Первые Царствъ 12 Первые Царствъ 12 разьдзел

¹ Глаголалъ же ест Самуилъ ко всемъ людемъ Ізраилевымъ: «Се, послушах гласа вашего по всему, елико рекосте ко мне, и поставих над вами царя,

² и ныне се царь идеть пред вами. Азъ же состарехся и ошедивехъ, и сынове мои межи вами суть; сего для весте, яко жихъ с вами от младости даже до днешнего дня.

³ Се, стою пред вами; поведите жъ на мя предъ Господемъ и предъ помазанымъ Его, еда ли кому от васъ взях вола или осла,a или оболгах ли кого з васъ, или насилствовах ли на кого от васъ? Взях ли посулъ от кого з руку ваших, навратимъ е вамъ днесь и досыть учиню вамъ всемъ».

⁴ И рекоша къ Самуилу: «Не оболгалъ еси насъ, и ни насилствовалъ еси на насъ, и не взял еси з руку наших ничтоже».

⁵ Рече же к ним Самуилъ: «Сведетель ми естъ тогда Господь противу вамъ и сведетель помазаный Егоb в той день, яко не знайдосте в рукахъ моих ничтоже». И рекоша людие: «Сведетель».

⁶ Рече же Самуилъ к людемъ: «Господь, иже сотворилъ Моисея и Аарона и изведый отци наше зъ Егыпта, сесде естъ.

⁷ Сего ради днесь предъстанете, да в судъ войду с вами предъ Господемъ о всехъ милосердиехъ Господьних, еже учинилъ вамъ и отцемъ вашимъ.

⁸ Яко вшолъ ест Іаковъ до Египта, и возпиша отцеве ваши къ Господу, и послалъ Господь Моисея и Аарона, и зведе отци ваше из Египта, и увелъ е на место семо.c

⁹ Они же позабыша Господа, Бога своего, и предалъ ихъ в руцеd Зизаре, воеводе асорскому, и в руце Филистымляномъ, и в руце царю Моавску, и побиаху их.

¹⁰ Потом же вопиаша къ Господу и рекоша: “Согрешихомъ, яко оставихомъ Господа и послужихомъ Ваалиму и Астароту!e Ныне же зорви насъ из руку враговъ наших и поработаемъ Тобе”.

¹¹ И послалъ Господь Еровааля, и Вадана, и Вараха, и Ефтаа, и Самуила и избавилъ васъ з руку враговъ ваших околичныхъ, и пребывали есте в покои.

¹² Видяще же вы, яко Наасъ, царь сыновъ Амоних, повсталъ на васъ, рекосте ко мне: “Никако, но да царь царствуеть над нами”, внегда Господь, Богъ вашъ, царствовалъ естъ над вами.

¹³ f Протожъ ныне пред вами ест царь вашъ, егоже изб[р]асте и просисте; се, далъ вамъ ест Господь царя.

¹⁴ Будети ли ся бояти Господа и поработаете Ему, и послушаете гласа Его, и не отвержетеся словесъ Его, будете и вы, и царь, иже царствует над вами, наследующе Господа, Бога вашего;

¹⁵ ащели же не послухаете словесъ Господьних, но погордите заповедьми Его, то будет рука Господьня над вами и над царемъ вашимъ.

¹⁶ Но ныне стойте и видите речь великую сию, юже учинить Господь предъ вами:

¹⁷ се убо ясно ест, и жатва пшеници днесь естъ; възову я къ Господу, и дасть громобитие и дождь, и познаете, и уверите, иже великое злое учинили есте предъ лицемъ Господьнимъ, просяще собе царя».

¹⁸ И возвалъ естъ Самуилъ къ Господу, и дал ест Господь громобитие и дождь в день той; и убояшеся велми вси людие Господа и Самуила.

¹⁹ И рекоша къ Самуилу вси людие: «Молися о рабехъ твоих къ Господу, Богу твоему, да не помремы, приложихом бо къ грехом нашим и тое злое, иже просихом собе царя».

²⁰ Рече же Самуил к людем: «Не бойтеся. Вы есте вчинили все злое сее, токмо не отступайте от Господа, Бога своего, но поработайте Ему всем сердцем вашим

²¹ и не уклоняйтеся за празностями, ониже не помогуть вам и ни збавят вас, понеже празности суть.

²² И не опустить Господь людей Своих имене ради Своего великаго, яко клялся естъ Господь вчинити васъ в люди Собе;

²³ и да отступит от мене тотъ грехъ пред Господем, да бых ся молити престалъ за васъ и научати васъ путя добраго и праваго.

²⁴ Протожъ бойтеся Господа и поработайте Ему въ истинне всемъ сердцемъ вашим, понеже видели есте великии речи, еже учинилъ естъ Господь посреди васъ;

²⁵ естъли же пакъ пребывати будете въ злости, то и вы, и царь вашъ вкупе загинете».