Псалтыр 113 псалом
Псалтыр
Пераклад Яна Станкевіча → Пераклад Сабілы і Малахава
Галілуя! Хваліце, слугі СПАДАРОВЫ, хваліце імя СПАДАРОВА;
Хваліце вы Ягову! Хваліце (вы), слугі Яговы, хваліце Імя Яговы.
Хай будзе дабраславёна імя СПАДАРОВА адгэтуль аж на векі;
Хай будзе багаславёна Імя Яговы ад цяпер і на векі вякоў.
Ад усходу сонца аж да заходу ўслаўлена імя СПАДАРОВА.
Ад усходу сонца да захаду ягонага хай будзе праслаўлена Імя Яговы.
Высокі над усімі народамі СПАДАР, над нябёсамі хвала Ягоная.
Высока над усімі народамі ёсьць Ягова, над нябёсамі Слава Ягоная.
Хто падобны да СПАДАРА, Бога нашага, Каторы жывець на вышыні,
Хто ёсьць як Ягова, Бог наш, Які валадарыць у вышынí,
Каторы зьніжаецца, каб бачыць нябёсы й зямлю,
Які сьхіляецца, каб агледзіць неба і зямлю,
Падыймае галечу з пылу, з кучы гною ўзносе ўбогага,
што з пылу падыймае ўбогага, узвышае з гною таго, хто ў вялікай патрэбе,
Каб пасадзіць яго з князьмі, з князьмі люду Свайго.
каб пасадзіць яго з князямі, з князямі Ягонага народу,
Садзе бясплодную дому вясёлаю маткаю дзяцей. Галілуя!
Які няплодную ўсяляе ў дом, як радасную матку сыноў. Хваліце вы Ягову!
