Первые Царствъ 30 Первые Царствъ 30 разьдзел

¹ Внегда же идяше Давыдъ и мужи его въ Сицелехъ-градъ, третий день пред тымъ Амалехитяне наехали были на градъ Сицелех от страны полуденное, и добыша Сицелеха, и зажгоша и;

² и поимаша жены и дети от мала и до велика, иже были во граде. Не убиша же от них ни едина, но ведоша их всехъ с собою и идоша въ страну свою.

³ И егда прииде Давыдъ и мужи его во град, и знайдоша и позженый огнемъ; жены пакъ их, и сынове их, и дщеры их беху полонены.

⁴ И возпи Давыдъ и мужи, иже беша с нимъ, и великим криком плакали сут, дондеже не доставашеся имъ слезъ.

⁵ Теже бо и обе жене Давыдовы были взяты, то естъ Ахинома, Езъраильтянины, и Авигаиль, жена Навалева Кармельскаго.a

⁶ И стошнилъ ест собе Давыдъ, велми хотяху бо людие камением убити его прото, иже въ горькости была душа единаго каждого мужа по сынехъ и по дщерахъ своих. Укрепи же ся Давыдъ о Господе, Бозе своемъ,

⁷ и рече ко Авиафару-жерцу, сыну Ахимелехову: «Облечися при мне въ ризу жреческую»b. И облечеся при немъ Авиафаръ въ ризу жреческую;

⁸ тогда въспроси Давыдъ Господа, глаголя: «Поженуся ли за користовниками сими и поимаю ли их чили не?» Отвеща ему Господь: «Поженися, воистинну бо поимаеши их и от[ъ]имеши всю користь имъ».

⁹ И погнашеся Давыдъ и шестьсотъ мужей, иже беша с нимъ, и приидоша къ реце Весоре. И осталися суть ту некои з них, ониже ся были утомили,

¹⁰ Давыд пак и четыриста муж с нимъ гнашеся воследъ их, понеже остало с нихъ было мужей двесте у реки Весоры, еже были пристали и не могоша переплыти ея.

¹¹ И знайдоша мужа Египетскаго на поли, и приведоша его къ Давыду, и дали суть ему хлеба ясти и воды пити,

¹² и к тому мало фиковъ и два гроздны вина сухого. Он же внегда наелся, навратися духъ его и укрепился ест, яко бо не елъ былъ хлеба и не пилъ воды три дни и три нощи.c

¹³ И рече к нему Давыдъ: «Чий еси ты, и откуду есь, и камо идешъ?» Он же отвеща ему: «Мужъ Египтянинъ есмъ, рабъ мужа Амалехитянина; остави же мя господин мой, яко рознемоглся есмъ былъ, днес третий день.

¹⁴ И были есмо выскочивши ко стране полуденной от Церефа, и противу Іюдеи, и на полдень от Калефа, и ударили есмо на градъ Сицелехъ, и выжгли и».

¹⁵ И рече к нему Давыдъ: «Можеши ли мя довести к войску тому?» Он же отвеща ему: «Клини ми ся Богомъ, яко не убиеши мя и не даси мя в руце господину моему, а я приведу тебе к войску тому».d

¹⁶ И клялся ему Давыд; тогда приведе е к войску, и се, они лежаху по земли, ядуще и пиюще, и якобы празникъ чиняще о всей користи, еже были набрали в земли Іюдиной и в земли Филистымской.

¹⁷ И билъ ихъ Давыд от вечера даже и до вечера другаго дня, и не утече от нихъ ни един, толико четыриста мужъ младыхъ, ониже, въседши на вельблюды, утекли суть.

¹⁸ И отнял естъ Давыдъ всю користь, юже были побрали Амалехитяне, и обе жене свое взялъ ест.

¹⁹ И ниже кто загинулъ от мала и до велика от сыновъ и од дщеръ и от всего имения их. И вся, елика были побрали, отнял имъ Давыдъ;

²⁰ взялъ теже и стада вся, овце и волы, и гнал их предъ собою. И рекли суть вси: «Сей естъ полонъ Давыдовъ».

²¹ Тогда пришол ест Давыдъ ко двемастомъ мужем, ониже были пристали и не могоша ити и повелелъ былъ имъ остати у реки Весоры; тии же изыдоша во стретеніе Давыду и мужемъ, иже беша с ним, и приступи к нимъ Давыд, и прия их словы мирными.

²² Тогда рекоша некии мужи злыи и гладъственыи, иже беша съ Давыдомъ: «Понеже не были суть сии с нами, протож не даймо имъ ничего с користей тыхъ, еже отняхомъ, но досыть имъ будеть того, внегда единый каждый возметь жену свою и дети, и вземши то, да идуть прочь».

²³ Рече же к ним Давыдъ: «Не тако уделайте, братия моя, с тою користию, юже далъ ест намъ Господь Богъ, и сохранилъ насъ, и предалъ користовники, еже выжгли были градъ нашъ, в руце наше».

²⁴ И никтоже, услышавый слова сия ваша, похвалить е, eно ровная часть да будеть яко тымъ, ониже ходиша на войну, тако и тымъ, ониже стрежаху бременъ, и заровно вси делитися будуть.

²⁵ И сталося то за обычай, и якобы за право вошло въ люди Ізраилевы от дня того даже и по днесь.

²⁶ И навратися паки Давыдъ во градъ Сицелехъ, и послал дары с користей тыхъ старшим Іюдиным, приателемъ своимъ, глаголя: «Приимите благославение от полона, иже полониша врази Божии», — темъ,

²⁷ еже беша во Вефиле и во Рамофе к полудню, и во Ефире,

²⁸ и во Ароире, и иже беша въ Сефамофе, и въ Есгаме, и въ Рахелиме,

²⁹ и теже иже быша во градехъ Ерамелийскихъ и во градехъ Ценийскихъ,

³⁰ и иже въ Раме, и иже около озера Азанъ, и иже у Афаху,

³¹ и иже въ Хевроне, и инымъ, ониже жили суть на тыхъ местехъ, в нихже пребываше Давыдъ и мужи его.