Выслоўяў Саламонавых 26 разьдзел
Кніга выслоўяў Саламонавых
Пераклад Васіля Сёмухі → Пераклад Яна Станкевіча
Як сьнег летам і дождж у жніва, так гонар не пасуе неразумнаму.
Як сьнег улетку і як дождж у жніво, так чэсьць ня ўходзе дурному.
Як верабей пырхне, калі ластаўка паляціць, так незаслужаны праклён ня збудзецца.
Як блудная птушка, як лёт ластаўчын, так бяспрычынны праклён ня здойсьніцца.
Плётка каню, аброць аслу, а кій немысьлю.
Пуга каню, аброць аслу, і кій сьпіне дурных.
Не адказвай неразумнаму паводле неразумнасьці ягонай, каб і ты не прыпадобніўся яму;
Не адказуй дурному подле дурноты ягонае, каб і ты ня стаў роўны зь ім;
а адказвай неразумнаму паводле неразумнасьці ягонай, каб ён не зрабіўся мудрацом у вачах сваіх.
Адказуй дурному подле дурноты ягонае, каб ён ня быў мудрыцом у ваччу сваім.
Падцінае сабе ногі, робіць шкоду сабе той, хто пасылае наказ празь немысьля.
Адцінае сабе ногі, п’ець шкоду тый, што пасылае паручэньне рукою неразумнага;
Як віхляюцца ногі ў кульгавага, так і выслоўе на вуснах у неразумнага.
Як сьцёгны кволыя ў кульгавага, так прыказь у вуснах неразумных.
Што ўкладваць каштоўны камень у прашчу, так і аддаваць пашану дурному.
Як тый, што пушчае дарагі камень з пушчала, так тый, што сьціць неразумнага.
Што калючы бадзяк у руцэ ў п’янага, тое і выслоўе на вуснах у неразумнага.
Як цернь у руццэ п’яніцы, так прыказь у вуснах неразумных.
Дужы робіць усё адвольна: і неразумнага ўзнагароджвае, і кожнага праходжага ўзнагароджвае.
Як стралец ране ўсіх, так наймаючы неразумнага і наймаючы хаджан.
Як сабака вяртаецца да ванітаў сваіх, так дурны паўтарае глупствы свае.
Як сабака зварачаецца да ірвакоў сваіх, так неразумны паўтарае дурноту сваю.
Калі ты бачыш чалавека, які сам сябе мудрым лічыць, — дык на дурнога болей надзеі, чым на яго.
Ці бачыў чалавека, мудрага ў ваччу сваім? Болей надзеі ў неразумнага, чымся ў яго.
Гультай кажа: «леў на дарозе! леў на дварэ!»
Ляны кажа: «Леў на дарозе, леў меж вуліцаў».
Дзьверы паварочваюцца на завесах сваіх, а гультай на ложку сваім.
Дзьверы абарачаюцца на завесах сваіх, а ляны — на ложку сваім варочаецца.
Гультай апускае руку сваю да міскі, ды яму цяжка падняць яе да рота свайго.
Ляны хавае руку сваю ў талерку, і цяжка яму падняць яе да вуснаў сваіх.
Гультай у вачах сваіх мудрэйшы за семярых, што адказваюць разумна.
Мудрэйшы ляны ў ваччу сваім за сямёх адказуючых разумна.
Хапае сабаку за вушы той, хто, праходзячы міма, лезе ў чужую спрэчку.
Як тый, што хапае сабаку за вушы, так хадзяка, што мяшаецца да чужое сьпярэчкі.
Як той, хто прыкідваецца вар’ятам, кідае агонь, стрэлы і сьмерць,
Як шалёны, што пушчае галавешкі, стрэлы а сьмерць,
так — чалавек, які падступна шкодзіць сябру свайму і потым кажа: «я толькі пажартаваў».
Так людзіна, што ашукуе прыяцеля свайго й кажа: «Ціж я ня шкеліў?»
Дзе няма болей дроў, агонь патухае; і дзе няма нагаворшчыка, разлад аціхае.
Ідзе няма дроў, цяпло гасьне; і йдзе няма агуканьніка, нязгода моўкне.
Вугаль — на жар, дровы — на распал свары.
Вугаль да жару, і дровы да цяпла; і звадлівая людзіна да тога, каб зацяпляць нязгоду.
Словы нагаворшчыка — як прысмакі, і яны ўваходзяць у нутро жывата.
Словы агуканьніка, як ласонікі, і зыходзяць да нутра жывата.
Як нячыстым срэбрам абкладзены гліняны посуд, так і палымяныя вусны і сэрца ліхое.
Як гліняны гаршчок, паліваны срэбным шумаўём, так гарачыя вусны й нягоднае сэрца.
Вуснамі сваімі прыкідваецца вораг, а ў сэрцы сваім намышляе ліхое.
Вуснамі сваімі непрыяцель прыдаецца, але ў нутру сваім задумляе ашуку;
Калі ён гаворыць і пяшчотным голасам, ня вер яму; бо сем мярзотаў у сэрцы ў яго.
Калі ён гукае лагодна, ня вер яму, бо сем агідаў у сэрцу ягоным.
Хто нянавісьць прыкрывае на самоце, злосьць таго адкрыецца ў народным сходзе.
Чыя ненавіднасьць прыкрыта ашукаю, таго злосьць адкрыецца прынародна.
Хто капае яму, той упадзе ў яе; і хто пакоціць угору камень, да таго ён вернецца.
Хто капае яму, уваліцца ў яе; і камень зьвернецца на тога, хто коце яго.
Хлусьлівы язык ненавідзіць тых, каго ён параніў, і лісьлівыя вусны рыхтуюць падзеньне.
Манлівы язык ненавідзе ўцісьненых ім, і гладкія вусны прычыняюць адхіненьне.
