Лікі 7 разьдзел
Лікі
Пераклад Васіля Сёмухі → Пераклад Яна Станкевіча
Калі Майсей паставіў скінію, і памазаў яе, і асьвяціў яе і ўсе прылады яе, і ахвярнік і ўсе прылады яго, і памазаў іх і асьвяціў іх,
І было таго дня, як Масей скончыў станавіць вітальню, і памазаў яе, і пасьвяціў яе а ўсе судзьдзе яе, і аброчнік а ўсе судзьдзе яго, і памазаў іх і пасьвяціў іх;
тады прыйшлі дванаццаць правадыроў Ізраілевых, галовы сямействаў іхніх, правадыры плямёнаў, якія кіравалі падлікам,
Тады дабліжыліся князі Ізраелявы, галавы дому айцоў сваіх, яны князі плямёнаў, каторыя стаялі над тымі, што былі палічаныя,
і паставілі прынашэньне сваё перад Госпадам, шэсьць накрытых падводаў і дванаццаць валоў, па адной падводзе ад двух правадыроў і па адным вале ад кожнага, і паставілі гэта перад скініяй.
І прынесьлі аброкі свае перад відам СПАДАРА, шэсьць накрытых калясьнікоў і двананцаць валоў, па адным калясьніку ад двух князёў і па адным валу ад кажнага, і дабліжылі гэта перад вітальню.
І наказаў Гасподзь Майсею сказаць:
І гукаў СПАДАР Масею, кажучы:
вазьмі ад іх; гэта будзе дзеля ўчыненьня працы пры скініі сходу; і аддам гэта лявітам, адпаведна з родам службы іхняй.
«Вазьмі ад іх; няхай будуць на работу пры службе будану збору; і аддай іх Левітам, кажнаму чалавеку подле службы іх».
І ўзяў Майсей падводы і валоў і аддаў іх лявітам;
І ўзяў Масей калясьнікі а валы, і аддаў іх Левітам.
дзьве падводы і чатырох валоў аддаў сынам Гірсонавым, адпаведна з родам службы іхняй;
Два калясьнікі й чатыры валы аддаў сыном Гірсонавым, подле службы іхнае.
і чатыры падводы і восем валоў аддаў сынам Мэрарыным, паводле роду службы іхняй, пад наглядам Ітамара, сына Аарона, сьвятара;
І чатыры калясьнікі й восьмі валоў аддаў сыном Мераравым, подле службы іхнае, пад наглядам Іфамара, сына Аарона, сьвятара.
а сынам Каатавым ня даў, бо служба іхняя — насіць сьвятыню; на плячах павінны яны насіць.
А сыном Когафовым ня даў, бо служба сьвятыні на іх, на плячох яны маюць насіць.
І прынесьлі правадыры ахвяры асьвячэньня ў дзень памазаньня ягонага, і паставілі правадыры прынашэньне сваё перад ахвярнікам.
І дабліжылі князі на пасьвячэньне аброчніка таго дня, як ён быў памазаны; і дабліжылі князі аброкі свае да аброчніка.
І сказаў Гасподзь Майсею: па адным правадыру ў дзень няхай прыносяць прынашэньне сваё дзеля асьвячэньня ахвярніка.
І сказаў СПАДАР Масею: «Па адным князю ў дзень, па адным князю ў дзень хай абракаюць аброкі свае на пасьвячэньне аброчніка».
У першы дзень прынёс прынашэньне сваё Наасон, сын Амінадаваў, ад племя Юдавага;
І быў абракаючым першага дня свой аброк Наасон Амінадавёнак ад плямені Юдзінага.
і прынашэньне ягонае было: адна срэбраная міса, вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнаю мукою, зьмяшанаю з алеем, у прынашэньне хлебнае,
І аброк ягоны быў: адна срэбная міса вагою сто трыццаць, адна срэбная крапельная чара семдзясят сыкляў, подле сыклю сьвятыні, абедзьве поўныя ценькае мукі, рашчыненай на аліве, на аброк хлебны,
адно залатое кадзіла ў семдзесят сікляў, напоўненае дымленьнем,
Ложка адна дзесяцёх сыкляў, залатая, поўная кадзіла,
адно цяля, адзін баран, адно ягня-адналетак, на цэласпаленьне,
Адно цялё-бычок, адзін баран, адзін аднагодні баранчык на ўсепаленьне,
адзін казёл у ахвяру за грэх,
Адно казянё на аброк за грэх,
і ў ахвяру мірную два валы, пяць бараноў, пяць казлоў, пяць ягнят-адналетак; вось прынашэньне Наасона, сына Амінадававага.
На аброк супакойны два з буйнога статку, пяць бараноў, пяць казлоў, пяць аднагодніх баранчыкаў. Гэта аброк Наасона Амінадавёнка.
На другі дзень прынёс Натанаіл, сын Цуараў, правадыр племя Ісахаравага;
На другі дзень дабліжыў Нафанаель Цуаронак, князь плямені сыноў Іссасхаровых.
ён прынёс ад сябе прынашэньне: адну срэбраную місу вагою ў сто трыццаць сікляў, адну срэбраную чару ў семдзесят сікляў, па сіклі сьвяшчэнным, напоўненых пшанічнай мукою, зьмяшанаю з алеем, у прынашэньне хлебнае,
Ён дабліжыў дар свой: адну срэбную місу вагою сто трыццаць, адну срэбную крапельную чару семдзясят сыкляў, подле сыклю сьвятыні, абедзьве поўныя ценькае мукі, рашчыненае на аліве, на аброк хлебны,
адно залатое кадзіла ў дзесяць сікляў, напоўненае дымленьнем,
Адну залатую ложку зь дзесяцёх сыкляў, поўную кадзіла,
адно цяля, аднаго барана, адно ягня-адналетка, на цэласпаленьне,
Адно цялё-бычка, аднаго барана, аднаго аднагодняга баранчыка, на ўсепаленьне,
аднаго казла ў ахвяру за грэх,
Адно казянё на аброк за грэх,
і ў ахвяру мірную двух валоў, пяць бараноў, пяць казлоў, пяць ягнят-адналетак; вось прынашэньне Натанаіла, сына Цуаравага.
І на аброк супакойны два з буйнога статку, пяць казлоў, пяць аднагодніх баранчыкаў. Гэта аброк Нафанаеля Цуаронка.
На трэці дзень правадыр сыноў Завулонавых Эліяў, сын Хэлонаў;
На трэйці дзень князь сыноў Завулонавых Еляў Гелонёнак.
прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,
Дар ягоны: адна срэбная міса вагою сто трыццаць сыкляў, адна крапельная срэбная чара семдзясят сыкляў, подле сыклю сьвятыні, абедзьве поўныя ценькае мукі, рашчыненае на аліве, на аброк хлебны,
адно залатое кадзіла ў дзесяць сікляў, напоўненае дымленьнем,
Адна залатая ложка зь дзесяцёх сыкляў, поўная кадзіла,
адно цяля, адзін баран, адно ягня-адналетак, на цэласпаленьне,
Адно цялё-бычок, адзін баран, адзін аднагодні баранчык, на ўсепаленьне,
адзін казёл у ахвяру за грэх,
Адно казянё на аброк за грэх,
і ў ахвяру мірную два валы, пяць бараноў, пяць казлоў, пяць ягнят-адналетак; вось прынашэньне Эліява, сына Хэлонавага.
І на аброк супакойны два з буйнога статку, пяць казлоў, пяць аднагодніх баранчыкаў. Гэта аброк Елява Гелонёнка.
На чацьвёрты дзень правадыр сыноў Рувімавых Эліцур, сын Шадаураў;
На чацьверты дзень князь сыноў Рувінавых Еліцур Шэдэўронак.
прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,
Дар ягоны: адна срэбная міса вагою сто трыццаць сыкляў, адна срэбная крапельная чара семдзясят сыкляў, подле сыклю святыні, абедзьве поўныя ценькае мукі, рашчыненае на аліве, на аброк хлебны,
адно залатое кадзіла ў дзесяць сікляў, напоўненае дымленьнем,
Адна залатая ложка зь дзесяцёх сыкляў, поўная кадзіла,
адно цяля, адзін баран, адно ягня-адналетак, на цэласпаленьне,
Адно цялё-бычок, адзін баран, адзін аднагодні баранчык, на ўсепаленьне,
адзін казёл у ахвяру за грэх,
Адно казянё на аброк за грэх,
і ў ахвяру мірную два валы, пяць бараноў, пяць казлоў і пяць ягнят-адналетак; вось прынашэньне Эліцура, сына Шадауравага.
І на аброк супакойны два з буйнога статку, пяць казлоў і пяць аднагодніх баранчыкаў. Гэта дар Еліцура Шэдэўронка.
На пяты дзень правадыр сыноў Сымонавых Шалумііл, сын Цурышадаеў;
На пяты дзень князь сыноў Сымонавых Шэлумель Цурышаддаёнак.
прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,
Дар ягоны: адна срэбная міса вагою сто трыццаць сыкляў, адна крапельная срэбная чара семдзясят сыкляў, подле сыклю сьвятыні, абедзьве поўныя ценькае мукі, рашчыненае на аліве, на аброк хлебны,
адно залатое кадзіла ў дзесяць сікляў, напоўненае дымленьнем,
Ложка адна зь дзесяцёх сыкляў залатая, поўная кадзіла,
адно цяля, адзін баран, адно ягня-адналетак, на цэласпаленьне,
Адно цялё-бычок, адзін баран, адзін аднагодні баранчык, на ўсепаленьне,
адзін казёл у ахвяру за грэх,
Адно казянё на аброк за грэх,
і ў ахвяру мірную два валы, пяць бараноў, пяць казлоў і пяць ягнят-адналетак; вось прынашэньне Шалумііла, сына Цурышадаевага.
І на аброк супакойны два з буйнога статку, пяць бараноў, пяць казлоў і пяць аднагодніх баранчыкаў. Гэта дар Шэлумеля Цурышаддаёнка.
На шосты дзень правадыр сыноў Гадавых Эліясаф, сын Рэгуілаў:
На шосты дзень князь сыноў Ґадовых Елясаф Дэгуелёнак.
прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,
Дар ягоны: адна срэбная міса вагою сто трыццаць сыкляў, адна крапельная срэбная чара семдзясят сыкляў, подле сыклю святыні, абедзьве поўныя ценькае мукі, рашчыненае на аліве, на аброк хлебны,
адно залатое кадзіла ў дзесяць сікляў, напоўненае дымленьнем,
Адна залатая ложка зь дзесяцёх сыкляў, поўная кадзіла,
адно цяля, адзін баран, адно ягня-адналетак, на цэласпаленьне,
Адно цялё-бычок, адзін баран, адзін аднагодні баранчык, на ўсепаленьне,
адзін казёл у ахвяру за грэх,
Адно казянё на аброк за грэх,
і ў ахвяру мірную два валы, пяць бараноў, пяць казлоў і пяць ягнят-адналетак; вось прынашэньне Эліясафа, сына Дэгуілавага.
І на аброк супакойны два з буйнога статку, пяць казлоў і пяць аднагодніх баранчыкаў. Гэта дар Елясафа Дэгуелёнка.
На сёмы дзень правадыр сыноў Яфрэмавых Элішама, сын Амуілаў;
На сёмы дзень князь сыноў Яхрэмавых Елішама Амігудзёнак.
прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,
Аброк ягоны: адна срэбная міса вагою сто трыццаць сыкляў, адна крапельная срэбная чара семдзясят сыкляў, подле сыклю сьвятыні, абедзьве поўныя ценькае мукі, рашчыневае на аліве, на аброк хлебны,
адно залатое кадзіла ў дзесяць сікляў, напоўненае дымленьнем,
Адна залатая ложка зь дзесяцёх сыкляў, поўная кадзіла,
адно цяля, адзін баран, адно ягня-адналетак, на цэласпаленьне,
Адно цялё-бычок, адзін баран, адзін аднагодні баранчык, на ўсепаленьне,
адзін казёл у ахвяру за грэх,
Адно казянё на аброк за грэх,
і ў ахвяру мірную два валы, пяць бараноў, пяць казлоў, пяць ягнят-адналетак; вось прынашэньне Элішамы, сына Аміудавага.
І на аброк супакойны два з буйнога статку, пяць бараноў, пяць казлоў, пяць аднагодніх баранчыкаў. Гэта аброк Елішамы Амігудзёнка.
На восьмы дзень правадыр сыноў Манасііных Гамалііл, сын Пэдацураў;
На восьмы дзень князь сыноў Манасавых Ґамалель Педацуронак.
прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,
Аброк ягоны: адна срэбная міса вагою сто трыццаць сыкляў, адна крапельная срэбная чара семдзясят сыкляў, подле сыклю сьвятыні, абедзьве поўныя ценькае мукі, рашчыненае на аліве, на аброк хлебны,
адно залатое кадзіла ў дзесяць сікляў, напоўненае дымленьнем,
Адна залатая ложка зь дзесяцёх сыкляў, поўная кадзіла,
адно цяля, адзін баран, адно ягня-адналетак, на цэласпаленьне,
Адно цялё-бычок, адзін баран, адзін аднагодні баранчык, на ўсепаленьне,
адзін казёл у ахвяру за грэх,
Адно казянё на аброк за грэх,
і ў ахвяру мірную два валы, пяць бараноў, пяць казлоў, пяць ягнят-адналетак; вось прынашэньне Гамалііла, сына Пецадуравага.
І на аброк супакойны два з буйнога статку, пяць бараноў, пяць казлоў, пяць аднагодніх баранчыкаў. Гэта аброк Ґамалеля Педацуронка.
На дзявяты дзень правадыр сыноў Веньямінавых Авідан, сын Гідэонаў;
На дзявяты дзень князь сыноў Веняміновых Авідан Гідэонёнак.
прынашэньне ягонае: адна срэбраная міса вагою ў сто трыццаць сікляў, адна срэбраная чара зь семдзесят сікляў, па сіклі сьвяшчэнным, напоўненыя пшанічнаю мукою, зьмяшанаю з алеем, у прынашэньне хлебнае,
Аброк ягоны: адна срэбная міса вагою сто трыццаць сыкляў, адна крапельная срэбная чара семдзясят сыкляў, подле сыклю сьвятыні, абедзьве поўныя ценькае мукі, рашчыненае на аліве, на аброк хлебны,
адно залатое кадзіла ў дзесяць сікляў, напоўненае дымленьнем,
Адна залатая ложка зь дзесяцёх сыкляў, поўная кадзіла,
адно цяля, адзін баран, адно ягня-адналетак, на цэласпаленьне,
Адно цялё-бычок, адзін баран, адзін аднагодні баранчык, на ўсепаленьне,
адзін казёл у ахвяру за грэх,
Адно казянё на аброк за грэх,
і ў ахвяру мірную два валы, пяць бараноў, пяць казлоў, пяць ягнят-адналетак; вось прынашэньне Авідана, сына Гідэонавага.
І на аброк супакойны два з буйнога статку, пяць бараноў, пяць казлоў, пяць аднагодніх баранчыкаў. Гэта аброк Авідана Ґідэонёнка.
На дзясяты дзень правадыр сыноў Данавых Ахіезэр, сын Амішадаеў;
На дзясяты дзень князь сыноў Дановых Агіезэр Амішаддаёнак.
прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,
Аброк ягоны: адна срэбная міса вагою сто трыццаць сыкляў, адна крапельная срэбная чара семдзясят сыкляў, подле сыклю сьвятыні, абедзьве поўныя ценькае мукі, рашчыненае на аліве, на аброк хлебны,
адно залатое кадзіла ў дзесяць сікляў, напоўненае дымленьнем,
Адна залатая ложка зь дзесяцёх сыкляў, поўная кадзіла,
адно цяля, адзін баран, адно ягня-адналетак, на цэласпаленьне,
Адно цялё бычок, адзін баран, адзін аднагодні баранчык, на ўсепаленьне,
адзін казёл у ахвяру за грэх,
Адно казянё на аброк за грэх,
і ў ахвяру мірную два валы, пяць бараноў, пяць казлоў, пяць цялят-адналетак; вось прынашэньне Ахіезэра, сына Амішадаевага.
І на аброк супакойны два з буйнога статку, пяць бараноў, пяць казлоў, пяць аднагодніх баранчыкаў. Гэта аброк Агіезэра Амішаддаёнка.
На адзінаццаты дзень правадыр сыноў Асіравых Пагііл, сын Ахранаў;
На адзінанцаты дзень князь сыноў Ашэравых Пагіель Охранёнак.
прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,
Аброк ягоны: адна срэбная міса вагою сто трыццаць сыкляў, адна крапельная срэбная чара семдзясят сыкляў, подле сыклю сьвятыні, абедзьве поўныя ценькае мукі, рашчыненае на аліве, на аброк хлебны.
адно залатое кадзіла ў дзесяць сікляў, напоўненае дымленьнем,
Адна залатая ложка зь дзесяцёх сыкляў, поўная кадзіла,
адно цяля, адзін баран, адно ягня-адналетак, на цэласпаленьне,
Адно цялё-бычок, адзін баран, адзін аднагодні баранчык, на ўсепаленьне,
адзін казёл у ахвяру за грэх,
Адно казянё на аброк за грэх,
і ў ахвяру мірную два валы, пяць бараноў, пяць казлоў, пяць ягнят-адналетак; вось прынашэньне Пагііла, сына Ахранавага.
І на супакойны два з буйнога статку, пяць бараноў, пяць казлоў, пяць аднагодніх баранчыкаў. Гэта дар Пагіеля Охранёнка.
На дванаццаты дзень правадыр сыноў Нэфталімавых Ахіра, сын Энанаў;
На двананцаты дзень князь сыноў Неффалімовых Агіра Енанёнак.
прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,
Аброк ягоны: адна срэбная міса вагою сто трыццаць сыкляў, адна крапельная срэбная чара семдзясят сыкляў, подле сыклю сьвятыні, абедзьве поўныя ценькае мукі, рашчыненае на аліве, на аброк хлебны,
адно залатое кадзіла ў дзесяць сікляў, напоўненае дымленьнем,
Адна залатая ложка зь дзесяцёх сыкляў, поўная кадзіла,
адно цяля, адзін баран, адно ягня-адналетак, на цэласпаленьне,
Адно цялё-бычок, адзін баран, адзін аднагодні баранчык, на ўсепаленьне,
адзін казёл у ахвяру за грэх,
Адно казянё на аброк за грэх,
і ў ахвяру мірную два валы, пяць бараноў, пяць казлоў, пяць ягнят-адналетак; вось прынашэньне Ахіры, сына Энанавага.
І на аброк супакойны два з буйнога статку, пяць бараноў, пяць казлоў, пяць аднагодніх баранчыкаў. Гэта аброк Агіры Енанёнка.
Вось прынашэньні правадыроў Ізраілевых пры асьвячэньні ахвярніка ў дзень памазаньня яго: дванаццаць срэбраных місаў, дванаццаць срэбраных чараў, дванаццаць залатых кадзілаў;
Во дары пры пасьвячэньню аброчніка, у дзень памазаньня яго, ад князёў Ізраелявых: срэбных місаў двананцаць, крапельных срэбных чараў двананцаць, залатых ложак двананцаць;
па сто трыццаць сікляў срэбра ў кожнай місе і па семдзесят у кожнай чары: так, усяго срэбра ў гэтым посудзе па дзьве тысячы чатырыста сікляў, па сіклі сьвяшчэнным;
Па сто трыццаць сыкляў срэбла ў кажнай місе і па семдзясят у кажнай крапельнай чары; усяго срэбла ў гэтых судзінах дзьве тысячы чатырыста сыкляў, подле сыклю сьвятыні.
залатых кадзілаў, напоўненых дымленьнем, дванаццаць, у кожным кадзіле па дзесяць сікляў, па сіклі сьвяшчэнным: усяго золата ў кадзілах сто дваццаць сікляў;
Залатых ложак двананцаць, поўных кадзіла, дзесяць у кажнай ложцы, подле сыклю сьвятыні; усяго золата ў ложках сто дваццаць сыкляў.
на цэласпаленьне ўсяго дванаццаць цялят з быдла буйнога, дванаццаць бараноў, дванаццаць ягнят-адналетак і пры іх хлебнае прынашэньне, і ў ахвяру за грэх дванаццаць казлоў,
Увесь буйны статак на ўсепаленьне: двананцаць валоў, двананцаць бараноў, двананцаць аднагодніх баранчыкаў, а пры іх хлебны аброк; і на аброк за грэх двананцаць казлоў;
і ў ахвяру мірную ўсяго з буйнога быдла дваццаць чатыры цяляці, шэсьцьдзясят бараноў, шэсьцьдзясят казлоў, шэсьцьдзясят ягнят-адналетак; вось прынашэньні пры асьвячэньні ахвярніка пасьля памазаньня яго.
І ўсяго із статку буйнога аброку супакойнага дваццаць чатыры валы, шасьцьдзясят бараноў, шасьцьдзясят казлоў, шасьцьдзясят аднагодніх баранчыкаў. Гэта дары пры пасьвячэньню аброчніка просьле памазаньня яго.
Калі Майсей уваходзіў у скінію сходу, каб гаварыць з Госпадам, чуў голас, які гаварыў яму з даха, які над каўчэгам адкрыцьця паміж двума херувімамі, і ён гаварыў яму.
І як Масей уходзіў у будан збору, каб гутарыць ізь Ім, чуў голас, гукаючы яму зь века, каторае над скрыняю сьветчаньня памеж двух херуваў, і Ён гукаў яму.
