Исходъ 21 Исходъ 21 разьдзел

¹ Сии суть судове, еже сповеси имъ.

² Купиш ли раба Евреанина, шесть летъ да работаеть тобе, седмаго же от[ъ]идеть свободенъ дармо.

³ Съ яковымъ одениемъ пришолъ, с таковымъ да от[ъ]идеть; естъли же имать жену, то и жена да от[ъ]идеть с нимъ вкупе.

⁴ Пакли же бы господинъ его далъ ему жену, и породила бы сыны и дщеры, жена и дети ея будуть господина его, сам же да от[ъ]идеть со одежею своею.

⁵ Ащели же бы реклъ рабъ: “Возлюбихъ господина своего, жену и дети и не отступую свободенъ”,

⁶ да приведеть господи[н]ъ его предъ судье, и будеть поставленъ при вратахъ и при подвоехъ, а прободеть ухо его шиломъ и будеть ему рабъ на векиa.

⁷ Естъли же бы кто продалъ дщеру свою в рабу, да не от[ъ]идеть, якоже отходять рабыне;

⁸ не полюбится ль очима господина своего, емуже продана естъ, да отпустить ю. Народу же чуждему не имать моци продати ея, аще погордить ею.

⁹ Пакли же бы сыну свое му заслюбил ее, по оправлению дщерину да вчинить ей.

¹⁰ Ащели жъ иную поиметь за сына своего, то да выдасть ю замужъ и ризи и сребра за понижение ея бранити не будеть.

¹¹ Естъли же бы сего троего не вчинилъ, то да от[ъ]идеть от него без цены свободна.

¹² Кто бы вдарилъ человека, хотяй убити его, смертию да умреть.

¹³ И кто бы пак не мыслил убити, но Богъ предалъ и в руце его, уставлю тобе место, до негоже да вбежить убийца таковый.

¹⁴ Естъли же бы кто з умысла забил друга своего отай, от олтаря Мо его отторгнеш таковаго, да умреть.

¹⁵ Кто бы ударил отца своего или матерь, смертию да умрет.

¹⁶ Кто бы лаялъ отцу своему или матери, смертию да умреть.

¹⁷ Кто бы укралъ человека и продалъ и, а доведуть на него, смертию да умреть.

¹⁸ Естъли же бы побранили межи собою мужи и ранилъ единъ от нихъ друга своего каменем или пястию и той бы не умеръ, но полежалъ на ложи,

¹⁹ аще бы восталъ потомъ и ходилъ вонъ о пососе, простъ будеть ударивый его, точию за мешкание и вътрату, еже выдалъ на лечбу свою, да заплатит ему.

²⁰ Кто бы бил раба своего или рабыню киемъ и вмер ли бы в рукахъ его, той грехомъ повиненъ будеть.

²¹ Пакли же день или два потомъ живи были, не будеть подданъ вине, понеже сребро его естъ.

²² Естли же бы побранили мужи и вдарилъ единъ жену бременную, и выбежало бы детище, а сама жива остала, то подданъb будеть вине, яко много мужъ жены тое доведеть и судьи осудять.

²³ Пакли бы и жена сама умерла, то дасть животъ за животъ,

²⁴ око за око, зубъ за зубъ, руку за руку, ногу за ногу,

²⁵ зженину за зженину, рану за рану, синеву за синеву.

²⁶ Естъли бы кто выбилъ око рабу своему или рабыни и ослепилъ и на не, да отпустить е свободно за око, еже выбилъ.

²⁷ Зубъ теже естъли бы выразилъ рабу или рабыни своей, по тому же да отпустить ихъ свободныхъ.

²⁸ Аще волъ рогомъ убодеть мужа или жену и умреть, камениемъ да убиють и; не будете ести мяса его, господин же воловъ без вины да будеть.

²⁹ пакли же бы волъ бодливъ былъ вчерашнего дня и предъ тымъ и поведали то господину его, а не завиралъ и, и пробол бы мужа или жену, то вола камениемъ да убиють и господинъ его с нимъ да умреть.

³⁰ Ащели бы пакъ вину возложили на нь, да дасть за животъ свой елико на нем пожадають.

³¹ Сына теже и дщеру естъли же бы пробол, ровную помсту да понесеть;

³² пакли же бы раба или рабыню проболъ, тридесеть сиклевъ сребра господину да дасть, и волъ камением да убитъ будеть.

³³ Аще кто откриеть кладезь а копаеть глубей его и не закриеть, и впал бы волъ или оселъ до него,

³⁴ да заплатить господинъ кладезя сребро за говядо, а вмершее ему да будеть.

³⁵ Естли же бы волъ чужий вола нечиего уболъ и той умеръ, да продадуть вола живого и розделятся сребромъ, и мясо мертваго по тому же да розделять;

³⁶ пакли же ведал господин его, иже вол бодливъ былъ вчера и предъ вчерашком, а не завиралъ его, то дасть вола за вола, а убитого возмет собе.