Первые Царствъ 25 Первые Царствъ 25 разьдзел

¹ Умерлъ же естъ Самуилъ, и собрася весь Израил, и плакашеся по нем велми, погребоша и во граде его, въ Рамафе.a Тогда въсталъ Давыдъ и иде въ пустыню Фараню.

² И былъ естъ мужъ некий въ пустыни Маонъ, и имение его въ Кармели. И бе человекъ той богатый велми, имелъ убо три тысещи овець а тысещу козъ;

³ имя же мужу тому было Наваль, и имя жены его — Авигаиль. И была естъ жена та смыслена и красна, мужъ же ея бе скупъ, и лукав, и злобив, а былъ от колена Калефова.

⁴ И внегда услышал естъ Давыдъ въ пустыни, яко Наваль стрыжет стадо свое,

⁵ послалъ к нему десеть мужей своихъ, и рече к нимъ: «Въступите на гору Кармель и идите къ Навалю, и поклонитеся ему от мене мирне,

⁶ и тако рците: “Буди миръ тобе, брату моему, и рабомъ твомъ, буди миръ дому твоему и всему имению твоему! От многыхъ летъ соблюдох всехъ людей твоих и вся стада твоя;

⁷ слышахъ, яко пастыри твои стрыгуть овце тыи, иже бывали подле насъ въ пустыни; не изобидихомъ ихъ и ниже что загибло ест от стада твоего по вся часы, егда были сут с нами в Кармели:

⁸ спытай рабовъ своих, и возвестять тобе. Прото ж да знайдуть отроци твои милость пред очима твоима, яко в ден добрый пришли есмо к тобе. Елико же знайдет готовое рука твоя, дай отрокомъ твоимъ и сыну твоему, Давыду”b».

⁹ И внегда пришли суть отроци Давыдовы къ Навалю, и молвили вся слова сия от Давыда, и умолкоша,

¹⁰ тогда отвеща Наваль отрокомъ Давыдовымъ и рече: «Кто ест Давыдъ и кто естъ сынъ Иесеовъ? Се, ныне умножишеся раби, утекающие от господъ своих;

¹¹ прото ли жь я, возьмя хлебъ, и воду, и мясо, еже есмъ уготовалъ стригущимъ овце мое, и дамъ людемъ тым, ихже не вем откуду суть?»

¹² И навратишеся отроци Давыдовы путемъ своимъ, и пришедши, возвестиша Давыдови вся словеса, яже отвеща к ним Наваль.

¹³ И рече Давыдъ къ мужем своимъ: «Припояши кождый к собе оружие свое». И припояса кождый оружие свое, припояса теже к собе и Давыдъ мечь свой, и идоша воследъ Давыда мужей якобы четыриста, иных же двесте остали на месте, у бремянъ, яже имеаху.

¹⁴ Жене пакъ Навалеве, Авигаиле, возвести единъ отрокъ ея, глаголя: «Се, оногды прислал Давыд послы от пустыни благославити господина нашего, и онъ отвратился от нихъ;

¹⁵ людие сии вельми добры были намъ, и не обидили насъ, и ниже что загинуло от стада по вся дни,

¹⁶ пока есмо жили с ними въ пустыни: яко стена беша нам в нощи и во дни по вся часы, в нихже пасохомъ стада ваша.

¹⁷ Сего для помысль и разумей, что имаши учинити, яко съвершися злоба на мужа твоего и на домъ твой; и онъ ест сынъ Велиаль, мужъ твой, понеже никто с нимъ не можеть молвити».

¹⁸ Тогда Авигаиль поспешила скоро, и възяла двесте хлебовъ, и два меха вина, и пять овенъ вареныхъ, и пять меръ муки пшеничны, и сто связковъ сухого вина, и двесте узловъ фикговъ, и възложи на ослы,

¹⁹ и рече к рабомъ своимъ: «Идите напредъ, и азъ за вами пойду». Мужу же своему, Навалю, не возвести того.

²⁰ Внегда же въсяде на осла и приближашеся к горе, и се, Давыдъ и мужи его стретостеся с нею и она с ними.

²¹ И рече Давыдъ: «Воистинну празно храних всего стада злого сего, еже было в пустыни, и не загибло ничтоже, еже было ест; и ныне въздал мне злое за доброе;

²² сия да учинит Господь Богъ врагомъ Давыдовымъ и сия да приложить, аще не погублю всехъ речей его до утра, и щеняти малого не буду живити».

²³ Внегда же узрела Авигаиль Давыда, поспеши и ссяде со осляте, и паде предъ Давыдом на лице свое на землю,

²⁴ к ногамъ его, и рече: «Да будет на мне неправда сия, господине мой, молю ти ся, да молвить служебница твоя во уши твое, и услыши слова рабы твоеа.

²⁵ Да не наглит сердце твое, господине мой царю, на мужа моего неучтиваго, Навала, яково бо имя его, тако и несмыслен естъ и немудрость с ним пребывает. Азъ же, раба твоя, не видехъ отроковъ твоихъ, господине мой, ихже послал еси.

²⁶ И ныне, господине мой царю, живъ естъ Господь и жива ест душа твоя, Онже задержалъ тебе, абы не пришолъ еси на крови пролитие и сохранилъ ест от змазы душу твою. Прото да будут врази твои, яко Наваль, немудрыи, ищущеи господину моему зла.

²⁷ Сего для приими дар малый сейc, еже принесе к тобе раба твоя, и дай отроком, последующим тебе, господина моего.

²⁸ От[ъ]ими безаконие служебници твоея, чиня бо, учинить тобе Господь Богъ, господину моему, домъ веренъ, яко ты воистинну, господине мой, бое Господня видиши, протожъ злость не знайдется в тобе по вся дни живота твоего.

²⁹ Аще бо въстанеть некто на господина моего, ища души его, то будет душа господина моего сохранена въ осторожи, яко въ соузе живыхъ, у Господа, Бога своегоd, душе пакъ враговъ твоих точитися будут, якоже точится камыкъ въ пращи, зело скоро.

³⁰ И будеть, внегда наполнит Господь Богъ тобе, господину моему, вси речи добрыи, еже глаголал естъ к тобе, и поставит тя княземъ надъ Ізраилемъ,

³¹ не будеть сее тобе на срамоту и на соблазнъ сердцу твоему, яко не пролилъ еси крови неповинное и не мстился еси надъ безумнымъ. И внегда учинить Господь Богъ добро господину моему, въспомянеши на рабу твою и учиниши ей по доброте твоей».

³² И рече Давыдъ къ Авигаиле: «Благославенъ Господь, Богъ Израилевъ, Онже послал тя днесь въ стретение мне,

³³ и благославены слова твоя, и благославена ты, задержавшии мя, абыхъ не шолъ на крови пролитие и абых не мстился рукою своею.

³⁴ Иначей, живъ естъ Господь, Богъ Ізраилевъ, Онже возбранил мне, абыхъ зле не учинилъ тобе: бы еси скоро не вышла была противъ мене, не был бы остал живъ до утра ни един з Навалевых ани малое щеня».

³⁵ И принял естъ Давыдъ от руку ея вси речи, еже принесе ему, и рече к ней: «Иди с миромъ в дом свой. Се, услышах гласъ твой и учтихъ лице твое».

³⁶ Пришла же Авигаиль к мужу своему, Навалю, и былъ ест пиръ в дому его, яко пиръ царескъ, и сердце Навалево весело, понеже пианъ былъ велми. И не возвестила ему слова ни малого, ни великаго даже до утра.

³⁷ Рано пакъ, внегда проспался естъ Наваль, споведала ему жена его слова Давыдова, и змертвело ест сердце его в нем, и бысть, яко камень.

³⁸ И егда минуло десеть дней, порази Господь Наваля, и умре.

³⁹ Сие внегда услышалъ естъ Давыдъ, яко умре Наваль, рече: «Благославен Господь Богъ, иже помстилъ срамоты моея надъ Навалемъ и раба своего сохранил от злого, и грехъ Навалевъ обратилъ на главу его». Послал же ест Давыдъ и рече къ Авигаиле, абы понялъ ю собе за жену.

⁴⁰ И приидоша отроци Давыдовы къ Авигаиле въ Кармель, и молвили суть к ней, глаголюще: «Давыд послалъ насъ к тобе, да бы понял тя собе за жену».

⁴¹ Она же, въставши, поклонися до земли и рече: «Се, служебница твоя да будет аки раба, иже умываеть нозе отроком господина своего».e

⁴² Тогда въста и поспеши Авигаиль, и всяде на осля, и пять девиць идяху за нею пеши, и ехала съ отроки Давыдовыми, и бысть ему жена.

⁴³ Но и Ахимому понял собе Давыдъ от Езраиля, и были суть обедве ему жены.

⁴⁴ Саулъ же далъ естъ дщеру свою, Мельхолю, жену Давыдову, мужу иному именемъ Фальтию, сыну Ляисову, онже былъ естъ з Галлима.