Лікі 31 разьдзел

 

 

І сказаў Госпад Майсею, гаворачы:

 

І сказаў Госпад Майсею:

«Адпомсці за сыноў Ізраэля мадыянцам, а потым далучыся да народа свайго».

 

«Адпомсьці за сыноў Ізраэля Мадыянцам, а потым далучыся да народу свайго».

І зараз жа загадаў Майсей: «Узбройце з асяроддзя свайго мужчын да бою, каб яны маглі выканаць помсту Госпада над мадыянцамі.

 

Дык зараз жа загадаў Майсей: «Узбройце спаміж сябе мужчынаў на вайну, каб яны маглі даканаць помсту Госпада над Мадыянцамі.

Выберыце па тысячы мужчын з кожнага пакалення Ізраэля і пашліце іх на вайну».

 

Выбярыце па тысячы мужчынаў з кожнага пакаленьня Ізраэля і пашліце іх на вайну».

І выдзелена было па тысячы з кожнага пакалення, гэта значыць дванаццаць тысяч здатных да бою,

 

І выдзелена было па тысячы з кожнага пакаленьня, значыць, дванаццаць тысячаў здольных да бою.

якіх адправіў Майсей з Пінхасам, сынам Элеязэра святара. Даў яму таксама пасудзіны святыя і трубы, каб у трывозе трубіць.

 

Іх выправіў Майсей зь Пінхасам, сынам Элеазара сьвятара. Даў ім такжа посуд сьвяты і трубы, каб у трывозе трубіць.

І калі па загадзе Госпада ваявалі яны з мадыянцамі, забілі яны ўсіх мужчын

 

Калі па загаду Госпада ваявалі яны супраць Мадыянцаў, выбілі яны ўсіх мужчынаў

і цароў іх: Эвія, Рэкема, Сура, Гура, Рэбу, пяць цароў гэтага народа, а таксама Балаама, сына Бэора, забілі мечам;

 

і каралёў іхніх: Эвія, Рэкема, Цура, Хура, Рэбу, пяць каралёў гэтага народу, а таксама Білеама, сына Бэора, забілі мячом.

і ўзялі яны ў палон жанчын іх і дзяцей. І, як здабычу, узялі ўсю жывёлу іх і ўсю маёмасць;

 

І ўзялі яны ў палон жанчынаў іхніх і дзяцей, і як здабычу ўзялі ўсю жывёлу іхнюю і ўсю маёмасьць,

а гарады, пасяленні і лагеры іх спалілі агнём;

 

а гарады, пасяленьні і табары іхнія спалілі агнём.

і забралі яны здабычу сваю, як людзей, так і жывёлу,

 

І забралі яны здабычу сваю, як людзей, так і жывёлу.

і прывялі яны палонных, здабычу і нарабаванае да Майсея і Элеязэра святара і да ўсёй супольнасці сыноў Ізраэля ў лагер на раўнінах Мааба, над Ярданам, супраць Ерыхона.

 

І прывялі яны палонных, і здабычу, і нарабаванае да Майсея і Элеазара сьвятара, і да ўсяе супольнасьці сыноў Ізраэля ў табар на раўнінах Маабу над Ярданам насупраць Ерыхону.

Майсей, святар Элеязэр і ўсе князі супольнасці выйшлі з лагера насустрач ім.

 

Майсей, сьвятар Элеазар і ўсе князі супольнасьці выйшлі з табару на сустрэчу ім.

І, загневаўшыся на кіраўнікоў войска, на тысячнікаў і сотнікаў, якія вярталіся з вайны, Майсей

 

І загневаўся Майсей на начальнікаў войска, на тысячнікаў і сотнікаў, каторыя вярталіся з вайны.

казаў ім: «Чаму вы захавалі ўсіх жанчын?

 

І ён сказаў ім: «Чаму вы захавалі ўсіх жанчынаў?

Ці ж не яны за намовай Балаама псавалі сыноў Ізраэля і нявернымі зрабілі вас перад Госпадам праз Пэгора? Таму і знішчаны быў народ Госпадаў.

 

Ці ж не яны за намовай Білеама паганілі сыноў Ізраэля і нявернымі зрабілі вас перад Госпадам праз Пэора,таму і нішчаны быў народ Госпадаў?

Дык забіце ўсіх дзяцей мужчынскага полу ды ўсіх жанчын, якія жылі з мужчынамі, знішчыце,

 

Дык забіце ўсіх дзяцей мужчынскага роду і ўсіх жанчынаў, каторыя жылі з мужчынамі.

дзяўчат жа і ўсіх жанчын, што не жылі з мужчынамі, пакіньце сабе.

 

Дзяўчат жа і ўсіх жанчынаў, ня жыўшых з мужчынамі, пакіньце сабе.

І вы будзьце па-за лагерам сем дзён; хто забіў чалавека або дакрануўся да забітага, мусіць ачысціцца трэцяга і сёмага дня, як вы, так і вашы палонныя.

 

І вы будзьце па-за табарам сем дзён. Хто забіў чалавека або дакрануўся да забітага, мусіць ачысьціцца трэцяга і сёмага дня, як вы, так і вашыя палонныя.

І ачысціце ўсю здабычу вашу: або адзенне, або штосьці, падрыхтаванае да ўжывання, з казіных шкур і з поўсці, і з драўляных рэчаў».

 

Таксама адзеньне і ўсе вырабы са скуры, і што зроблена з воўны казінай, і ўсе драўляныя рэчы павінны быць ачышчаны».

Таксама сказаў наступнае Элеязэр святар ваярам, якія былі на вайне: «Такое прыказанне закону, што загадаў Госпад Майсею:

 

Так вось сказаў Элеазар сьвятар ваярам, каторыя былі на вайне: «Такое прыказаньне закону, якое загадаў Госпад Майсею:

золата, срэбра, медзь, жалеза, волава і свінец —

 

Золата, серабро, медзь, жалеза, цына, волава

усё, што можа прайсці праз агонь, — хай агнём будзе ачышчана; а што не пераносіць агню, хай будзе асвечана вадой ачышчэння.

 

і агулам усё, што можа прайсьці праз агонь, хай агнём будзе ачышчана. Што не пераносіць агня, хай будзе асьвечана вадой ачышчэньня.

Сёмага дня памыеце адзенне ваша, і, ужо ачышчаныя, увойдзеце ў лагер».

 

Сёмага дня памыеце адзеньне вашае і, ужо ачышчаныя, увойдзеце ў табар».

Таксама сказаў Госпад Майсею:

 

Потым гэтак сказаў Госпад Майсею:

«Палічыце ўсё, што здабыта, ад чалавека аж да жывёлы, ты і Элеязэр святар, і кіраўнікі родаў;

 

«Палічыце ўсё, што здабыта, ад чалавека да жывёлы, ты і Элеазар сьвятар, і начальнікі родаў.

і падзеліш здабычу папалам паміж тымі, што ваявалі і выйшлі на вайну, і паміж усёй супольнасцю.

 

І падзеліш здабычу папалам паміж тымі, што ваявалі і выйшлі на вайну, і паміж ўсёй грамадой.

І вылучы частку Госпаду ад тых, што ваявалі і былі на вайне, — адно жывое на пяцьсот, як з людзей, так і з валоў, аслоў і авечак,

 

І выдзеліш частку Госпаду ад тых, што ваявалі, і каторыя былі на вайне — адно жывое на пяцьсот, як зь людзей, так і з валоў, аслоў і авец.

і дасі гэта Элеязэру святару як ахвяру Госпаду.

 

І дасі гэта Элеазару сьвятару як ахвяру Госпаду.

А з паловы сыноў Ізраэля вазьмі адну частку з пяцідзесяці: з людзей, валоў, аслоў і авечак, з усяго жывога, і дасі гэта левітам, якія служаць пры скініі Госпада».

 

А з паловы сыноў Ізраэля вазьмі адну частку зь пяцідзесяці: зь людзей, валоў, аслоў і авец, з усяго жывога, і дасі гэта левітам, каторыя служаць пры Скініі Госпада».

Майсей і святар Элеязэр усё выканалі, як ім загадаў Госпад.

 

Майсей і сьвятар Элеазар усё выканалі, як ім загадаў Госпад.

А здабыча, якую ваяры здабылі, налічвала шэсцьсот семдзесят пяць тысяч авечак,

 

А здабыча, якую ваяры здабылі, лічыла шэсьцьсот семдзесят пяць тысячаў авец,

семдзесят дзве тысячы валоў,

 

семдзесят дзьве тысячы валоў,

шэсцьдзесят адну тысячу аслоў,

 

шэсьцьдзесят адну тысячу аслоў,

а людзей жаночага полу, якія яшчэ не жылі з мужчынамі, было разам трыццаць дзве тысячы.

 

а людзей, значыць дзяўчат, каторыя яшчэ не жылі з мужчынамі, было разам трыццаць дзьве тысячы.

Палова дадзена была тым, што былі на вайне: трыста трыццаць сем тысяч пяцьсот авечак,

 

Палова дадзена была тым, што былі на вайне: трыста трыццаць сем тысячаў пяцьсот авец,

з якіх Госпаду далі шэсцьсот семдзесят пяць авечак,

 

і з гэтага Госпаду далі шэсьцьсот семдзесят пяць авец,

трыццаць шэсць тысяч валоў, з чаго Госпаду далі семдзесят два,

 

трыццаць шэсьць тысячаў валоў, з чаго Госпаду далі семдзесят два,

аслоў трыццаць тысяч пяцьсот, з іх Госпаду далі семдзесят два.

 

аслоў трыццаць тысяч пяцьсот, зь іх Госпаду далі семдзесят два.

І шаснаццаць тысяч дзяўчат, з якіх Госпаду далі трыццаць дзве асобы.

 

Наастатак шаснаццаць тысячаў дзяўчат, зь якіх Госпаду далі трыццаць дьзве асобы.

Вось жа аддаў Майсей святару Элеязэру дары, прызначаныя ў ахвяру Госпаду, па загадзе, дадзеным Госпадам Майсею.

 

Вось жа аддаў Майсей сьвятару Элеазару дары, прызначаныя ў ахвяру Госпаду, па загаду, дадзеным Госпадам Майсею.

А з паловы для сыноў Ізраэля, якую Майсей аддзяліў ад часткі тых, хто быў на вайне, ад той паловы, што выпадала на долю супольнасці, гэта значыць:

 

А палова для сыноў Ізраэля, каторую ўзяў Майсей у быўшых на вайне, складала:

трыста трыццаць сем тысяч пяцьсот авечак,

 

трыста трыццаць сем тысячаў пяцьсот авец,

трыццаць шэсць тысяч валоў,

 

трыццаць шэсьць тысячаў валоў,

трыццаць тысяч пяцьсот аслоў, і з людзей

 

трыццаць тысячаў пяцьсот аслоў

шаснаццаць тысяч дзяўчат — узяў Майсей —

 

і шаснаццаць тысячаў дзяўчат.

адну пяцідзесятую частку з людзей і жывёлы — і аддаў яе левітам, што служаць пры скініі Госпада, як загадаў Госпад.

 

З гэтае часткі, належнай сынам Ізраэля, узяў Майсей адну пяцідзесятую частку зь людзей і жывёлы і аддаў яе левітам, якія служылі пры Скініі Госпада, як загадаў Госпад Майсею.

І, калі прыйшлі да Майсея кіраўнікі войска, тысячнікі і сотнікі,

 

І вось прыйшлі да Майсея ваяры, начальнікі дружынаў войска, тысячнікі і сотнікі,

яны сказалі Майсею: «Мы, паслугачы твае, праверылі лік ваяроў, якіх мы мелі пад сваёй рукой, і высветлілася, што ні адзін не загінуў.

 

і сказалі Майсею: «Мы, слугі твае, праверылі лічбу ваяроў, каторых мы мелі пад сваёй рукой, і высьвятлілася, што ні адзін не загінуў.

Дзеля гэтае прычыны прыносім мы ў ахвяру Госпаду ўсе знойдзеныя вырабы з золата: нажныя ўпрыгожванні і бранзалеты, пярсцёнкі і завушніцы, і каралі для ачышчэння душ нашых перад Госпадам».

 

Дзеля гэтае прычыны прынесьлі мы ў ахвяру Госпаду ўсе знойдзеныя вырабы з золата: бранзалеты, наплечнікі, пярсьцёнкі, кольцы і нашыйнікі — для ачышчэньня душаў нашых перад Госпадам».

І ўзялі тады Майсей і святар Элеязэр золата і ўсе каштоўнасці;

 

Дык узялі тады Майсей і сьвятар Элеазар золата і ўсе каштоўнасьці.

усяго золата, аддадзенага тысячнікамі і сотнікамі ў ахвяру Госпаду, было шаснаццаць тысяч семсот пяцьдзесят сікляў.

 

Золата ж, аддадзенага тысячнікамі і сотнікамі ў ахвяру Госпаду, было шаснаццаць тысячаў семсот пяцьдзесят сыкляў.

А кожны з ваяроў меў яшчэ свой здабытак.

 

А кожны з ваяроў меў яшчэ свой здабытак.

І Майсей і святар Элеязэр узятае золата занеслі ў палатку сустрэчы як памятны дар сыноў Ізраэля для Госпада.

 

Дык Майсей і сьвятар Элеазар узялі золата ад тысячнікаў і занесьлі ў Палатку Сустрэчы як памятны дар сыноў Ізраэля для Госпада.