Псалтыр 2 псалом
Псалтыр
Пераклад Яна Станкевіча → Пераклад Сабілы і Малахава
Нашто бунтуюцца народы, і люды задумляюць пустое?
Чаму бунтуюцца народы, і людзі задумляюць марнае?
Паўстаюць каралі земныя, і начэльнікі радзяцца разам супроці СПАДАРА а супроці памазанца Ягонага:
Паўстаюць каралі зямлі, і князі зьбіраюцца супольна супраць Яговы і супраць Памазанца Ягонага:
«Разарвем зялезьзі іхныя і ськінем ізь сябе путы іхныя».
Парве́ма іхныя кайданы і путы іхныя скіньма зь сябе!
Сядзячы на нябёсах усьміхаецца, Спадар насьміхаецца зь іх.
Той, што сядзіць у Небе, сьмяецца: Госпад пазьдзекуецца над імі.
Тады кажа Ён ім у гневе Сваім і шпарчынёю Сваёю палохае іх:
Тады кажа да іх у гневе Сваім і ярасьцю Сваёй пужае іх:
«Гэта ж Я памазаў Караля Свайго на Сыёне — гары сьвятой Сваёй».
Гэта Я пасадзіў Караля Майго на Сыёне, гары Маёй сьвятой!
Я азнаймлю праз уставу: СПАДАР сказаў Імне: «Сын мой Ты, Я сядні нарадзіў Цябе.
Я абвяшчаю пастанову: Ягова сказаў Мне: Ты Мой Сын, сягоньня Я спарадзіў Цябе!
Прасі ў Мяне, Я дам народы на спадак Табе і за дзяржаву Тваю — канцы зямлі.
Прасі ў Мяне, і Я даю Табе народы ў спадчыну і межы зямлі ў валаданьне Табе.
Ты разаб’еш іх зялезным кіям і, як судзьдзё ганчарова, растаўчэш іх».
Паліцай зялезнай будзеш кіраваць імі, нібы глінянае начыньне скрышыш.
Дык цяперака, каралі, будзьце кемныя; вучыцеся, судзьдзі зямлі!
Дык цяпер, каралі, будзьце кемлівымі, навучэцеся судзьдзі зямлі!
Служыце СПАДАРУ з боязьняю і цешчася з дрыжэньням.
Служыце Ягове са страхам і радуйцеся з дрыжаньнем.
Цалуйце Сына, каб Ён не загневаўся, і вы ня згубілі дарогі; бо ўзгарыцца неўзабаве гнеў Ягоны. Шчасьлівыя ўсі, што ўцякаюць да Яго.
Шануйце чысьціню, каб Ён (Ягова) ня загневаўся, і каб вы ня загінулі ў дарозе, бо няўзабаве ўзгарыцца гнеў Ягоны! Багаславёныя ўсе, што спадзяюцца на Яго.
