Псалтыр 96 псалом
Псалтыр
Пераклад Яна Станкевіча → Пераклад Сабілы і Малахава
Пейце СПАДАРУ новую песьню; пей СПАДАРУ, уся зямля.
Сьпявайце Ягове новую песьню, сьпявайце Ягове, уся зямля!
Пейце СПАДАРУ, дабраслаўце імя Ягонае, агалашайце дзень пры дню спасеньне Ягонае,
Сьпявайце Ягове. Багаслаўляйце Імя Ягонае. Абвяшчайце з дня ў дзень выратаваньне Ягонае.
Павядайце меж паган чэсьць Ягоную меж усіх людаў чудосы Ягоныя;
Апавядайце між паганамі Славу Ягоную, сярод усіх народаў Ягоныя Цудоўныя Дзеі;
Бо вялікі СПАДАР і вельма славуты, страшны Ён над усімі багамі.
бо вялікі ёсьць Ягова і варты вялікага праслаўленьня; і варты багавейнасьці да страху больш за ўсіх багоў;
Бо ўсі багі людаў — балваны, але СПАДАР нябёсы ўчыніў.
бо ўсе богі народаў ёсьць нішто, але Ягова стварыў нябёсы.
Слава а вялічча перад відам Ягоным, сіла а харашыня ў сьвятыні Ягонай.
Веліч і Прыгажосьць перад Абліччам Ягоным, Магутнасьць і Раскоша ў Сьвятыні Ягонай.
Прызнайце СПАДАРУ, радзімы людаў, прызнайце СПАДАРУ чэсьць а моц!
Прыносьце ахвяры Ягове, (вы) плямёны народаў, прыносьце ў ахвяру Ягове славу і сілу.
Прызнайце СПАДАРУ чэсьць імені Ягонага; прынясіце дар ды йдзіце да панадворкаў Ягоных;
Прыносьце ў ахвяру Ягове Славу Ягонага Імені. Прыносьце дар і ўваходзьце ў двары Ягоныя.
Сьціце СПАДАРА ў харашыні сьвятасьці, дрыжы перад Ім, уся зямля!
Пакланіцеся Ягове ў сьвятой урачыстасьці. Дрыжы перад Абліччам Ягоным уся зямля!
Кажыце меж паганаў: «СПАДАР гаспадарствуе; нават сьвет Ён умацаваў, не пахісьнецца. Ён будзе судзіць люды ў справядлівасьці».
Кажыце сярод паганаў: «Ягова валадарыць, як Кароль!» Сапраўды, сусьвет цьвёрда ўгрунтаваны, ён ня пахісьнецца. Ён (Ягова) будзе судзіць народы па Праўдзе.
Цешчася, нябёсы, і весяліся, зямля, раві, мора а паўніня яго.
Хай весяляцца Нябёсы, і хай урачыста радуецца зямля. Хай моцна скажа мора і ўсё, што напаўняе яго.
Хай цешыцца поле а ўсе, што на ім; тады запяюць усі дзервы лесавыя
Хай цешыцца поле і ўсё, што на ім. Тады хай узрадуюцца ўсе дрэвы ў лесе
Перад СПАДАРОМ, бо Ён прыходзе, бо Ён прыходзе судзіць зямлю. Ён будзе судзіць сьвет справядліва і люды ў вернасьці Сваёй.
перад Абліччам Яговы, бо Ён ідзе судзіць зямлю. Ён будзе судзіць сьвет у Справядлівасьці і народы паводля Сваёй Праўды.
