Первые Царствъ 16 Первые Царствъ 16 разьдзел

¹ Тогда рече Господь къ Самуилу: «Доколе будеши ты плакатися по Сауле? Понеже Азъ заверглъ его, абы не царствовалъ во Израили. Наполни рогъ сей олея и пойди, да пошлю тя къ Иесею вифлеомскому, избралъ убо есми въ сынехъ его Собе царя».

² Рече же Самуилъ: «Како пойду? Услышит убо Саул и убиеть мя». И рече к нему Господь: «Возми из стада юнца и речеши: “Приидох принести жертву Господеви”;

³ и позовеши Иесея къ жертве, и Азъ покажу тобе, что чинити имаеши, и помажеши на царство, егоже явлю тобе».

⁴ Тогда учинилъ ест Самуилъ, яко повеле ему Господь, и пришолъ въ Ефлиомъ. И подивишеся старейшины града, изыйдоша на стретение ему и рекоша: «Въ мире ли ест к намъ вход твой?»a

⁵ И рече имъ: «Въ мире, принести жертвы Господеви приидохъ. Освятитеся жьb и пойдите со мною, да принесу жертву Господеви». Тогда освятилъ естъ Иесея и сыны его и позвалъ их къ жертве.

⁶ Внегда же пришли суть, узрелъ естъ первороженнаго сына его, Елиава, и рече: «Еда ли предъ Господемъ естъ помазанный Его?»

⁷ И рече Господь къ Самуилу: «Не зри лица его ни величества возросту его, яко завергохъ его, и ниже по возрению людскому Азъ сужу. Человекъ убо видить то, еже вне естъ, Богъ же согледаеть сердца».

⁸ Тогда позвал Иесей иного сына, именем Аминадава, и приведе его къ Самуилу. Он же рече: «И сего не избралъ ест Господь».

⁹ И приведе Иесей третьего, именемъ Саммаа, о немже рече Самуилъ: «Теже и сего не избралъ Господь».

¹⁰ И тако привелъ ест Иесей всю седмъ сыновъ своих предъ Самуила.

¹¹ И рече Самуил къ Іесею: «Не избралъ ест Господь от сихъ». И рече еще Самуил къ Іесею: «Толик ли же естъ всехъ сыновъ твоихъ?» Он же рече: «Еще ест единъ малый, иже пасеть овце». Тогда рече Самуилъ къ Іесею: «Пошли по него и приведи и, яко не сядем за столъ, дондеже не приидеть той». И посла Иесей, и приведе и.

¹² И той бе чермный, и красен лицем, и любого возрения. И рече Господь: «Въстани жъ и помажь его, сей убо воистинну естъ».c

¹³ Тогда взявъ Самуил рогъ съ елеом, помазалъ его посреди братии его. И данъ естъ духъ Божий Давыдови в той день; и потомъ Самуил же, въстав, навратися въ Рамафу.

¹⁴ И дух Господень отступи от Саула, и давляше и духъ злый от Господа.d

¹⁵ И рекоша слузи Саулови к нему: «Се духъ Господень злый мучить тебе. Повели, господи царю нашъ,

¹⁶ да идут слузи твои и согледают мужа, умеюща густи в гусле; и будет, егда бы тя мучилъ духъ злый от Господа, да гудеть, стоя предъ тобою, и легчее ти будеть».

¹⁷ Тогда рече Саулъ къ слугамъ своимъ: «Видесте ли кого добре гудуща, приведите его».

¹⁸ И отвеща единъ от слугъ, и рече: «Се, азъ видехъ сына Иесеова Вефлиомска, той умееть густи, и естъ мужъ силный, и военный, и разумный въ словехъ, и лепый, и Господь естъ с ним».

¹⁹ Тогда послал Саул послы къ Іесею, глаголя: «Пусти ко мне Давыда, сына твоего, онже пасеть овци».

²⁰ И взял ест Иесей осла и наклал на нь хлебовъ и мехъ вина, и козля едино, и послал съ Давыдомъ, сыномъ своим, къ царю Саулу.

²¹ И приде Давыдъ къ Саулу, и ста пред нимъ; и возлюбил его Саулъ велми, и бысть ему носяй оружие его.

²² И послал естъ Саул ко Іесии, глаголя: «Нехай Давыда, да пребудеть у мене и да стоить предо мною, знайде бо ласку пред очима моима».

²³ И бысть, внегда духъ Господень злый мучаше Саула, Давыдъ гудяше у гусли пред нимъ рукама своима, и полепшевашеся Саулу, и легчей ему бе, яко отхожаше от него духъ злый.