Песня Анны, матери Самуиловы. И о гресех сынов Гелии-жерца, Офни и Финиеса, і яко не хотел отець их за тое карати. Протож Господь Бог послал к нему, смерть сыновъ его обу единаго дня проповедуя.
1 Анъна пакъ, мати Самуилова, Богу помолися и рече: «Утвердися сердце мое о Господи и вознесеся рогъa мой о Бозе моемъ; разширишеся уста моя на враги моя, яко возвеселихся о спасении Твоем.
2 Яко несть святъ, яко Господь, и несть праведенъ, яко Бог нашъ, и несть силна паче Тебе, Господи.
3 Не хвалитеся и не глаголите высокая въ гордыни, ни да изыйдеть велеречие из устъ вашихъ, яко Богъ разумомъ Господь и Богъ уготоваеть начинания Своя.
4 Лукъ силныхъ изнеможе и немощнии препоясашеся силою;
5 исполнени хлеба ради продашеся, алъчущие же насытитеся, яко неплодная роди многыхъ и многая о чадехъ изнеможе.
6 Господь мертвить и живить, Господь низводить въ адъ и возводить.b
7 Господь убожить и богатить, смиряет и возносить,
8 воздвизаеть от земля нища и от гноища возносить убогаc посадити его со князми людскими и престол славы наследить ему, дая милость молящемуся, и благославилъ естъ лета праведнаго. Господьни суть краи земли и утвердилъ на нихъ вселенную.
9 Съхранить нозе святыхъ Своихъ, и нечтивии же во тме умолкнуть, яко не укрепляется силный мужъ крепостию своею.
10 Господь немощна творить супостата его, Господь естъ святъ. *Да не хвалиться премудрый премудростию своею и да не хвалится силный силою своею, и да не хвалится богатый богатествомъ своимъ; но о сем да хвалится хваляйся, еже разумети и знати Господа и творити суд и правду посреди земли.*d Господь възыде на небеса и возъгриме, Той судить конца земли, праведен сый, и дасть крепость цареви нашему, и вознесет рогъ Христа Своего».
11 И от[ъ]иде Гелкана въ Рамафу, в домъ свой; отроча же бе служай лицу Господьню во храме пред Гелиемжерцем.
12 Сынове пакъ Гелиины были сынове безакония, не ведуще Господа
13 ни чину жреческаго пред людми, внегда бо кто приносяше жертву, прихождяше слуга их, егда варяху людие мясо, имея удицу тризубую в рукахъ своих,
14 и въкладаше ю до горнъца, или до котла, или до скаврады, и все, еже зачепяше удица, вытяг, бираше е собе, жерцу. И тако чиняше всемъ людем Ізраилевым, приходящим въ Силом.
15 Теже прежде пожрения тука приходяше слуга жерцев, глаголя къ приносящему: «Дай ми мяса, да изварю жерцу, понеже не прииму потом от тебе мяса вареного, но сырое».
16 И отвещаваше ему муж приносящий: «Да пожрется первей по обычаю тук всего сожжения, потом пак возми собе, елико же хощет душа твоя». Он же молвяша к нему: «Никако, но дай ми ныне, или сам силою возму».
17 И бе той грех слугъ их великий велми пред Господем Богом, понеже отгоняху людей от жертвъ Господьних.
18 Самуил же бе служай пред Господем отрочищъ, препоясан, в ризахъ лняных.
19 И мати делывала ему одежу малу, юже и приносяше часы своими, егда приходяше с мужем своимъ пожрети жертвы славныя и молитвы исполнити в Силоме.
20 И благослави Гелий Гелкану и жену его, глаголя: «Да дасть тобе Господь сына иного от жены сея въместо того, егоже еси отдалъ Господу!» И от[ъ]идоша в домъ свой.
21 Тогда посети Господь Анну, и зача, и роди три сыны и две дщере; и возвеличенъ естъ отрокъ Самуил пред Господемe.
22 Гелий же бе состарелся вельми, и слышал естъ о томъ о всемъ, еже деяху сынове его всемъ людемъ Ізраилевымъ, и к тому иже пребываху съ женами, еже бываху на молитве у дверей храму Господьня вночи.
23 И рече к нимъ Гелий: «Прочто чините таковая дела, еже азъ слышу о васъ речи велми злыи от всехъ людей?
24 Не чините того, сынове мои, яко недобра ест слава, юже азъ слышу, яко въ грехи приводите людей Господьних.
25 Согрешить ли мужъ мужевиf, то можеть умолитися ему Бог; ащели же съгрешить мужъ Богови, икто помолится о нем?» И не послухали суть словъ отца своего, яко Господь восхоте погубити их.
26 Отрок же Самуилъ послушаше, и ростяше, и бе любъ Богу и человеком.
27 Прииде же мужъ Божий къ Гелии и рече ему: «Тако глаголеть Господь: Еда ли явне не указался есми дому отца твоего, внегда былъ ест въ Египте, въ дому фараонове?
28 И избралъ есмъ его от всехъ племенъ Ізъраилевыхъ Собе въ жерца место, да бы въступовалъ ко олтарю Моему и абы приносилъ Мне жертву всехсозжения и носилъ ризу жреческую предо Мною. И дахъ дому отца твоего вся жертвеная сыновъ Ізраилев[ых].
29 Почто ногою сторкаете от себе приношение Мое и дары Моя, еже заповедахъ приносити въ храме, и более еси чтилъ сыны своя, нежели Мене? И се, ядосте начала от всехъ приношенией людей моих, Ізраиля.
30 Сего ради тако рече Господь, Богъ Ізраилевъ, глаголя:g Реклъ есмъ былъ, абы домъ твой и домъ отца твоего служилъ предъ лицемъ Моимъ даже во веки. Ныне же глаголеть Господь: Отступи от Мене, но прославляющего Мя прославлю и уничижающеи Мя безо чти будут.
31 Се, дние идуть, и подрублю мышцу твою и мышцу дому отца твоего тако, иже не будет старый в дому твоемъ,
32 и узриши противника твоего въ храме во всехъ благостех Ізраиля, и не будет ти долъголетный в дому твоемъ по вся дни.
33 Но не отыму наконець мужа з роду твоего от олтаря Моего, но да осекудеют очи твое, истлеет душа твоя и часть велиа дому твоего изомрет, внегда приидут к летом мужества.
34 Сее ти будеть за знамение, еже імать приити на оба сына твоя, на Ефню и Финеиса: въ единый день умруть оба.h
35 И възбужу Собе жерца верна, иже по серцу Моему и по воли души Моея чинити будетьi, и сооружу ему домъ веренъ, и ходити будет предъ Христом Моим по вся дни.
36 Тое то ест пакъ будущее, иже всякий оставый от дому твоего приходити будет, да помолится о нем и принесет ему пенезь сребреный а колач хлеба, и речет: “Припусти мя, молю ти ся, ко единой части жреческой, да изъем кусъ хлеба”».
a Аd marginem: сила.
b Другі Закон, 32; Тавіта, 13[:2]; Мудрасці, 16[:13].
c Псалом 112[:7].
d Тэкст паміж зорачкамі маецца толькі ў ЦСБ, у Вульгаце адсутнічае.
e Быцця, 21[:1-2].
f Erratum: жужеви.
g Выхад, 28[:43].
h Ad marginem: Ниже, 3[:13], Ниже, 4[:11].
i Ісаі, 38[:3]; Ісаі, 22; Лявіт, 22.
Знайшлі памылку ў тэксце? Вылучыце яе і націсніце:
Ctrl + Enter
Первые Царствъ, 2 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.