Первые Царствъ 13 Первые Царствъ 13 разьдзел

¹ Внегда Саулъ почал царствовати, тако был неповиненъ, якобы детище единаго лета, и в той неповинности царствовал две лете над людми Ізраилевыми. И выбралъ собе Саулъ три тысещи мужъ от людей Ізраилевыхъ,

² и были съ Сауломъ две тысещи у Масфасе и на горе Вефил, тысеща же зъ Енафою въ Гаваа Вениаминове; иных же всехъ людей роспустилъ, единаго каждого до дому своего.

³ И поразилъ Енафан сторожу Филистымскую, еже была въ Гаваоне; сия внегда услышали Филистымляне, а Саулъ трубити казал у трубу по всей земли и кликати, глаголя: «Послыште, Евреи!

⁴ и весь Ізраиль да слышить таковую славу — Саулъ поразилъ сторожу Филистымскую!» И въстал Ізраиль на Филистымлянъ, и вопиаху людие тое жъ за Сауломъ въ Галгале.

⁵ Филистымляне же идоша къ бою на Израиля — тридесеть тысещей возовъ и шесть тысещей конныхъ, а иныхъ людей посполитыхъ множество, яко песку на брегу морьском; и внегда приидоша, положиша полки своя въ Махмасе, на въсходъ солнъца от града Веф-Амна.

⁶ Сия внегда узрели суть мужи Ізраилеви, яко въ беде положены беша, змордованы убо были людие, съкрышеся въ пещерахъ, и въ яскиняхъ, и въ скалахъ, и въ ямахъ, и въ тайныхъ местехъ.

⁷ Никии же от Евреи прейдоша Еръданъ в землю Гадовуa и Галаадову. И внегда еще Саулъ былъ въ Галгале, убояшеся вси людие, наследующие его.

⁸ И ждалъ естъ седмъ дней по повелению Самуилову,b и не пришолъ Самуилъ въ Галгалу, и розбеглися суть людие от него.

⁹ Рече же Саулъ: «Принесите ми жертвы всего созжения и мирныя». И приношаше всесозжение.

¹⁰ Внегда же доконалъ естъ приносити всехъсозжения, се, Самуилъ прихождаше; и изыйде Саулъ на стретение ему, абы привиталъ его.

¹¹ Рече Самуилъ къ Саулу: «Что учинилъ еси?» Отвеща Саулъ: «Видехъ бо, яко разходятся людие от мене, и ты не пришолъ еси въ нареченый день, и Филистымляне собрашеся въ Масфате,

¹² и рекохъ: “Се, ныне приидуть на мя Филистымляне въ Галгалу, и лица Господьня не умолих”. Сего для припуженый есмъ и принесохъ жертву всихсозжения Господеви».

¹³ И рече Самуилъ къ Саулу: «Немудре еси учинилъc и не сохранилъ заповеди Господа, Бога твоего, якоже заповедахъ тобе. Бы еси былъ того не учинилъ, уже бы былъ ныне укрепил Господь царство твое надъ Ізраилемъ во веки.

¹⁴ А ныне уже царство твое не станеть к тому, съгледал убо естъ Господь мужа по сердцу Своему, и повелел ему Господь, абы былъ царем надъ людми Его, яко не сохранилъ еси, елико заповеда ти Господь».

¹⁵ И въставъ Самуилъ, и иде зъ Галгалъ путемъ своимъ въ Гаваонъ Вениаминовъ. Инии же людие шли суть за Сауломъ на стретение людем, воюющим ся с ними, пришедши зъ Галгалъ въ Гаваа на холме Вениаминове. И сочте Саулъ людей, иже с нимъ беша, и знайде якобы шестьсотъ мужъ.

¹⁶ И Саул, и Енафа, сынъ его, людие же, иже с ним знайдены суть, беша въ Гаваа Вениаминове; Филистымляне же лежаху въ Масфасе.

¹⁷ Изыйдоша воевати из становъ Филистымских три полки: единый полк идяше путем противу Ефраиму до земли Сауловы,

¹⁸ а вторый входилъ идущи по пути в Ехеронъ; третий же обратился естъ къ пути стран въ земли Саваа, иже превышаеть долину Севоимлю противъ пустыни.

¹⁹ Воистинну же в той часъ не обреташеся кузнець железа во всей земли Ізраилеве, понеже то были хитростию учинили Филистымляне прото, ижебы не наделали собе Евреи оружия и копьей.

²⁰ Сего ради мусили ходити вси сынове Ізраилевы къ Филистымляномъ, внегда хотели наострити лемеши своя, и грабли, и секиры, и косоры, и серпы, и вилы тризубые;

²¹ и притупишеся вси острости лемешевъ, и граблей, и секиръ, и вилъ тризубых, даже до остна потребующе оправы.

²² И внегда пришолъ день бою, несть знайденъ мечь ани копие в рукахъ всехъ людей, иже беша съ Сауломъ и съ Енафою, кроме толко Саула а Енафы, сына его.

²³ И поступило войско Филистымское, абы ся приближили до Махмасы противу Саулу.