Псалтыр 136 псалом
Псалтыр
Пераклад Яна Станкевіча → Пераклад Л. Дзекуць-Малея
Дзякуйце СПАДАРУ, бо добры, бо на векі міласэрдзе Ягонае.
Слаўце Госпада, бо Ён добры, бо навекі ласка Яго!
Дзякуйце Богу багоў, бо на векі міласэрдзе Ягонае.
Слаўце Бога багоў, бо навекі ласка Яго!
Дзякуйце Спадару спадароў, бо на векі міласэрдзе Ягонае;
Слаўце Гаспадара над гаспадарамі, бо навекі ласка Яго!
Каторы адзіны робе вялікія дзівы, бо на векі міласэрдзе Ягонае;
Яго, што адзін робіць цуды, бо навекі ласка Яго:
Таму, хто ўчыніў нябёсы цямлівасьцяй Сваёй, бо на векі міласэрдзе Ягонае;
што неба стварыў прамудра, бо навекі ласка Яго;
Таму, што прасьцягнуў зямлю над водамі, бо на векі міласэрдзе Ягонае;
што зямлю разгарнуў на водах, бо навекі ласка Яго;
Таму, што ўчыніў вялікія сьветлы, бо на векі міласэрдзе Ягонае;
шго стварыў вялікія сьветачы, бо навекі ласка Яго;
Сонца радзіць дзень, бо на векі міласэрдзе Ягонае;
сонца, што над днём гаспадаруе, бо навекі ласка Яго;
Месяц а гвезды радзіць ноч, бо на векі міласэрдзе Ягонае;
месяц ды зоры, каб над ночай гаспадаравалі, бо навекі ласка Яго;
Таму, што зразіў Ягіпет у першакох ягоных, бо на векі міласэрдзе Ягонае;
што Эгіпт пакараў у першакох ягоных, бо навекі ласка Яго;
І вывеў Ізраеля з памеж іх, бо на векі міласэрдзе Ягонае;
вывеў Ізраіля спасярод яго, бо навекі ласка Яго;
Рукою моцнаю і цаўём выцягненым, бо на векі міласэрдзе Ягонае;
крэпкай рукою і рамем узьнятым, бо навекі ласка Яго;
Таму, хто расьцяў на часьці Чырвонае мора, бо на векі міласэрдзе Ягонае;
што мора Чырвонае расьсек, бо навекі ласка Яго;
І правёў Ізраеля пасярод яго, бо на векі міласэрдзе Ягонае;
і правёў Ізраіля пасярод яго, бо навекі ласка Яго;
Але ськінуў фараона а войска ягонае ў Чырвонае мора, бо на векі міласэрдзе Ягонае.
і фараона ды войска яго ў мора Чырвонае кінуў, бо навекі ласка Яго;
Таму, што правёў люд Свой пераз пустыню, бо на векі міласэрдзе Ягонае!
што народ Свой правёў праз пустыню, бо навекі ласка Яго;
Таму, Каторы зразіў вялікіх каралёў, бо на векі міласэрдзе Ягонае;
што цароў вялікіх пабіў, бо навекі ласка Яго;
І забіў магучых каралёў, бо на векі міласэрдзе Ягонае;
і скінуў цароў магутных, бо навекі ласка Яго;
Сыгона, караля Аморэйскага, бо на векі міласэрдзе Ягонае;
Сыгона, цара Аморэйскага, бо навекі ласка Яго;
І Оґа, караля Вашанскага, бо на векі міласэрдзе Ягонае;
ды Ога, цара Базанскага, бо навекі ласка Яго;
І даў зямлю іхную на спадак, бо на векі міласэрдзе Ягонае;
і аддаў зямлю іх у спадчыну, бо навекі ласка Яго;
На спадак Ізраелю, слузе Свайму, бо на векі міласэрдзе Ягонае;
у спадчыну Ізраілю, рабу Сванму, бо навекі ласка Яго;
Каторы ў паніжэньню нашым памятаваў нас, бо на векі міласэрдзе Ягонае;
у паніжэньні нашым успомніў аб нас, бо навекі ласка Яго;
І адкупіў нас ад непрыяцеляў нашых, бо на векі міласэрдзе Ягонае;
і выратаваў нас ад ворагаў нашых, бо навекі ласка Яго;
Каторы даець еміну кажнаму целу, бо на векі міласэрдзе Ягонае;
што дае пажыву кожнаму дыханьню, бо навекі ласка Яго.
Дзякуйце Богу нябёсаў, бо на векі міласэрдзе Ягонае.
Слаўце Бога нябёсаў, бо навекі ласка Яго!
