Псалтыр 136 псалом
Псалтыр
Пераклад Чарняўскага 2017 → Пераклад Сабілы і Малахава
Алілуя. Вызнавайце Госпада, бо Ён добры, бо Яго міласэрнасць вечная.
Дзякуйце Ягове, бо (Ён) ёсьць добры, бо Ягоная Міласэрнасьць (трывае) у вяках вякоў.
Вызнавайце Бога над багамі, бо Яго міласэрнасць вечная.
Дзякуйце Богу багоў, бо Ягоная Міласэрнасьць (трывае) у вяках вякоў.
Вызнавайце Госпада над валадарамі, бо Яго міласэрнасць вечная.
Дзякуйце Госпаду валадароў, бо Ягоная Міласэрнасьць (трывае) у вяках вякоў.
Ён адзін учыніў цуды вялікія, бо Яго міласэрнасць вечная.
Таму, Які робіць вялікія Цуды, Ён адзін, бо Ягоная Міласэрнасьць (трывае) у вяках вякоў.
Ён стварыў нябёсы прамудра, бо Яго міласэрнасць вечная
Таму, Які нябёсы стварыў Мудрасьцю, бо Міласэрнасьць Ягоная (трывае) у вяках вякоў.
Ён распасцёр зямлю над водамі, бо Яго міласэрнасць вечная.
Які прасьцягнуў зямлю над водамі, бо Ягоная Міласэрнасьць (трывае) у вяках вякоў,
Ён стварыў свяцілы вялікія, бо Яго міласэрнасць вечная;
Таму, Які стварыў сьвяцілы вялікія, бо Міласэрнасьць Ягоная (трывае) у вяках вякоў,
сонца, каб днём кіравала, бо Яго міласэрнасць вечная.
сонца для кіраваньня днём, бо Міласэрнасьць Ягоная (трывае) у вяках вякоў,
месяц і зоры, каб кіравалі ноччу, бо Яго міласэрнасць вечная.
месяц і зоркі для кіраваньня ноччу, бо Міласэрнасьць Ягоная (трывае) у вяках вякоў,
Ён пабіў Егіпет у першародных яго, бо Яго міласэрнасць вечная.
Таму, Які нанёс сьмертаносны ўдар Ягіпту праз сьмерць (усяго) ягонага першароднага, бо Міласэрнасьць Ягоная (трывае) у вяках вякоў,
Ён вывеў Ізраэля з асяроддзя іх, бо Яго міласэрнасць вечная;
і вывеў Ізраэля зь ягонага (Ягіпту) асяродзьдзя, бо Міласэрнасьць Ягоная (трывае) у вяках вякоў,
магутнай далонню і шырокай рукою, бо Яго міласэрнасць вечная.
Далоньню магутнай і працягнутай Рукой, бо Міласэрнасьць Ягоная (трывае) у вяках вякоў,
Ён Чырвонае мора падзяліў на часткі, бо Яго міласэрнасць вечная.
Таму, Які Чырвонае мора расьсек на (дзьве) часткі, бо Міласэрнасьць Ягоная (трывае) у вяках вякоў,
І правёў Ізраэля пасярод яго, бо Яго міласэрнасць вечная.
і правёў Ізраэля пасярод яго, бо Міласэрнасьць Ягоная (трывае) у вяках вякоў,
Ён скінуў фараона і сілу яго ў мора, бо Яго міласэрнасць вечная.
і хвараона і ягонае войска ськінуў у мора Чырвонае, бо Міласэрнасьць Ягоная (трывае) у вяках вякоў,
Ён правёў народ Свой праз пустыню, бо Яго міласэрнасць вечная.
Таму, Які народ Свой правёў праз пустэльню, бо Міласэрнасьць Ягоная (трывае) у вяках вякоў.
Ён пабіў цароў вялікіх, бо Яго міласэрнасць вечная.
Таму, Які пабіў вялікіх каралёў, бо Міласэрнасьць Ягоная (трывае) у вяках вякоў,
Ён пабіў цароў магутных, бо Яго міласэрнасць вечная.
і пазабіваў знакамітых каралёў, бо Міласэрнасьць Ягоная (трывае) у вяках вякоў,
Сэгона, цара амарэяў, бо Яго міласэрнасць вечная.
Сігона, караля амарэяў, бо Міласэрнасьць Ягоная (трывае) у вяках вякоў,
І Ога, цара Басана, бо Яго міласэрнасць вечная.
і Ога, караля Башану, бо Міласэрнасьць Ягоная (трывае) у вяках вякоў,
І аддаў зямлю іх у спадчыну, бо Яго міласэрнасць вечная.
і зямлю іхную аддаў на спадак, бо Міласэрнасьць Ягоная (трывае) у вяках вякоў,
У спадчыну Ізраэлю, слузе Свайму, бо Яго міласэрнасць вечная.
на спадак Свайму слузе Ізраэлю, бо Міласэрнасьць Ягоная (трывае) у вяках вякоў,
Ён помніў пра нас у паніжэнні нашым, бо Яго міласэрнасць вечная;
Які ўспомніў пра нас у паніжэньні нашым, бо Міласэрнасьць Ягоная (трывае) у вяках вякоў,
і адкупіў нас ад непрыяцеляў нашых, бо Яго міласэрнасць вечная.
і Ён выратаваў нас ад ворагаў нашых, бо Міласэрнасьць Ягоная (трывае) у вяках вякоў,
Ён дае ежу кожнаму целу, бо Яго міласэрнасць вечная.
Які дае ежу ўсякаму целу, бо Міласэрнасьць Ягоная (трывае) у вяках вякоў,
Вызнавайце Бога нябеснага, бо Яго міласэрнасць вечная.
дзякуйце Богу нябёсаў, бо Міласэрнасьць Ягоная (трывае) у вяках вякоў.
