Псалтыр 92 псалом
Псалтыр
Пераклад Антонія Бокуна → Пераклад Сабілы і Малахава
Псальм. Сьпеў на дзень суботы.
Псальм. Песьня. На дзень суботні.
Добра славіць ГОСПАДА і выслаўляць імя Тваё, Найвышэйшы!
Добра дзякаваць Ягове і сьпяваць Імю Твайму, Найвышэйшы,
Апавядаць раніцаю міласэрнасьць Тваю, і вернасьць Тваю — уначы,
раніцай абвяшчаць Міласэрнасьць Тваю і Вернасьць Тваю — уначы,
на дзесяціструнным псалтыры і на гусьлях граючы.
на дзесяціструнным і на псалтыры, пець (Найвышэйшаму і граць) на гарпе;
Бо Ты ўзьвесяліў мяне, ГОСПАДЗЕ, справамі Тваімі, творам рук Тваіх буду радавацца.
бо Ты, Ягова, радуеш мяне чынам Тваім, я ўрачыста радуюся Дзеям Рук Тваіх.
Якія вялікія ўчынкі Твае, ГОСПАДЗЕ; вельмі глыбокія думкі Твае.
Як вялікія Твае Дзеі, Ягова! Наўзьдзіў глыбокія Думкі Твае.
Чалавек бязглузды ня будзе ведаць, і дурань не зразумее гэтага.
Чалавек бязглузды (гэтага) ня ведае, і нядавумак ня разумее гэтага.
Калі бязбожнікі зелянеюць, як трава, і ўсе ліхадзеі квітнеюць, няхай будуць яны зьнішчаны на вякі!
Бязбожнікі растуць, як трава, і ўсе ліхадзеі цьвітуць — каб яны былі зьнішчаны навекі.
А Ты, ГОСПАДЗЕ, узвышаны на вякі!
Але Ты, Ягова, высокі ў вяках вечных, —
Бо вось ворагі Твае, ГОСПАДЗЕ, бо вось ворагі Твае загінуць, і будуць расьцярушаныя ўсе ліхадзеі.
бо сапраўды ворагі Твае, Ягова, сапраўды ворагі Твае загінуць. Усе ліхадзеі будуць расьцярушаны.
І Ты ўзнясеш рог мой, як у аднарога, я буду памазаны сьвежым алеем.
А мой рог Ты ўзьнімеш, як (рог) адзінарога. Мяне памазаваюць сьвежым алеям.
Будуць глядзець вочы мае на ворагаў маіх, і пра злачынцаў, якія паўсталі супраць мяне, пачуюць вушы мае.
І вока маё будзе бачыць тых, хто робіць на мяне засаду. І вуха маё будзе чуць зламысьнікаў, якія паўстаюць супраць мяне.
Праведнік быццам пальма зелянее, ён расьце, як той кедр на Лібане.
Праведны будзе квітнець, як пальма. Ён будзе расьці, як кедр на Ліване.
Насаджаныя ў Доме ГОСПАДА зелянеюць на панадворках Бога нашага.
Пасаджаныя ў Доме Яговы будуць квітнець у дварах Бога нашага.
Яны плод свой даюць і ў старасьці, яны сакавітыя і сьвежыя,
Яны і ў старасьці будуць прыносіць плод. Яны будуць сакавітыя і сьвежыя,
каб абвяшчаць, што ГОСПАД справядлівы, Скала мая, і няма ў Ім беззаконьня.
каб абвяшчаць, што Ягова шчыры ёсьць, Скала мая, і няма ў Ім ніякай няправеднасьці.
