1 летапісаў 25 разьдзел

 

 

І аддзяліў Давід і начальнікі войска на службу сыноў Асафа, Эмана і Ідытуна, каб яны вяшчалі на цытрах, псалтырах і кімвалах; і былі прызначаны яны на дзею служэньня свайго;

 

І аддзяліў Давід і князі войска на служэньне сыноў Асафа і Гэмана, і Едутуна, каб яны гралі на гусьлях, псалтырах і цымбалах. І быў лік мужоў пры працы гэтай у служэньні іхнім:

з сыноў Асафа: Закур, Язэп, Нэтанія і Ашарэла сыны Асафа, пад кіраўніцтвам Асафа, які іграў па настаўленьні цара.

 

з сыноў Асафа: Заккур, Язэп, Нэтанія, Асарэла, сыны Асафа, пад рукою Асафа, які граў пад рукою валадара.

Ад Ідытуна сыны Ідытуна: Гэдалія, Цэры, Ісая, Сэмэй, Хашавія і Мататыя, шасьцёра, пад кіраўніцтвам бацькі свайго, Ідытуна, які іграў на цытры на славу і хвалу Госпада.

 

Ад Едутуна сыны Едутуна: Гэдалія, Цэры, Ешая, Хашавія і Матытыя, шасьцёра пад рукою Едутуна, бацькі іхняга, які граў на гусьлях на славу і хвалу для ГОСПАДА.

Ад Эмана сыны Эмана: Букія, Матанія, Азііл, Шэвуіл і Ерымот, Хананія, Ханані, Эліята, Гідалці, Рамамці-Эзэр, Ёшбэкаша, Малоці, Гатыр і Махазіёт.

 

Ад Гэмана сыны Гэмана: Буккія, Маттанія, Узіэль, Шэвуэль, Ерымот, Хананія, Ханані, Эліята, Гідалты, Ромамты-Эзэр, Ёшбэкаша, Маллоты, Махазіёт.

Усе гэтыя сыны Эмана, празорліўца царскага, па словах Божых, каб узвышаць славу ягоную. І даў Бог Эману чатырнаццаць сыноў і тры дачкі.

 

Усе гэтыя — сыны Гэмана, відушчага валадара ў словах Божых, каб узвышаўся рог [ягоны]. І даў Бог Гэману чатырнаццаць сыноў і тры дачкі.

Усе яны пад кіраўніцтвам бацькі свайго сьпявалі ў доме Гасподнім з кімваламі, псалтырамі і цытрамі ў служэньні ў доме Божым, паводле ўказаньня цара, альбо Асата, Ідытуна і Эмана.

 

Усе яны пад рукою бацькі свайго сьпявалі ў Доме ГОСПАДА з цымбаламі, псалтырамі і гусьлямі на служэньні ў Доме Божым, пад рукою валадара: Асаф, Едутун і Гэман.

І было іх лікам з братамі іхнімі, навучанымі сьпяваць перад Госпадам, усіх знаўцаў гэтага, дзьвесьце восемдзесят восем.

 

І быў лік іх з братамі іхнімі, навучанымі сьпяваць для ГОСПАДА, усіх настаўнікаў — дзьвесьце восемдзясят восем.

І кінулі яны жэрабі пра чаргу служэньня, малы нароўні з большым, настаўнікі нароўні з вучнямі.

 

І кінулі яны жэрабя пра чаргу служэньня, як малы, так і вялікі, настаўнік і вучань.

І выпала першае жэрабя Асафу, для Язэпа; другое Гэдаліі з братамі ягонымі і сынамі ягонымі; іх было дванаццаць;

 

І выпала першае жэрабя ад Асафа на Язэпа; другім [стаў] Гэдалія, ён і браты ягоныя, і сыны ягоныя — дванаццаць;

трэцяе Закуру з сынамі ягонымі і братамі ягонымі; іх — дванаццаць;

 

трэці — Заккур; сыноў ягоных і братоў ягоных дванаццаць;

чацьвёртае Іцрыю з сынамі ягонымі і братамі ягонымі; іх — дванаццаць;

 

чацьвёрты — Іцры; сыноў ягоных і братоў ягоных дванаццаць;

пятае Нэтанію з сынамі ягонымі і братамі ягонымі; іх — дванаццаць;

 

пяты — Нэтанія; сыноў ягоных і братоў ягоных дванаццаць;

шостае Вукію з сынамі ягонымі і братамі ягонымі; іх — дванаццаць;

 

шосты — Буккія; сыноў ягоных і братоў ягоных дванаццаць;

сёмае Есарэлу з сынамі ягонымі і братамі ягонымі; іх — дванаццаць;

 

сёмы — Есарыэла; сыноў ягоных і братоў ягоных дванаццаць;

восьмае Ісаю з сынамі ягонымі; іх — дванаццаць;

 

восьмы — Ешая; сыноў ягоных і братоў ягоных дванаццаць;

дзявятае Матанію з сынамі ягонымі і братамі ягонымі; іх — дванаццаць;

 

дзявяты — Маттанія; сыноў ягоных і братоў ягоных дванаццаць;

дзясятае Шымэю з сынамі ягонымі і братамі ягонымі; іх — дванаццаць;

 

дзясяты — Шымэй; сыноў ягоных і братоў ягоных дванаццаць;

адзінаццатае Азарыілу з сынамі ягонымі і братамі ягонымі; іх — дванаццаць;

 

адзінаццаты — Азарэль; сыноў ягоных і братоў ягоных дванаццаць;

дванаццатае Хашавію з сынамі ягонымі і братамі ягонымі; іх — дванаццаць;

 

дванаццаты — Хашавія; сыноў ягоных і братоў ягоных дванаццаць;

трынаццатае Шуваілу з сынамі ягонымі і братамі ягонымі; іх дванаццаць;

 

трынаццаты — Шуваэль; сыноў ягоных і братоў ягоных дванаццаць;

чатырнаццатае Матанію з сынамі ягонымі і братамі ягонымі; іх — дванаццаць;

 

чатырнаццаты — Матытыя; сыноў ягоных і братоў ягоных дванаццаць;

пятнаццатае Ерымофу з сынамі ягонымі і братамі ягонымі; іх — дванаццаць;

 

пятнаццаты — Ерымот; сыноў ягоных і братоў ягоных дванаццаць;

шаснаццатае Хананію з сынамі ягонымі і братамі ягонымі; іх — дванаццаць;

 

шаснаццаты — Хананія; сыноў ягоных і братоў ягоных дванаццаць;

сямнаццатае Ёшбэкашу з сынамі ягонымі і братамі ягонымі; іх — дванаццаць;

 

сямнаццаты — Ёшбэкаша; сыноў ягоных і братоў ягоных дванаццаць;

васямнаццатае Хананію з сынамі ягонымі і братамі ягонымі; іх — дванаццаць;

 

васямнаццаты — Ханані; сыноў ягоных і братоў ягоных дванаццаць;

дзевятнаццатае Малотыю з сынамі ягонымі і братамі ягонымі; іх — дванаццаць;

 

дзевятнаццаты — Маллоты; сыноў ягоных і братоў ягоных дванаццаць;

дваццатае Эліяту з сынамі і братамі ягонымі; іх — дванаццаць;

 

дваццаты — Эліята; сыноў ягоных і братоў ягоных дванаццаць;

дваццаць першае Гатыру з сынамі ягонымі і братамі ягонымі; іх — дванаццаць;

 

дваццаць першы — Гатыра; сыноў ягоных і братоў ягоных дванаццаць;

дваццаць другое Гідалтыю з сынамі ягонымі і братамі ягонымі; іх — дванаццаць;

 

дваццаць другі — Гідалты; сыноў ягоных і братоў ягоных дванаццаць;

дваццаць трэцяе Махазіёту з сынамі ягонымі і братамі ягонымі; іх — дванаццаць;

 

дваццаць трэці — Махазіёт; сыноў ягоных і братоў ягоных дванаццаць;

дваццаць чацьвёртае Рамамці-Эзэру з сынамі ягонымі і братамі ягонымі; іх — дванаццаць.

 

дваццаць чацьвёрты — Ромамты-Эзэр; сыноў ягоных і братоў ягоных дванаццаць.