НА НЕМЖЕ ПРИНОШАХУ ЖЕРТВЫ».
b ЦСБ дадае: «а столпов десеть и подъставокъ толико жъ».
Знайшлі памылку ў тэксце? Вылучыце яе і націсніце:
Ctrl + Enter
Книги Исходъ, 27 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.