Зъявился Господь Богъ Самуилови спящему, и онъ поведал жерцу Гелии, что ему Богъ говорил ест. И познали людие Самуила быти верна пророка Божия.
1 Отрокъ же Самуилъ бе служай Господеви пред Гелиимъ, и глаголъ Господень былъ ест честен, понеже во днехъ тыхъ не бывало видение открываемо.
2 И бысть въ единъ день, Гелий лежаше на ложи своемъ и очи его бесте пошли, ниже можаше видетиa светилника Божия, внегда угасаше.
3 Самуил же спаше въ церкви Господьней, где былъ ест Кивотъ Божий;
4 и возва Господь Самуила, онъже отвеща, глаголя: «Се азъ!»
5 И бежа къ Гелии, и рече: «Се азъ, яко звалъ мя еси». Онъ же отвещалъ ему: «Не звахъ тебе, сыну; навратися и спи». От[ъ]иде же и спаше.
6 И приложи Господь еще возвати Самуила. Тогда въставъ Самуилъ, и иде къ Гелии вторицею, и рече: «Се азъ, понеже звалъ мя еси». Ему же отвеща Гелий: «Не звахъ тебе, чадо; навратися а спи».
7 Самуилъ убо еще былъ не зналъ Господа и ниже откровен былъ ему глагол Господень.
8 Тогда еще вътретее возвал ест Господь Самуила. Онъ же, въставъ, иде къ Гелии и рече: «Се азъ, яко звал мя еси». Поразумев же Гелий, иже Господь призываеть отроча,
9 и рече къ Самуилови: «Иди жъ и спи; а ест ли же потомъ възовет тя, рцеши: Глаголи, Господи, яко слышить рабъ Твой». Тогда отшедъ Самуилъ и спаше на месте своемъ.
10 И приде Господь, и ста, и возва и, якоже възывалъ былъ первое и второе: «Самуиле, Самуиле!» И рече Самуилъ: «Глаголи, Господи, яко слышит рабъ Твой».
11 И рече Господь къ Самуилу: «Се Азъ чиню слово въ Ізраилили, ащели же кто услышить е, възбръмятb обе уши его;c
12 d въ той день възбужу на Гелию вся, елика глаголахъ на домъ его; се, почну и сконъчаю,
13 яко преды поведехъ ему, иже мстити буду над домом его даже во веки безакония ради его, понеже зналъ ест, иже зле чинять сынове его и не казнилъ их;
14 сего для кляхся роду Гелиину, иже не очистится безаконие дому его в дарехъ и ни в жертвахъ до века».
15 И спалъ естъ Самуилъ даже до утра, и рано вставъ, отворил двери Дому Господьня; и боялся ест Самуилъ поведити видения Гелии.
16 Тогда возвалъ Самуила Гелий и рече ему: «Самуиле, сыну мой!» Онъ же отвеща к нему: «Се азъ есмъ!»
17 И пыталъ его: «Что естъ речь, иже глаголалъ Господь к тобе? Молю ти ся, не утаи предо мноюe: сия учинить тобе Господь и сия приложить, естъли же затаиши от мене речь от всехъ словъ, глаголаныхъ к тобе».
18 И поведелъ ему Самуилъ вся слова, и не съкрилъ пред нимъ. И рече Гилий: «Господь естъ: еже добро ест пред очима Его, да учинит».
19 И ростлъ ест Самуилъ, и Господь бяше с нимъ, и не поминул от всехъ словъ его ни единъ глаголъ на земли.
20 Тогда познаша вси людие Ізраилеви, от Дана даже до Версавии, иже верный Самуилъ пророкъ Господень.
21 И опят приложилъ ест Господь, абы ся указалъ въ Силоме, понеже явился естъ былъ Господь Самуилови въ Силоме.
a Ad marginem: Ниже, 4[:13]; Быцця, 48[:2].
b възбръмят (Вульгата: tinnient, ‘зазвіняць’; ЦСБ: пошумить).
c Ераміі, 19[:3]; 4 Царстваў, 21[:25], у Скарыны нумар кнігі названы памылкова — Другая.
d Ad marginem: Выше, 2[:34].
e Быцця, 37; Ераміі, 38[:14].
Знайшлі памылку ў тэксце? Вылучыце яе і націсніце:
Ctrl + Enter
Первые Царствъ, 3 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.