Ёва 25 разьдзел

Ёва 25 разьдзел

Кніга Ёва
Пераклад Антонія Бокуна → Пераклад Яна Станкевіча

І адказаў Більдад з Шуаху, і сказаў:

І адказаў Вілдад Шугянін, і сказаў:

«Панаваньне і страх у Яго. Ён творыць супакой на вышынях Сваіх!

«Улада а страх у Яго; Ён чыне супакой на вышынях Сваіх!

Ці ёсьць лік войску Ягонаму? І над кім не ўзыходзіць сьвятло Ягонае?

Ці ё лічба вяткам Ягоным? і над кім ня ўзыходзе сьвятло Ягонае?

Ці можа чалавек быць праведным перад Богам, і як можа быць чыстым народжаны ад жанчыны?

І як аправіцца чалавек перад Богам, і як быць чыстым народжанаму жонкаю?

Вось, нават месяц ня сьветлы, і зоркі нячыстыя ў вачах Ягоных.

Вось, нават месяц і тый ня сьвеце, і гвезды нячыстыя ў ваччу Ягоным.

Тым больш чалавек — гнілізна, і сын чалавечы — чарвяк».

І пагатове чалавек — чарвяк, і сын людзкі —моль».

Біблія