Лікі 34 разьдзел
Лікі
Пераклад Чарняўскага 2017 → Пераклад Чарняўскага 2002
Далей казаў Госпад Майсею, гаворачы:
Далей казаў Госпад Майсею:
«Загадай сынам Ізраэля і скажы ім: “Калі ўвойдзеце ў зямлю гэтую Ханаан, тады абшар, які выпадзе па жэрабі вам ва ўласнасць, хай будзе ў гэтых межах.
«Загадай сынам Ізраэля і скажы ім: Калі ўвойдзеце ў зямлю Ханаан, тады абшар, каторы вы жэрабем падзеліце на ўласнасьць, будзе ў гэтых межах.
Паўднёвая мяжа хай будзе ад пустыні Сін, уздоўж Эдома, і хай мяжуецца на ўсходзе з морам Салёным.
Паўдзённая мяжа будзе ад пустыні Сін, уздоўж Эдому, і будзе ісьці на ўсходзе Мора Салёнага.
Хай яны звернуць на поўдзень да ўзвышша Акрабім, каб, такім чынам, пайсці праз Сін і дасягнуць на поўдні Кадэс-Барнэ, а адтуль выйсці да Асарадара і дайсці аж да Асэмона.
Потым зьверне на поўдзень да ўзвышша Акраббім, і далей пойдзе празь Сін на поўдзень ад Кадэш-Барнэа. Адтуль пойдзе да Хацар-Адару і далей да Ацмону.
Ад Асэмона хай паверне мяжа да ручая Егіпецкага і спыніцца хай на беразе Вялікага мора.
Ад Ацмону паверне мяжа да ручаю Эгіпецкага і спыніцца на беразе Вялікага Мора.
Вашай мяжой заходняй хай будзе Вялікае мора, гэта будзе ваша заходняя мяжа.
Вашай мяжой заходняй будзе для вас Вялікае Мора, гэта будзе ваша заходняя мяжа.
А на поўначы хай будзе ў вас мяжа, пачынаючы ад Вялікага мора і аж да гары Гор,
На поўначы будзе ў вас мяжа ад Вялікага Мора пачынаючы і аж да гары Гор,
ад якой павядзіце мяжу да ўваходу ў Эмат і далей, да межаў Сэдада.
і ад гары Гор павядзіце мяжу да Хамату і далей, да мяжы Цэдаду.
Потым хай пойдзе мяжа да Зэфрона і Асарэнона. Такія хай будуць межы з поўначы.
Потым пойдзе мяжа да Зіфрону і Гацар-Энану. Такая будзе мяжа з поўначы.
Усходнюю мяжу правядзіце ад Асарэнона да Сэпама,
Усходнюю мяжу правядзіце ад Гацар-Энану да Шэфама,
і ад Сэпама хай пойдзе мяжа ў напрамку Рэблы на ўсход ад Аіна, адтуль хай пойдзе далей і дасягне на ўсходзе боку мора Кінэрэт,
і ад Шэфама пойдзе мяжа ў напрамку Гарбэль на ўсход ад Аіну. Адтуль пойдзе далей праз горы на ўсход ад мора Кінэрэт,
і працягнецца аж да Ярдана, і спыніцца, нарэшце, пры моры Салёным. Гэта хай будзе зямля вашая з межамі сваімі вакол”».
потым уздоўж Ярдану і спыніцца пры Моры Салёным. Гэта будзе зямля вашая зь межамі сваімі».
І, кажучы, загадаў Майсей сынам Ізраэля: «Гэта хай будзе зямля, якую маеце падзяліць па жэрабі і якую загадаў Госпад даць дзевяці пакаленням і палове пакалення.
Тады вось загадаў Майсей сынам Ізраэля: «Гэта вось зямля, каторую маеце падзяліць жэрабем, і каторую загадаў Госпад даць дзевяці пакаленьням і палове пакаленьня.
Бо пакаленне сыноў Рубэна па сем’ях сваіх, і пакаленне сыноў Гада па ліку родаў, і палова пакалення Манасы атрымалі ўжо сваю ўласнасць;
Пакаленьне бо сыноў Рубэна па сем'ях сваіх, і пакаленьне сыноў Гада па сем'ях, і палова пакаленьня Манасы атрымалі ўжо сваю спадчыну.
гэтыя два і палова пакаленні ўзялі сваю ўласнасць па той бок Ярдана насупраць Ерыхона на ўсходзе».
Гэтыя два і палова пакаленьня ўзялі сваю спадчыну з тога боку Ярдану насупраць Ерыхону на ўсход».
І сказаў Госпад Майсею:
І сказаў Госпад Майсею:
«Гэта імёны людзей, якія падзеляць вам зямлю: Элеязэр святар, і Ешуа, сын Нуна,
«Вось гэта імёны людзей, каторыя падзеляць вам зямлю: Элеазар сьвятар і Ешуа, сын Нуна.
і адзін князь з кожнага пакалення, каб падзяліць зямлю ва ўласнасць,
І возьмеце па адному князю з кожнага пакаленьня, каб падзяліць зямлю на ўласнасьць.
імёны якіх наступныя: з пакалення Юды — Калеб, сын Ефоны;
Вось імёны тых людзей: з пакаленьня Юды — Калеб, сын Ефунны,
з пакалення Сімяона — Самуэль, сын Аміюда;
з пакаленьня Сымона — Шэлюміэль, сын Амігуда,
з пакалення Бэньяміна — Элідад, сын Хаселона;
з пакаленьня Бэн'яміна — Элідад, сын Кісьлёна,
з пакалення сыноў Дана — Бокцы, сын Ёглі.
з пакаленьня Дана — Букі, сын Ёглі,
З сыноў Язэпа: з пакалення Манасы — Ханіэль, сын Эфода;
з сыноў Язэпа, з пакаленьня Манасы — Ханіэль, сын Эфода,
з пакалення Эфраіма — Кемуэль, сын Сэфтана.
з пакаленьня Эфраіма — Камуэль, сын Шыфтана,
З пакалення Забулона — Элісафан, сын Парнаха;
з пакаленьня Забулёна — Эліцафан, сын Парнаха,
з пакалення Ісахара — кіраўнік Палціэль, сын Азана;
з пакаленьня Ісахара — Пальтыэль, сын Азана,
з пакалення Асэра — Ахіюд, сын Саломі;
з пакаленьня Асэра — Ахігуд, сын Шэломіі,
з пакалення Нэфталі — Пэдаэль, сын Аміюда».
з пакаленьня Нэфталі — Пэдагель, сын Амігуда.»
Вось тыя, каму загадаў Госпад падзяліць зямлю Ханаан між сыноў Ізраэля.
Гэта вось тыя, каторым загадаў Госпад падзяліць зямлю Ханаан між сыноў Ізраэля.
