Лікі 7 разьдзел
Лікі
Пераклад Васіля Сёмухі → Пераклад Чарняўскага 2017
Калі Майсей паставіў скінію, і памазаў яе, і асьвяціў яе і ўсе прылады яе, і ахвярнік і ўсе прылады яго, і памазаў іх і асьвяціў іх,
Калі Майсей пабудаваў скінію, і ўзняў яе, і памазаў яе, і асвяціў яе з усімі яе прыналежнасцямі, таксама ахвярнік і ўсе яго прыналежнасці,
тады прыйшлі дванаццаць правадыроў Ізраілевых, галовы сямействаў іхніх, правадыры плямёнаў, якія кіравалі падлікам,
тады князі Ізраэля і галовы родаў, якія былі пастаўлены на чале кожнага пакалення, якія былі пералічаны,
і паставілі прынашэньне сваё перад Госпадам, шэсьць накрытых падводаў і дванаццаць валоў, па адной падводзе ад двух правадыроў і па адным вале ад кожнага, і паставілі гэта перад скініяй.
прынеслі дары перад аблічча Госпада: шэсць крытых вазоў і дванаццаць валоў. Прынеслі па адным возе ад двух кіраўнікоў і па адным воле ад кожнага; і паставілі гэта перад скініяй.
І наказаў Гасподзь Майсею сказаць:
І сказаў Госпад Майсею:
вазьмі ад іх; гэта будзе дзеля ўчыненьня працы пры скініі сходу; і аддам гэта лявітам, адпаведна з родам службы іхняй.
«Вазьмі гэта ад іх, каб яны спраўлялі службу ў палатцы сустрэчы, і перадай гэта левітам адпаведна парадку іх паслугі».
І ўзяў Майсей падводы і валоў і аддаў іх лявітам;
Дык узяў Майсей вазы і валоў і аддаў іх левітам.
дзьве падводы і чатырох валоў аддаў сынам Гірсонавым, адпаведна з родам службы іхняй;
Адпаведна іх патрэбам сынам Гэрсона даў два вазы і чатыры валы.
і чатыры падводы і восем валоў аддаў сынам Мэрарыным, паводле роду службы іхняй, пад наглядам Ітамара, сына Аарона, сьвятара;
Восем валоў і чатыры другія вазы даў сынам Мэрары, адпаведна іх абавязкам пад наглядам Ітамара, сына Аарона святара.
а сынам Каатавым ня даў, бо служба іхняя — насіць сьвятыню; на плячах павінны яны насіць.
А сынам Кагата не даў валоў і вазоў, бо яны служылі ў свяцілішчы і насілі грузы на сваіх плячах.
І прынесьлі правадыры ахвяры асьвячэньня ў дзень памазаньня ягонага, і паставілі правадыры прынашэньне сваё перад ахвярнікам.
Такім чынам на пасвячэнне ахвярніка ў дзень намашчэння прынеслі кіраўнікі сваю ахвяру перад ахвярнікам.
І сказаў Гасподзь Майсею: па адным правадыру ў дзень няхай прыносяць прынашэньне сваё дзеля асьвячэньня ахвярніка.
І сказаў Госпад Майсею: «Хай кіраўнікі па адным штодзень прыносяць свае дары на пасвячэнне ахвярніка».
У першы дзень прынёс прынашэньне сваё Наасон, сын Амінадаваў, ад племя Юдавага;
У першы дзень прынёс сваю ахвяру Наасон, сын Амінадаба, з пакалення Юды.
і прынашэньне ягонае было: адна срэбраная міса, вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнаю мукою, зьмяшанаю з алеем, у прынашэньне хлебнае,
І ў ёй былі срэбраная міса ў сто трыццаць сікляў вагі, срэбраная чара ў семдзесят сікляў вагі, па вазе святыні, абедзве напоўнены былі пшанічнаю мукой, запраўленай алеем, на ахвяру з ежы,
адно залатое кадзіла ў семдзесят сікляў, напоўненае дымленьнем,
залатая чара ў дзесяць сікляў золата, напоўненая кадзілам,
адно цяля, адзін баран, адно ягня-адналетак, на цэласпаленьне,
адзін бычок ад статка, баран і гадавалае ягня ў ахвяру цэласпалення,
адзін казёл у ахвяру за грэх,
і казёл у ахвяру за грэх;
і ў ахвяру мірную два валы, пяць бараноў, пяць казлоў, пяць ягнят-адналетак; вось прынашэньне Наасона, сына Амінадававага.
і ў ахвяру прымірэння два валы, пяць бараноў, пяць казлоў і пяць аднагадовых ягнят: гэта — ахвяра Наасона, сына Амінадаба.
На другі дзень прынёс Натанаіл, сын Цуараў, правадыр племя Ісахаравага;
У другі дзень прынёс Натанаэль, сын Суара, князь з пакалення Ісахара,
ён прынёс ад сябе прынашэньне: адну срэбраную місу вагою ў сто трыццаць сікляў, адну срэбраную чару ў семдзесят сікляў, па сіклі сьвяшчэнным, напоўненых пшанічнай мукою, зьмяшанаю з алеем, у прынашэньне хлебнае,
місу срэбраную ў сто трыццаць сікляў вагі, срэбраную чару ў семдзесят сікляў вагі, па вазе святыні, абедзве напоўненыя пшанічнай мукой, запраўленай алеем, у ахвяру з ежы,
адно залатое кадзіла ў дзесяць сікляў, напоўненае дымленьнем,
залатую чару ў дзесяць сікляў вагі, напоўненую кадзілам;
адно цяля, аднаго барана, адно ягня-адналетка, на цэласпаленьне,
аднаго бычка ад статка, барана і аднагадовае ягня ў ахвяру цэласпалення,
аднаго казла ў ахвяру за грэх,
і казла ў ахвяру за грэх;
і ў ахвяру мірную двух валоў, пяць бараноў, пяць казлоў, пяць ягнят-адналетак; вось прынашэньне Натанаіла, сына Цуаравага.
і ў ахвяру прымірэння двух валоў, пяць бараноў, пяць казлоў і пяць аднагадовых ягнят: гэта была ахвяра Натанаэля, сына Суара.
На трэці дзень правадыр сыноў Завулонавых Эліяў, сын Хэлонаў;
У трэці дзень князь сыноў Забулона, Эліяб, сын Гэлона,
прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,
прынёс місу срэбраную ў сто трыццаць сікляў вагі, чару срэбраную ў семдзесят сікляў вагі, па вазе святыні, абедзве напоўненыя пшанічнай мукой, запраўленай алеем, у ахвяру з ежы,
адно залатое кадзіла ў дзесяць сікляў, напоўненае дымленьнем,
залатую чару ў дзесяць сікляў вагі, напоўненую кадзілам,
адно цяля, адзін баран, адно ягня-адналетак, на цэласпаленьне,
бычка ад статка, барана і аднагадовае ягня ў ахвяру цэласпалення
адзін казёл у ахвяру за грэх,
і казла ў ахвяру за грэх;
і ў ахвяру мірную два валы, пяць бараноў, пяць казлоў, пяць ягнят-адналетак; вось прынашэньне Эліява, сына Хэлонавага.
і двух валоў, пяць бараноў, пяць казлоў, пяць аднагадовых ягнят у ахвяру прымірэння: гэта — ахвяра Эліяба, сына Гэлона.
На чацьвёрты дзень правадыр сыноў Рувімавых Эліцур, сын Шадаураў;
У чацвёрты дзень князь сыноў Рубэна, Элісур, сын Сэдэура,
прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,
прынёс місу срэбраную ў сто трыццаць сікляў вагі, срэбраную чару ў семдзесят сікляў вагі, па вазе святыні, абедзве напоўненыя пшанічнай мукой, запраўленай алеем, у ахвяру з ежы,
адно залатое кадзіла ў дзесяць сікляў, напоўненае дымленьнем,
залатую чару ў дзесяць сікляў вагі, напоўненую кадзілам,
адно цяля, адзін баран, адно ягня-адналетак, на цэласпаленьне,
аднаго бычка са статка, барана і аднагадовае ягня ў ахвяру цэласпалення,
адзін казёл у ахвяру за грэх,
і казла ў ахвяру за грэх;
і ў ахвяру мірную два валы, пяць бараноў, пяць казлоў і пяць ягнят-адналетак; вось прынашэньне Эліцура, сына Шадауравага.
і двух валоў, пяць бараноў, пяць казлоў, пяць аднагадовых ягнят у ахвяру прымірэння: гэта была ахвяра Элісура, сына Сэдэура.
На пяты дзень правадыр сыноў Сымонавых Шалумііл, сын Цурышадаеў;
У пяты дзень князь сыноў Сімяона Саламіэль, сын Сурысадая,
прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,
прынёс місу срэбраную ў сто трыццаць сікляў вагі, срэбраную чару ў семдзесят сікляў вагі, па вазе святыні, абедзве напоўненыя мукой пшанічнай, запраўленай алеем, у ахвяру з ежы,
адно залатое кадзіла ў дзесяць сікляў, напоўненае дымленьнем,
залатую чару ў дзесяць сікляў вагі, напоўненую кадзілам,
адно цяля, адзін баран, адно ягня-адналетак, на цэласпаленьне,
аднаго бычка са статка, барана і аднагадовае ягня ў ахвяру цэласпалення,
адзін казёл у ахвяру за грэх,
і казла ў ахвяру за грэх;
і ў ахвяру мірную два валы, пяць бараноў, пяць казлоў і пяць ягнят-адналетак; вось прынашэньне Шалумііла, сына Цурышадаевага.
двух валоў, пяць бараноў, пяць казлоў, пяць аднагадовых ягнят у ахвяру прымірэння: гэта была ахвяра Саламіэля, сына Сурысадая.
На шосты дзень правадыр сыноў Гадавых Эліясаф, сын Рэгуілаў:
У шосты дзень князь сыноў Гада Эліясаф, сын Дэуэля,
прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,
прынёс місу срэбраную ў сто трыццаць сікляў вагі, срэбраную чару ў семдзесят сікляў вагі, па вазе святыні, абедзве напоўненыя мукой пшанічнай, запраўленай алеем, у ахвяру з ежы,
адно залатое кадзіла ў дзесяць сікляў, напоўненае дымленьнем,
залатую чару ў дзесяць сікляў вагі, напоўненую кадзілам,
адно цяля, адзін баран, адно ягня-адналетак, на цэласпаленьне,
і аднаго бычка са статка, барана і аднагадовае ягня ў ахвяру цэласпалення,
адзін казёл у ахвяру за грэх,
і казла ў ахвяру за грэх;
і ў ахвяру мірную два валы, пяць бараноў, пяць казлоў і пяць ягнят-адналетак; вось прынашэньне Эліясафа, сына Дэгуілавага.
і двух валоў, пяць бараноў, пяць казлоў, пяць аднагадовых ягнят у ахвяру прымірэння: гэта была ахвяра Эліясафа, сына Дэуэля.
На сёмы дзень правадыр сыноў Яфрэмавых Элішама, сын Амуілаў;
У сёмы дзень князь сыноў Эфраіма Элісама, сын Аміюда,
прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,
прынёс місу срэбраную ў сто трыццаць сікляў вагі, срэбраную чару ў семдзесят сікляў вагі, па вазе святыні, абедзве напоўненыя мукой пшанічнай, запраўленай алеем, у ахвяру з ежы,
адно залатое кадзіла ў дзесяць сікляў, напоўненае дымленьнем,
залатую чару ў дзесяць сікляў вагі, напоўненую кадзілам,
адно цяля, адзін баран, адно ягня-адналетак, на цэласпаленьне,
аднаго бычка са статка, барана і аднагадовае ягня ў ахвяру цэласпалення,
адзін казёл у ахвяру за грэх,
і казла ў ахвяру за грэх;
і ў ахвяру мірную два валы, пяць бараноў, пяць казлоў, пяць ягнят-адналетак; вось прынашэньне Элішамы, сына Аміудавага.
і двух валоў, пяць бараноў, пяць казлоў, пяць аднагадовых ягнят у ахвяру прымірэння: гэта была ахвяра Элісамы, сына Аміюда.
На восьмы дзень правадыр сыноў Манасііных Гамалііл, сын Пэдацураў;
У восьмы дзень князь сыноў Манасы Гамаліэль, сын Падасура,
прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,
прынёс місу срэбраную ў сто трыццаць сікляў вагі, срэбраную чару ў семдзесят сікляў вагі, па вазе святыні, абедзве напоўненыя мукой пшанічнай, запраўленай алеем, у ахвяру з ежы,
адно залатое кадзіла ў дзесяць сікляў, напоўненае дымленьнем,
залатую чару ў дзесяць сікляў вагі, напоўненую кадзілам,
адно цяля, адзін баран, адно ягня-адналетак, на цэласпаленьне,
аднаго бычка са статка, барана і аднагадовае ягня ў ахвяру цэласпалення,
адзін казёл у ахвяру за грэх,
і казла ў ахвяру за грэх;
і ў ахвяру мірную два валы, пяць бараноў, пяць казлоў, пяць ягнят-адналетак; вось прынашэньне Гамалііла, сына Пецадуравага.
і двух валоў, пяць бараноў, пяць казлоў, пяць аднагадовых ягнят у ахвяру прымірэння: гэта была ахвяра Гамаліэля, сына Падасура.
На дзявяты дзень правадыр сыноў Веньямінавых Авідан, сын Гідэонаў;
У дзевяты дзень князь сыноў Бэньяміна, Абідан, сын Гедэона,
прынашэньне ягонае: адна срэбраная міса вагою ў сто трыццаць сікляў, адна срэбраная чара зь семдзесят сікляў, па сіклі сьвяшчэнным, напоўненыя пшанічнаю мукою, зьмяшанаю з алеем, у прынашэньне хлебнае,
прынёс місу срэбраную ў сто трыццаць сікляў вагі, срэбраную чару ў семдзесят сікляў вагі, па вазе святыні, абедзве напоўненыя мукой пшанічнай, запраўленай алеем, у ахвяру з ежы,
адно залатое кадзіла ў дзесяць сікляў, напоўненае дымленьнем,
і залатую чару ў дзесяць сікляў вагі, напоўненую кадзілам,
адно цяля, адзін баран, адно ягня-адналетак, на цэласпаленьне,
і аднаго бычка са статка, барана і аднагадовае ягня ў ахвяру цэласпалення,
адзін казёл у ахвяру за грэх,
і казла ў ахвяру за грэх;
і ў ахвяру мірную два валы, пяць бараноў, пяць казлоў, пяць ягнят-адналетак; вось прынашэньне Авідана, сына Гідэонавага.
і двух валоў, пяць бараноў, пяць казлоў, пяць аднагадовых ягнят у ахвяру прымірэння: гэта была ахвяра Абідана, сына Гедэона.
На дзясяты дзень правадыр сыноў Данавых Ахіезэр, сын Амішадаеў;
У дзесяты дзень князь сыноў Дана Ахіязэр, сын Амісадая,
прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,
прынёс місу срэбраную ў сто трыццаць сікляў вагі, срэбраную чару ў семдзесят сікляў вагі, па вазе святыні, абедзве напоўненыя мукой пшанічнай, запраўленай алеем, у ахвяру з ежы,
адно залатое кадзіла ў дзесяць сікляў, напоўненае дымленьнем,
залатую чару ў дзесяць сікляў вагі, напоўненую кадзілам,
адно цяля, адзін баран, адно ягня-адналетак, на цэласпаленьне,
аднаго бычка са статка, барана і аднагадовае ягня ў ахвяру цэласпалення,
адзін казёл у ахвяру за грэх,
і казла ў ахвяру за грэх;
і ў ахвяру мірную два валы, пяць бараноў, пяць казлоў, пяць цялят-адналетак; вось прынашэньне Ахіезэра, сына Амішадаевага.
і двух валоў, пяць бараноў, пяць казлоў, пяць аднагадовых ягнят у ахвяру прымірэння: гэта была ахвяра Ахіязэра, сына Амісадая.
На адзінаццаты дзень правадыр сыноў Асіравых Пагііл, сын Ахранаў;
У адзінаццаты дзень князь сыноў Асэра Пэгіэль, сын Акрана,
прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,
прынёс місу срэбраную ў сто трыццаць сікляў вагі, срэбраную чару ў семдзесят сікляў вагі, па вазе святыні, абедзве напоўненыя мукой пшанічнай, запраўленай алеем, у ахвяру з ежы,
адно залатое кадзіла ў дзесяць сікляў, напоўненае дымленьнем,
залатую чару ў дзесяць сікляў вагі, напоўненую кадзілам,
адно цяля, адзін баран, адно ягня-адналетак, на цэласпаленьне,
аднаго бычка са статка, барана і аднагадовае ягня ў ахвяру цэласпалення,
адзін казёл у ахвяру за грэх,
і казла ў ахвяру за грэх;
і ў ахвяру мірную два валы, пяць бараноў, пяць казлоў, пяць ягнят-адналетак; вось прынашэньне Пагііла, сына Ахранавага.
і двух валоў, пяць бараноў, пяць казлоў, пяць аднагадовых ягнят у ахвяру прымірэння: гэта была ахвяра Пэгіэля, сына Акрана.
На дванаццаты дзень правадыр сыноў Нэфталімавых Ахіра, сын Энанаў;
У дванаццаты дзень князь сыноў Нэфталі Ахіра, сын Энана,
прынашэньне ягонае: адна срэбраная міса вагою ў сто трыццаць сікляў, адна срэбраная чара ў семдзесят сікляў, па сіклі сьвяшчэнным, напоўненыя пшанічнай мукою, зьмяшанаю з алеем, у прынашэньне хлебнае,
прынёс місу срэбраную ў сто трыццаць сікляў вагі, срэбраную чару ў семдзесят сікляў вагі, па вазе святыні, абедзве напоўненыя мукой пшанічнай, запраўленай алеем, у ахвяру з ежы,
адно залатое кадзіла ў дзесяць сікляў, напоўненае дымленьнем,
залатую чару ў дзесяць сікляў вагі, напоўненую кадзілам,
адно цяля, адзін баран, адно ягня-адналетак, на цэласпаленьне,
аднаго бычка са статка, барана і аднагадовае ягня ў ахвяру цэласпалення,
адзін казёл у ахвяру за грэх,
і казла ў ахвяру за грэх;
і ў ахвяру мірную два валы, пяць бараноў, пяць казлоў, пяць ягнят-адналетак; вось прынашэньне Ахіры, сына Энанавага.
і двух валоў, пяць бараноў, пяць казлоў, пяць аднагадовых ягнят у ахвяру прымірэння: гэта была ахвяра Ахіра, сына Энана;
Вось прынашэньні правадыроў Ізраілевых пры асьвячэньні ахвярніка ў дзень памазаньня яго: дванаццаць срэбраных місаў, дванаццаць срэбраных чараў, дванаццаць залатых кадзілаў;
а было прынесена ад князёў Ізраэля на пасвячэнне ахвярніка, у дзень яго намашчэння: дванаццаць срэбраных міс, дванаццаць срэбраных чар, дванаццаць залатых чар,
па сто трыццаць сікляў срэбра ў кожнай місе і па семдзесят у кожнай чары: так, усяго срэбра ў гэтым посудзе па дзьве тысячы чатырыста сікляў, па сіклі сьвяшчэнным;
так што кожная міса важыла сто трыццаць сікляў срэбра, а кожная чара — семдзясят, гэта значыць увогуле ўсіх пасудзінаў са срэбра было дзве тысячы чатырыста па вазе святыні;
залатых кадзілаў, напоўненых дымленьнем, дванаццаць, у кожным кадзіле па дзесяць сікляў, па сіклі сьвяшчэнным: усяго золата ў кадзілах сто дваццаць сікляў;
чар залатых, напоўненых кадзілам, было дванаццаць; кожная чара важыла дзесяць сікляў, па вазе святыні, гэта значыць было ўсяго сто дваццаць сікляў золата;
на цэласпаленьне ўсяго дванаццаць цялят з быдла буйнога, дванаццаць бараноў, дванаццаць ягнят-адналетак і пры іх хлебнае прынашэньне, і ў ахвяру за грэх дванаццаць казлоў,
усіх бычкоў са статка для цэласпалення было дванаццаць, дванаццаць бараноў, дванаццаць аднагадовых ягнят і ўзліванняў да іх і дванаццаць казлоў у ахвяру за грэх.
і ў ахвяру мірную ўсяго з буйнога быдла дваццаць чатыры цяляці, шэсьцьдзясят бараноў, шэсьцьдзясят казлоў, шэсьцьдзясят ягнят-адналетак; вось прынашэньні пры асьвячэньні ахвярніка пасьля памазаньня яго.
Усіх валоў у ахвяру прымірэння было дваццаць чатыры, шэсцьдзесят бараноў, шэсцьдзесят казлоў і шэсцьдзесят аднагадовых ягнят: яны былі прынесены на пасвячэнне ахвярніка, калі ён быў намашчоны.
Калі Майсей уваходзіў у скінію сходу, каб гаварыць з Госпадам, чуў голас, які гаварыў яму з даха, які над каўчэгам адкрыцьця паміж двума херувімамі, і ён гаварыў яму.
І калі Майсей уваходзіў у палатку сустрэчы, каб гаварыць з Госпадам, чуў ён голас, што гаварыў з ім з па-над перамольні, што была над каўчэгам сведчання паміж двума херубінамі, адтуль казаў Ён яму.
