Псалтыр 111 псалом
Псалтыр
Пераклад Яна Станкевіча → Пераклад Сабілы і Малахава
Галілуя! Буду хваліці СПАДАРА ўсім сэрцам у радзе пасьцівых і ў збору.
Хваліце Ягову! Я буду вызнаваць хвалу Ягове ўсім сэрцам у радзе праведных і ў сходзе.
Вялікія ўчынкі СПАДАРОВЫ знойдзены ўсімі, хто любуе іх.
Учынкі Яговы ёсьць вялікія, яны вартыя досьледу ўсімі, каму яны даспадобы.
Вялікасныя а славутыя справы Ягоныя, і справядлівасьць Ягоная трывае на векі.
Дзея Ягоная ёсьць Бляск і Пашана! Справядлівасьць Ягоная трывае навекі.
Помнымі зрабіў Ён чудосы Свае; ласкучынюшчы а спагадлівы СПАДАР.
Цуды Свае Ён зрабіў нязабыўнымі. Ягова ёсьць міласэрны і спагадлівы.
Даў здабытак тым, што баяцца Яго, будзе помнець вечна на змову Сваю.
Ён даў ежу тым, хто баіцца Яго. Ён будзе помніць вечна Свой Запавет.
Сілу ўчынкаў Сваіх Ён абясьціў люду Свайму, каб даць ім спадак народаў.
Сілу Дзеяў Сваіх Ён паказаў народу Свайму, каб даць ім спадак паганаў.
Справы рук Ягоных праўда а суд; верныя ўсі расказаньні Ягоныя,
Справы Рук Ягоных ёсьць Праўда і Суд. Усе Прыказаньні Ягоныя ёсьць верныя,
Устаноўленыя моцна на векі, зробленыя ў праўдзе а пасьцівасьці.
умацаваныя на вякі вечныя, (яны) зроблены ў Праўдзе і Простасьці.
Ён паслаў адкупеньне люду Свайму, расказаў на векі змову Сваю. Сьвятое а пачэсьлівае імя Ягонае.
Ён паслаў збаўленьне народу Свайму, Ён наказаў навечна Запавет Свой. Сьвятое і багавейнае да страху ёсьць Імя Ягонае.
Пачатак мудрасьці — боязьнь СПАДАРА; добры розум у тых, хто паўніць іх. Хвала Ягонае трывае на векі.
Страх перад Яговай ёсьць пачатак мудрасьці, добры розум маюць усе, хто выконвае (Прыказаньні Ягоныя). Хвала Ягоная трывае навекі.
