Псалтыр 146 псалом
Псалтыр
Пераклад Васіля Сёмухі → Пераклад Аляксандара Надсана
Алілуя. Хвалеце Госпада, бо гэта добра — сьпяваць Богу нашаму, бо гэта соладка — Яму належыць хвала.
Алілуя! Агея і Захара. Хваліце Госпада, бо добрая рэч псалмасьпеў: хай усхваленьне будзе салодкім Богу нашаму.
Гасподзь будуе Ерусалім, зьбірае выгнанцаў Ізраіля.
Госпад, які будуе Ерусалім, зьбярэ і расьцярушаных Ізраіля.
Ён ацаляе зьнявечаных сэрцам, і лекуе скрухі іхнія.
Ён той, хто лечыць разьбітых сэрцам і перавязвае раны іх;
Вылічвае колькасьць зорак; усіх іх называе імёнамі іхнімі.
Ён той, хто вядзе лік мноству зорак, дае кожнай імя сваё.
Вялікі Гасподзь наш і вялікая моц Ягоная, і розум Ягоны нявымерны.
Вялікі Госпад наш, і вялікая сіла Яго, і няма меры розуму Яго.
Пакорлівых узвышае Гасподзь, а бязбожных прыгінае да зямлі.
Госпад узьнімае лагодных, а грэшнікаў прыніжае да зямлі.
Сьпявайце па чарзе славаслоўе Госпаду; грайце Богу нашаму на арфе.
Пачніце падзякаю Госпаду, зайграйце на гусьлях Богу нашаму,
Ён засьцілае неба хмарамі, рыхтуе зямлі дождж, росьціць на горах траву;
які пакрывае неба хмарамі, рыхтуе дождж для зямлі, вырошчвае траву ў горах і збожжа на ўжытак людзям;
дае быдлу пашу ягоную і крумкача птушанятам, што клічуць Яго.
які дае жывёле спажыву іх і птушанятам воранаў, што клічуць Яго.
Не на сілу каня глядзіць ён, ня хуткасьці ног чалавечых дабраволіць;
Ня сілаю каня любуецца Ён і ня хуткія ногі мужа Яму даспадобы:
дабраволіць Гасподзь тым, хто баіцца Яго, хто спадзяецца на ласку Ягоную.
Госпад спрыяе тым, што баяцца Яго, і ўсім, што спадзяюцца на міласэрнасьць Яго.
