Яко сынове Самуиловы были велми сребролюбиви, и сего для людие просили Самуила, абы имъ поставилъ царя. И поведает имъ право царево.
1 Бысть же, внегда состарелся былъ Самуил, поставил сыны свои судиами надъ людми Ізраилевыми.
2 И было естъ имя сына его первороженнаго Іоилъ, и имя второму — Авиа, судии во Версавии.
3 И не ходиша сынове его по путех его, но уклонишеся въ сребролюбие, и приимаху дары, и превращеваху судъ.
4 Собравше же ся, вси старейшины Ізраилевы приидоша къ Самуилу въ Рамафу
5 и реша ему: «Се, ты уже состарелся есь, и сынове твои не ходять по путехъ твоих, прото постави намъ царя,a да нас судит, яко и вси иныи народи имуть».
6 И не полюбися Самуилови речь сия, еже реша «дай намъ царя, да насъ судить». И молился Самуилъ къ Господу.
7 И рече Господь къ Самуилу: «Послушай гласу людей во всехъ, еже глаголють к тобе, яко не тебе завергоша, но Мене, абыхъ не царьствовалъ над ними.
8 По всехъ делехъ своих, яже деаху от того дни, в онже изведохъ е из Египту, даже до дне сего, яко опустивши Мене и послужили суть богом чуждим, тако чинять и тобе.
9 Ныне же послушай гласа их, но знаемо учини имъ и напредъ возвести имъ право царево, онже над ними царствовати будет».
10 И молвилъ ест Самуилъ вся словеса Господьня к людемъ, ониже просиша от него царя,
11 и рече: «Тое будеть право царево, иже царствовати будеть над вами: брати будеть сыны ваша и наделаеть с них ездцовъ собе, и возатаевъ, и гонцевъ при возехъ своих;
12 и встановить собе воеводы и сотники, и ратаи поль своих, и жнатаи житъ своих, и коваче зброи и возов своих;
13 и зъ дщерей теже ваших наделает собе, ониже масти драгие чинити будуть, и поварей, и ткалей;
14 поля теже ваша, и винограды, и масличины избранныя побереть и дасть рабом своимъ,
15 но изъ обилий ваших и з пожитков, з винниць десятину брати будеть, абы далъ коморникомъ и служебником своимъ;
16 рабы теже ваша, и рабыне ваша, и отроки избранныя, и ослы побереть и отдасть их к делу своему;
17 и от стадъ ваших десятое брати будеть, и вы сами будете его раби.
18 И возопиете в той день от лица царя вашего, егоже избрасте собе, и не услышить васъ Господь в той день, яко просисте собе царя».
19 И не восхотеша людие послушати гласа Самуилова, и реша: «Никако, но да будеть царь над нами,b
20 и мы будемы теже, яко и иныи вси народи: и судити насъ будет царь нашъ, и выхожати предъ нами, и воевати будеть за насъ».
21 И выслухалъ Самуил вся словеса людей, и глаголалъ е предъ Господемъ.
22 И рече Господь къ Самуилу: «Послушай гласа их и постави над ними царя». И рече Самуилъ к мужемъ Ізраилевым: «Да идеть единый каждый в домъ свой».
a Асіі, 13[:10]; Дзеі Апосталаў, 13[:21] (зачын 32).
b Ad marginem: Ниже, 10[:19]; Ниже, 12[:12].
Знайшлі памылку ў тэксце? Вылучыце яе і націсніце:
Ctrl + Enter
Первые Царствъ, 8 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.