Первые Царствъ 20 Первые Царствъ 20 разьдзел

¹ Утече же Давыдъ изъ Наофа, иже естъ въ Рамафе, и пришедъши къ Енафе, и рече: «Что учинил есмиa или коя проступка моя или грехъ мой предъ отцемъ твоимъ, иже ищеть убити мя?»

² Отвеща ему Енафа: «Не будет того, не умреши, и ниже учинить отець мой дела малого или великаго, но первей возвестить мне. Еда ли бы пакъ о тобе не возвестил мне, не будет того». И клялся ему опять.

³ Тогда рече к нему Давыдъ: «Весть добре отець твой, яко знайдох ласку пред очима твоима, и речет: “Не взвещу того Енафе, абы не был печален”. Но вежь о томъ, живъ естъ Господь и жива ест душа твоя, еще единою глаголю, иже ничто иное не розделить нас, токмо смерть».

⁴ И рече Енафа къ Давыду: «Что повелит мне душа твоя, учиню все».

⁵ Рече же Давыдъ къ Енафе: «Се, за утра свято Обновления Месеца будет, и азъ якоже имам обычай седати возле царя за столом, протож отпусти мя, да сокриюся негде на поли даже до третиего дня.

⁶ И погледев на место, будет ли ся на мя пытати отець твой, речеши ему: “Просил мене Давыдъ, абы скоро шолъ въ Вефлиомъ, град свой, яко тамъ будеть празник славный всему племени и старшимъ его”.

⁷ Речет ли к тому:b “Добре”, то миръ будеть рабу твоему, а естъли же начнеть гневатися, то ведай, яко доконана естъ злость его.

⁸ Сего ради учини днесь милосердие с рабомъ твоимъ, яко ушолъ еси со мною въ завет Божий; ащели же естъ на мне неякое провинение, ты самъ забий мя, а не води мене к отцу своему».

⁹ Отвеща к нему Енафа: «Не дай ми того Богъ, яко и то теже не будеть, абых знаючи злость досконалую отца моего противу тобе и не возвестил тобе».

¹⁰ И рече Давыдъ къ Енафе: «І кто ж возвестить сее мне, естъли же что речеть злого отець твой о мне?»

¹¹ Отвеща Енафа къ Давыду: «Пойди, и выйдимо на поле». И внегда вышли оба на поле,

¹² рече Енафа къ Давыду: «Господи, Боже Израилевъ! Познаю ли умыслъ отца моего за утра или по заутрею и будет доброе твое, естъли же скоро не возвещу тобе и не пошлю к тобе,

¹³ сия да препустить на мя Богъ и сия да приложит; а пакли же пребывати будет отец мой въ злости своей противу тобе, сия теже явлю ти и отпущу тя, да идеши с миромъ и да будеть Господь с тобою, якоже ест былъ съ отцемъ моимъ.

¹⁴ И буду ли самъ живъ, учинишъ со мною милосердие Господне;

¹⁵ пакли же умру, не отнимай милосердия твоего от дому моего во веки; ащели же не учиню сего, то да погубит мене Богъ от земли, внегда губити будет вси враги Давыдовы; и избави, Господи, от руку вражиих Давыда».

¹⁶ И завеща заветъ Енафа съ домом Давыдовымъ, и избавилъ ест Господь Давыда из руку врагов его.

¹⁷ И приложи к тому Енафа еще клятися Давыдови, любляше бо его, яко душу свою.

¹⁸ И рече Енафа къ Давыду: «За утра будеть святокъ Обновления Месеца, и въспытает о тобе отець мой, егда не узрить тебе седящего на месте своемъ,

¹⁹ и согледаеть тебе за утра и по заутрею. Протожъ ступишъ и пойдеши скоро на место, в немже съкритися имашъ иного дня, кроме святку. И сядеши у каменя, иже словеть Есель,

²⁰ и азъ трижды стрелю къ тому каменю, яко быхъ стрелял къ мете.

²¹ И пошлю отрока своего, глаголя ему: “Пойди и принеси ми стрелы”. Естли же реку тако ко отроку своему: “Се, стрелы предъ тобою суть, возми е”, ты пойди ко мне, яко миръ ест тобе, а не бойся ничего злого, живъ естъ Господь;

²² пакли же тако реку къ отроку своему: “Ото стрелы поодале за тобою суть”, тогда ты иди с миромъ, яко спасе тя Господь Богъ.

²³ О слове же семъ, еже было естъ межи мною и тобою, сведетель да будеть Богъ во веки».

²⁴ Тогда Давыдъ сокрился ест на поли. И прииде святокъ, и сяде царь за столъ ясти хлеба.

²⁵ И внегда седелъ естъ царь на престоле своемъ по обычаю, еже бе, при стене въсталъ ест Енафа. И сяде Авенеръ подле царя, место же Давыдово было празно.

²⁶ И не рече Саулъ в той день о Давыде ничтоже, яко мыслилъ ест: «Прото не селъ с нами за столъ, понеже нечистъ естъ и не освятилъ себе».

²⁷ И внегда было на другий день по святку, опять было празно место Давыдово. Тогда рече Саулъ къ Енафе, сыну своему: «Чему не пришолъ сынъ Иесеовъ ни вчера, ани днесь к столу?»

²⁸ Отвеща Енафа Саулови: «Просился у мене вельми, абы шолъ до Вефлиома,

²⁹ глаголя: “Отпусти мя, яко празникъ славный имаеть быти во граде моем. Единъ от братии моей позвал мене, и ныне, естъли же знайдохъ милость пред очима твоима, да иду спешне и узрю братию мою”. Сего для не пришолъ естъ к столу цареву».

³⁰ Разгневался же Саулъ на Енафу и рече к нему: «Сыну жены любодеици и нечистое! Вемъ убо я, иже ты милуешь сына Иесеова на срамоту собе и на срамоту безъстыдной матери твоей;

³¹ по вся бо дни, поколе будеть живъ сынъ Иесеовъ, не укрепишися ты и ни царство твое. Протожъ ныне пошли по него и приведи его ко мне, яко сынъ смерти естъ».

³² Тогда отвещалъ Енафа отцу своему и рече: «Чего для имать умрети? И что учинил естъ?»

³³ И ухопилъ Саулъ копие, хотя пробости его; и поразумелъ ест Енафа, яко умыслил отець его умертвити конечне Давыда.

³⁴ И въсталъ естъ от стола гневаючися Енафа, и не яде хлеба втораго дня по святку, и засмутился по Давыде, яко срамотилъ ест и отець его.

³⁵ И внегда бе на утрии, изыйде Енафа на поле, якоже ся первей был смолвилъ съ Давыдом, и отрокъ малый за нимъ.

³⁶ И рече къ отроку своему: «Иди и принеси ми стрелы, яже выстрелю». И внегда отрокъ бежалъ, выстрелилъ и другую стрелу за ним.

³⁷ И прииде отрокъ на место, гдеже была упала стрела, тогда возпи за нимъ Енафа, глаголя: «Се, тамо естъ стрела пала, поодаль от тебе».

³⁸ И потомъ возпи удругое Енафа воследъ отрока своего и рече: «Бежи скоро и не стой». И собралъ естъ отрокъ стрелы и принесе е къ господину своему.

³⁹ И что делалося межи ими, не разумелъ естъ тому отрокъ, токмо бо Енафа и Давыдъ ведали суть о той речи, еже ся деяла промежу ихъ.

⁴⁰ Тогда далъ естъ Енафа стрелы и лукъ отроку своему и рече ему: «Иди и неси во градъ».

⁴¹ И внегда идяше отрокъ во градъ, въстал Давыдъ от места, еже было на полудне, паде и поклонися до земли трижды. Тогда Енафа приступилъ естъ къ Давыдови, обнялъ его, и, целуя единъ другаго, плакашеся велми. Давыдъ же плакася болей.

⁴² И рече Енафа къ Давыду: «Иди с миромъc, якоже кляхомся оба именем Господьним, глаголюще, да будеть Господь межи тобою и мною и межи семенемъ твоимъ и семенемъ моимъ на веки».

⁴³ И тогда, въставъ, Давыдъ от[ъ]иде прочь, Енафа же вънииде паки въ градъ.d