1 летапісаў 27 разьдзел

 

 

Вось сыны Ізраілевыя па ліку іх, узначальцы сямействаў, тысячнікі і сотнікі і кіроўцы, якія па аддзяленьнях служылі цару ва ўсіх справах, прыходзячы і адыходзячы кожнага месяца, ва ўсе месяцы года. У кожным аддзяленьні было іх па дваццаць чатыры тысячы.

 

І во сынове Ізраелявы подле ліку іх, галоўныя айцове а вайводцы тысячаў а сотняў і ўраднікі іхныя, што паслугавалі каралю ў кажнай справе радоўкамі, каторыя ўходзілі й выходзілі кажны месяц, усі месяцы году, кажны рад дваццаць чатыры тысячы.

Над першым аддзяленьнем, для першага месяца, начальнічаў Яшавам, сын Заўдыіла; у ягоным аддзяленьні было дваццаць чатыры тысячы;

 

Над першым радам, на першы месяц, Яшовеам Заўдзелёнак; у радзе ягоным было дваццаць чатыры тысячы;

ён быў з сыноў Фарэса, галоўны над усімі ваеначальнікамі ў першы месяц.

 

Ён быў із сыноў Перэцавых, галоўны над усімі вайводцамі войска першага месяца.

Над аддзяленьнем другога месяца быў Дадай Ахахіянін; у аддзяленьні ягоным быў і князь Міклот, і ў ягоным аддзяленьні было дваццаць чатыры тысячы.

 

І над радам другога месяца — Додай Агогіянін, і ў радзе ягоным Міклоф, таксама правадыр; у ягоным радзе дваццаць чатыры тысячы.

Трэці галоўны ваеначальнік, для трэцяга месяца, Ванэя, сын Ёдая, сьвятара, і ў ягоным аддзяленьні было дваццаць чатыры тысячы:

 

Трэйці вайводца войска на трэйці месяц — Веная, сын Егояды, галоўнага сьвятара; і ў радзе ягоным дваццаць чатыры тысячы.

гэты Ванэя — адзін з трыццаці адважных і начальнік над імі, і ў ягоным аддзеле быў Амізавад, сын ягоны.

 

Гэны Веная дужасіл сярод трыццацёх і над трыццацьма; і ў радзе ягоным Амізавад, сын ягоны.

Чацьвёрты, для чацьвёртага месяца, быў Асаіл, брат Ёава, і пасьля яго Завадыя, сын ягоны, і ў ягоным аддзяленьні дваццаць чатыры тысячы.

 

Чацьверты на чацьвертым месяцу — Асагэль, брат Ёаваў, і за ім Зэвада, сын ягоны; і ў радзе ягоным дваццаць чатыры тысячы.

Пяты, для пятага месяца, князь Шамгут Ізрахіцянін, і ў ягоным аддзяленьні дваццаць чатыры тысячы.

 

Пяты вайводца на пяты месяц — князь Шамгуф, Ізражанін; і ў радзе ягоным дваццаць чатыры тысячы.

Шосты, для шостага месяца, Іра, сын Ікеша, Тэкаянін, і ў ягоным аддзяленьні дваццаць чатыры тысячы.

 

Шосты на шосты месяц — Іра Іккешонак, Фекоянін; і ў радзе ягоным дваццаць чатыры тысячы.

Сёмы, для сёмага месяца, Хэлец Пэланіцянін, з сыноў Яфрэмавых, і ў ягоным аддзяленьні дваццаць чатыры тысячы.

 

Сёмы на сёмы месяц — Гэлец, Пелонянін, із сыноў Яхрэмавых; і ў радзе ягоным дваццаць чатыры тысячы.

Восьмы, для восьмага месяца, Савахай Хушацянін з племя Зары, і ў ягоным аддзяленьні дваццаць чатыры тысячы.

 

Восьмы на восьмы месяц — Сыбехай, Гушацянін із Заргічаў; і ў радзе ягоным дваццаць чатыры тысячы.

Дзявяты, для дзявятага месяца, Авіезэр Анатацянін, з сыноў Веньямінавых, і ў ягоным аддзяленьні дваццаць чатыры тысячы.

 

Дзявяты на дзявяты месяц — Авезэр, Анафофянін, зь Венямінавічаў; і ў радзе ягоным дваццаць чатыры тысячы.

Дзясяты, для дзясятага месяца, Магарай Нэтафацянін, з племя Зары, і ў ягоным аддзяленьні дваццаць чатыры тысячы.

 

Дзясяты на дзясяты месяц — Магарай, Нетофафянін із Заргічаў; і ў радзе ягоным дваццаць чатыры тысячы.

Адзінаццаты, для адзінаццатага месяца, Ванэя Піратанянін, з сыноў Яфрэмавых, і ў ягоным аддзяленьні дваццаць чатыры тысячы.

 

Адзінанцаты на адзінанцаты месяц — Веная, Пірафофянін, ізь Яхрэмавічаў; і ў радзе ягоным дваццадь чатыры тысячы.

Дванаццаты, для дванаццатага месяца, Хэлдай Нэтафацянін, з нашчадкаў Гатанііла, і ў ягоным аддзяленьні дваццаць чатыры тысячы.

 

Двананцаты на двананцаты месяц — Гэлдай, Нетофафянін, з Офнеля; і ў радзе ягоным дваццаць чатыры тысячы.

А над плямёнамі Ізраілевымі, — у Рувімлян галоўным начальнікам быў Эліезэр, сын Зіхры; у Семяона — Сафатыя, сын Маахі;

 

А над плямёнамі Ізраелявымі: у Рувінавічаў — правадыр Елезэр Зыхранок; у Сымонавічаў — Шэфата Маашонак;

у Левія — Хашавія, сын Кемуіла; у Аарона — Садок;

 

У Левітаў — Гашава Кемуеленак; ув Аарона — Садок;

у Юды — Эліяў, з братоў Давіда; у Ісахара — Омры, сын Міхаіла;

 

У Юды — Елігу, з братоў Давідавых; у Іссасхара — Омры Міхайлёнак;

у Завулона — Ішмая, сын Авадыі; у Нэфталіма — Ерымот, сын Азрыіла;

 

У Зэвулона — Ішмая Овадзёвак; у Наффаліма — Ерымоф Азрэленак;

у сыноў Яфрэмавых — Асія, сын Азазіі; у паўплемя Манасіінага — Ёіль, сын Фэдаі;

 

У сыноў Яхрэмавых — Гося Азазёнак; у палуплямені Манасавага — Ёль Педаёнак;

у паўплемя Манасіі ў Галаадзе — Ідо, сын Захара; у Веньяміна — Яасііл, сын Авэніра;

 

У палуплямені Манасавага ў Ґілеадзе — Іддо Захаронак; у Веняміна — Яасель Аўнеронак;

У Дана — Азарыіл, сын Ерахама. Вось правадыры плямёнаў Ізраілевых.

 

У Дана — Азарэль Ерогамёнак. Гэта князі плямёнаў Ізраелявых.

Давід не рабіў пераліку тых, якія былі ад дваццаці гадоў і ніжэй, бо Гасподзь сказаў, што Ён памножыць Ізраіля, як зоркі нябесныя.

 

Давід не палічыў тых, што былі ад дваццацёх год і ніжэй, бо СПАДАР сказаў, што Ён памножа Ізраеля, як зоры нябёсныя.

Ёаў, сын Саруі, пачаў рабіць пералічэньне, але не закончыў. І быў за гэта гнеў Божы на Ізраіля, і не ўвайшло тое пералічэньне на летапіс цара Давіда.

 

Ёаў Цэруёнак пачаў лічыць, але ня скончыў. І быў за гэта гнеў Божы на Ізраеля, і не ўвыйшло тое лічэньне ў лічэньне летапісу караля Давіда.

Над скарбамі царскімі быў Азмавэт, сын Адыілаў, а над запасамі ў полі, у гарадах і ў сёлах і ў вежах — Ёанатан, сын Узіі;

 

Над скарбамі каралеўскімі быў Азмавеф Адзелёнак, а над складамі ў полю, у местах а ў сёлах а ў замках — Ёнафан Узьзянок;

над тымі, што займаюцца польнай працай, земляробствам, — Эзрый, сын Хэлува;

 

Над тымі, што займаліся палявымі работамі, ралейніцтвам — Езра Хелувёнак;

над вінаграднікамі — Шымэй з Рамы, а над запасамі віна ў вінаградніках — Заўдый з Шэфама;

 

Над вінішчаш — Шымей, з Рамы; а над запасамі віна ў вінных скляпох — Заўд, із Шыфмы;

над масьлінамі і смакоўніцамі ў даліне — Баал-Ханан Гедэрыцянін, а над запасамі драўніннага алею — Ёас;

 

А над аліўнымі дзервамі і над фіґавымі дзервамі, каторыя ў даліне — Баал-Ганан, Ґедэранін; а над скляпамі аліўнымі — Ёаш;

над буйным быдлам, якое пасьвіцца ў Шароне — Шытрай Шаранянін, а над быдлам у далінах — Шафат, сын Адлая;

 

Над буйным статкам, што пасьціўся ў Шароне — Шытрай Шаронянін; а над статкам у далінах — Шафат Адлаёнак;

над вярблюдамі — Авіл Ісмаільцянін; над асьліцамі — Ехдыя Мэраніцянін;

 

Над вярблюдамі — Овіл Ізмайлавец; над асьліцамі — Егдэя Меронофянін;

над дробным быдлам — Язіз Агарыцянін. Усе гэтыя былі начальнікамі над маёмасьцю, якая была ў цара Давіда.

 

Над драбным статкам — Языз Гаґранін. Усі гэтыя — князі над меньням, каторае ў караля Давіда.

Ёнатан, дзядзькаў Давідаў, быў радца, чалавек разумны і пісец; Ехііл, сын Хахманіеў, быў пры сынах цара;

 

Таксама Ёнафан, дзядзька Давідаў, быў параднікам, чалавек цямлівы й пісар; Егіель Гахмонёнак быў із сынамі каралеўскімі;

Ахітафэл быў радца цара; Хусій Архіцянін — сябар цара;

 

Агітофэль — параднік каралёў; Гушай, Архіцянін — прыяцель каралёў;

А пасьля Ахітафэла Ёдай, сын Ванэі, і Авіятар, а Ёаў быў ваеначальнік у цара.

 

Просьле ж Агітофэля — Егояда Венаёнак а Авафар; а Ёаў быў вайводцам у караля.