Первые Царствъ 22 Первые Царствъ 22 разьдзел

¹ Отшедъ же Давыд оттуду и съкрися въ пещеру Идоламску. Сие же егда уведели братия его и домъ отца его, пришли суть к нему тамо.

² И сниидошеся к нему вси въ бедахъ положеные и съужены от иныхъ для долговъ и въ горкости духа, и бысть Давыдъ въместо князя имъ;a и было их с нимъ якобы пятьсотъ мужей.

³ Тогда идяше оттуду Давыдъ въ Масфатъ-градъ, еже естъ в земли Моавъской, и рече к царю Моавъску: «Молю ся ти, да пребудеть сезде, у тебе, отець мой и мати моя, дондеже увемъ, что сътворить со мною Господь».

⁴ И оставилъ их у царя Моавскаго, и пребываху-ть у него по вся дни, поки Давыдъ былъ въ сторожи.

⁵ И рече Кгадъ-пророкъ къ Давыду: «Не бывай въ той осторожи в земли чужъдей, но возвратися и иди в землю Іюдину». Тогда идяше Давыдъ и прииде до леса Арефъ.

⁶ И услышалъ Саулъ, яко явился естъ Давыдъ и мужи, иже были суть с нимъ. Саулъ же живяше въ Гаваа, и внегда былъ единою въ гаи, еже естъ въ Рамафе, держа в руце копие свое, а слузи вси стали суть около его,

⁷ и рече къ слугам своим, предстоящимъ ему: «Послухайте мене, сынове Емини! Еда ли всемъ вамъ дасть Давыдъ поля и винограды. И всех ли теже васъ зделаеть воеводами и сотники,

⁸ яко вси есте змовилися на мя? И несть, кто бы ми возвестилъ о немъ,b наболей и сынъ мой, Енафа, стоваришился с сыномъ Иесеовымъ; несть, кто бы мя пожаловалъ з васъ и ни кто бы ми поведилъ того, яко сынъ мой въздвиже на мя раба моего, мыслящего злая мне даже до днешнего дня».

⁹ Тогда отвеща Доехъ, Идумеанинъ, онже ту стоаше и былъ первый въ рабехъ Сауловыхъ: «Азъ видехъ сына Иесеова въ Нобе въ жерца Ахимелехаc, сына Ахитова,

¹⁰ онъже молился естъ за него къ Господу и ясти ему далъ, но и мечь Голиафа, Филистымлянина, ему отдалъ».

¹¹ Посла же царь по Ахимелеха-жерца, сына Ахитова, и по всю родину его, по жерцевъ, иже были въ Нобе. И они вси пришли суть къ царю,

¹² и рече царь къ Ахимелехови: «Слыши то, сыну Ахитовъ». И отвеща ему Ахимелехъ: «Се азъ, господи».

¹³ Рече же к нему Саулъ: «Прочто съдружилися есте на мя ты а сынъ Иесеовъ, яко далъ еси ему хлебы и мечь и съвещалъ еси о немъ от Господа, да бы укрепился на мя и врагъ мой тайный абы былъ даже и по днесь?»

¹⁴ Тогда отвещалъ Ахимелехъ къ царю и рече: «И кто естъ такъ верный межи всеми слугами царевыми, яко Давыдъ, зять царевъ, идяи, гдеже повелиши ему, а славный в дому твоемъ?

¹⁵ Еда ли днесь съвещати почал есмъ о немъ съ Господемъ? Отступи сее от мене, да не помышляеть царь на раба своего словесе такова и на весь род отца моего, понеже я, рабъ твой, не ведал о томъ ани мало, ани много».

¹⁶ И рече царь: «Смертию умрешиd, Ахимелехъ, ты и весь родъ отца твоего».

¹⁷ Тогда рече царь къ слугамъ, предстоящимъ ему: «Навратитеся и збийте иерея Господьня, яко руце их съ Давыдомъ суть, ведяше убо, иже утече, и не возвестиша мне». И не хотеша слузи его протягнути рукъ своих на ереи Господьня.

¹⁸ И рече царь къ Доехови: «Обратися ты и напади на ерея Господьня». Обращъ же ся Доехъ Идумеанинъ и нападе на ерея Господьня.e И забил естъ въ той день осмъдесятъ и пять мужевъ, обълеченыхъ въ ризы жреческие льняные;

¹⁹ Нобей же, град жреческий, погубилъ оружиемъ, мужи и жены, младенце и ссущие, овце, и волы, и ослы побилъ мечемъ.

²⁰ Утече же единъ сынъ Ахимелеховъ, сына Ахитова, именемъ Авиафаръ, и прибежалъ къ Давыду,

²¹ и возвестилъ ему, иже Саулъ погубилъ естъ ерея Господьня.

²² И рече Давыдъ къ Авиафару: «Ведехъ убо то в той же день, яко был тогда ту Доех, Ідумеанин, иже конечне возвестит сия Саулови. Азъ есмъ винен всеми душами дому отца твоего,

²³ буди ж со мною а не бойся: будет ли кто искати души твоея, будет искати и души моея, и со мною сохранен будеш».