Лікі 28 разьдзел

 

 

І гукаў СПАДАР Масею, кажучы:

 

Ирече Господь Моисееви, глаголя:

«Раскажы сыном Ізраелявым і скажы ім: "Рупцеся праз дар Мой, хлеб Мой на аброк Імне, прыемны пах Імне, каб дараваны быў Імне ў пару".

 

«Заповежъ сыном Ізраилевым: Жертвы Мое и хлебы посвященные, и фемианъ добровонный да приносять во времена своя.

І скажы ім: во агняны аброк, каторы вы маеце абракаць СПАДАРУ: баранчыкі аднагоднія дасканальныя на дзень два, на ўсепаленьне штачаснае.

 

Сие пакъ сут речи, еже приносити имате: агнеца два летошнихъ на каждый день непорочныхъ во всесозжение приносити будете во веки:

Аднаго баранчыка абрачы нараніцы, а другога баранчыка абрачы адвячоркам.

 

единого рано, а другаго увечеръ.

І на аброк хлебны дзясятую часьць ефы ценькае мукі, рашчыненай на вытаўчанай аліве чэцьверці гіна.

 

К тому десятую часть меры ефиня круп пшеничных, покропленыхъ олеемъ чистымъ, егоже да будеть четвертая доля меры гина —

Гэта ўсепаленьне штачаснае, каторае ўчынена было ля гары Сынаю, на прыемны пах, на аброк СПАДАРУ.

 

треба вседневная естъ, юже приносили есте у горы Синай, во воню благоухающую Господу.

І ўзьліваньне яго чэцьверць гіна на аднаго баранчыка; на сьвятым месцу ўзьлівай узьліваньне, старое віно СПАДАРУ.

 

Приносити теже будете и возлиание вина — четвертую часть меры гина с кождымъ агнецем во Святыни Господьней.

А другога баранчыка абракай адвячоркам, як хлебны аброк ранічны, і подле яго ўзьліваньня абрачэш на аброк агняны, прыемны пах СПАДАРУ.

 

Другого пакъ агнеца приносити будете к вечеру, по всему чину жертвы ютренее со возлианием его, во воню благоухающую Господу.

А ў дзень сыботні два баранчыкі аднагоднія дасканальныя, і дзьве дзясятыя часьці ценькае мукі, рашчыненае на аліве, на аброк хлебны, і ўзьліваньне яго.

 

Въ день же суботний приносити будете два агнеце летошняя непорочна Богу и две десятины крупъ пшеничныхъ, покропленыхъ олеемъ, на требу и возлиание,

Сыботняе ўсепаленьне кажнае сыботы, звыш усепаленьня штачаснага а ўзьліваньня.

 

еже приносится по чину на каждую суботу во всесозжение вечное.

І на маладзікі вашыя абракайце ўсепаленьне СПАДАРУ: з буйнога статку двое цялят-бычкоў, і аднаго барана, і сем аднагодніх баранчыкаў дасканальных,

 

На новъ пакъ месець приносити будете жертву Господу Богу: телца два от стада, овна единаго, агнецевъ летошнихъ непорочныхъ седмъ;

І тры дзясятыя часьці ценькае мукі, рашчыненае на аліве, на аброк хлебны на адно цялё-бычка, і дзьве дзясятыя часьці ценькае мукі, рашчыненае на аліве, на аброк хлебны на аднаго барана,

 

и при каждомъ телци — три десятины крупъ пшеничныхъ, покропленыхъ олеемъ, а при едином овне — две части от десятины крупъ пшеничныхъ, покропленых олеемъ;

І на аброк хлебны па дзясятай часьці ценькае мукі, рашчыненай на аліве, на аднаго баранчыка — аброк агняны, прыемны пах СПАДАРУ.

 

и при каждомъ агнеци — десятую часть доли десятое крупъ пшеничных, покропленых олеемъ, на требу во всесозжение и во воню благоухающую Господу.

І ўзьліваньне іх паў гіна будзе на бычка, і трэйць гіна на барана, і чэцьверць гіна віна на баранчыка. Гэта ўсепаленьне штамесячнае, на кажны месяц году.

 

Возлиания теже сия да будуть: полъмеры, рекомое гинъ, вина при каждомъ телци и третяя часть — при овне, а четвертая — при каждом агнеци. Сия будеть жертва на каждый новый месець до году.

І адно казянё СПАДАРУ на аброк за грэх; звыш усепаленьня штачаснага маюць абракаць яго з узьліваньням яго.

 

Козла теже приведете Господеви за грехъ во всесозжение вечное со возлианиами своими.

І першага месяца, на чатырнанцаты дзень месяца Пасха СПАДАРУ.

 

Месеца пакъ перваго во четыренадесятый день будеть празник Пасхи

І на пятнанцаты дзень гэтага месяца — сьвята; сем дзён маюць есьці праснакі,

 

и во пятнадесятый ден его — свято Опресночное. Седмъ дней ести будете опресноки.

На першы дзень сьвяты збор; ніякае рамеснае работы не рабіце.

 

Первый же день от нихъ нарочитъ и святъ будеть вамъ, всякого дела служня да не соделаете в немъ,

І абракайце агняны аброк, усепаленьне СПАДАРУ: з буйнога статку двое цялят-бычкоў, і аднаго барана, і сем аднагодніх баранчыкаў; дасканальныя яны маюць быць у вас.

 

но приносити будете всясозжения Господу: телца два от стада, овна единаго, агнецевъ летошнихъ непорочныхъ седмъ.

І аброк хлебны іх: ценькае мукі, рашчыненае на аліве, тры дзясятыя часьці на кажнае цялё-бычка, і дзьве дзясятыя часьці на барана зрабіце,

 

И при едином каждомъ от сихъ да принесуть требу сухую, то ест крупъ пшеничныхъ три части десятины, покропленыхъ олеемъ, ко единому телцу, две ко единому овну,

І па дзясятай часьці мае быць зроблена на кажнага ізь сямёх баранчыкаў,

 

а едину часть ко единому агнецу,

І адно казянё на аброк за грэх, на ласкіўчыненьне вам.

 

и козла за грехъ единаго, да заколется за очищение ваше, —

Апрача ранічнага ўсепаленьня, каторае ёсьць усепаленьне штачаснае, зрабіце гэта.

 

кроме жертвы ютренее, юже на каждый день всегда приносити будете.

Гэтак зрабіце на кажны ізь сямёх дзён: хлеб, аброк агняны, прыемны пах СПАДАРУ; звыш усепаленьня штачаснага і ўзьліваньня яго, маюць зрабіць.

 

И тако учините за седмъ дней всясозжения и воню благоухающую Господу, еже возыйдеть от жертвы всихъсозжения и от возлианией.

І сёмага дня сьвяты збор хай будзе ў вас, ніякае рамеснае работы не рабіце.

 

День теже седмый да будеть вамъ славный и святый, всякого дела служня да не учините в немъ.

І ў дзень першых пладоў, як даруеце новы аброк хлебны СПАДАРУ ў тыдні вашыя, сьвяты збор хай будзе ў вас; ніякіае рамеснае работы не рабіце.

 

Дни по тому же начатковъ соблюдите, внегда приносити будете первые плоды ваше, выполняюще неделю тую. Той день, в онже приносите, да будеть вам нарочитъ и святъ, всякого дела служня да не соделаете в немъ,

І абракайце ўсепаленьне на прыемны пах СПАДАРУ: з буйнога статку двое цялят-бычкоў, аднаго барана й сем аднагодніх баранчыкаў,

 

но приносити будете всясозжения во воню благоухающую Господу: телца два от стада, овна единаго, агнецевъ летошних непорочныхъ седмъ,

І аброк хлебны іх: ценькае мукі, рашчыненае на аліве, тры дзясятыя часьці на кажнае цялё-бычка, дзьве дзясятыя часьці на аднаго барана,

 

и при каждом телци три части десятины крупъ пшеничныхъ, покропленыхъ олеемъ, а при едином овне две части,

І па дзясятай часьці на кажнага ізь сямёх баранчыкаў,

 

и при каждом агнеци десятую чать доли десятое, ихже вкупе ест агнецевъ седмъ,

І адно казянё дзеля ласкіўчыненьня вам.

 

и козла за грех,

Апрача штачаснага ўсепаленьня й хлебнага аброку яго, зрабіце іх; бяз гану маюць быць яны ў вас, і іх узьліваньне.

 

кроме жертвы всихсозжения вседневнаго со требою и возлианием ея; непорочно все принесете.