Принесоша Кивотъ Господень въ КариатИаримъ. Самуилъ созвалъ людей и научалъ их на добро, и за них ся молилъ и жертвы приносилъ к Господу, и судил людем, и Филистымлян покорилъ пред Ізраилем.
1 Пришли суть мужи Кариат-Иаримстии, и взяли Кивотъ Господень, и отвезли и на место свое, и внесли суть и въ домъ Аминадавов, иже въ Гаваоне, и Елиазара, сына его, посвятили на сохранение Кивота Господьня.
2 И бысть от того дня, в оньже бе Кивотъ Господень въ Кариат-Иариме, множество дней проминуло, и было естъ якобы летъ двадесеть, и отпочиваше весь Ізраиль о Господи.
3 И реклъ ест Самуилъ къ всему дому Ізраилеву, глаголя: «Аще всимъ сердцемъ вашим навращаетеся к Господу, изъверзите жъ богы чуждие от среды васъ, Ваалима и Астарота, и зготуйте сердца ваша Господу, и поработайте Ему единому, и изорветь васъ из руку Филистымскыхъ».a
4 Сего ради изъвергоша сынове Ізраилевы Ваалима и Астарота и поработаша Господу самому.
5 И рече Самуил: «Съберите всехъ людей Ізраилевых въ Масъфату, да помолюся о васъ къ Господу».
6 И снидошеся въ Масфату, и черпаху воду и выливаху пред лицемъ Господьнимъ, и постиша той день, и реша: «Согрешихомъ пред Тобою, Господи!» И судилъ естъ Самуилъ сыны Ізраилевы въ Масъфате.
7 И услышали суть Филистымляне, яко собрашеся сынове Ізраилевы въ Масфату, и възыйдоша воеводы Филистымския къ сыномъ Ізраилевым. Сия внегда услышали сынове Ізраилевы, убояшеся от лица Филистымска
8 и реша къ Самуилу: «Не преставай вопиати о насъ къ Господу Богу, да спасеть насъ от рукъ Филистымскихъ».
9 Тогда взял Самуилъ агнъца единаго ссущего и принесе его цела во всесозжение Господеви. И помолился Самуил о Ізраили къ Господу, и послуша его Господь.
10 И бысть, внегда Самуилъ приносилъ всесозжение Господу, Филистымляне вниидоша въ бой на сыны Ізраилевы. И възгримелъ естъ Господь громобитиемъ великимъ в той день надъ Филистымляны, и застрашилъ их, и побегли суть от сыновъ Ізраилевых.b
11 И вышедши сынове Ізраилеви изъ Масфата, гонили суть Филистымлянъ и били суть их даже до места, еже было подъ Ветъ-Харомъ.
12 И взялъ ест Самуилъ камень единъ и положилъ и межи Масфатомъ и межи Сенномъ, и нарече имя месту тому Камень Помощи, глаголя: «Даже доселе помощъ естъ далъ намъ Господь».
13 И понижени суть Филистымляне, и не приложиша к тому входити въ пределы Ізраилевы; и бысть рука Господьня надъ Филистымляны по вся дни Самуиловы.
14 И наврачены суть грады, иже были взяли Филистымляне от Ізраиля, въспят Ізраилеви от Аккарона даже до Ефаа, и пределы их; и высвободил ест Господь Ізраиля з руку Филистымских, и бе миръ межи Ізраилем и Амореем.
15 Судил же ест Самуилъ Ізраиля по вся дни живота своего;
16 и ходил на кожный годъ, обхожая Вефил, и Галгалу, и Масфат, и судил ест Ізраилю въ пред реченых градех,
17 и возвращашеся въ Раамафу, тамъ убо бе домъ его, и ту сужаше Ізраиля, и уделалъ ту олтарь Господеви.
a Быцця, 35[:2]; Ісаі, 2; Ісуса, сына Нава, 24[:14]; Псалом 131.
b Ісуса, сына Сіраха, 46[:20].
Знайшлі памылку ў тэксце? Вылучыце яе і націсніце:
Ctrl + Enter
Первые Царствъ, 7 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.