Бытья прадмова Бытья прадмова

СКАЗАНИЕ ВО ПЕРВЫЕ КНИГИ МОИСЕОВЫ, РЕКОМЫЕ БЫТЬЯ, ДОКТОРА ФРАНЪЦИСКА СКОРИНЫ

Во Первыхъ книгахъ своихъ пишеть пророк Господень Моисей, пророкуя Духом Светым о прешлыхъ речехъ: яко Господь Богъ сотворилъ небо и землю и вся, еже суть в нихъ, Адама, праотца нашего, и Еву, матерь, по образу Своему и по подобию; яко врагъ, змей, прелстилъ ихъ и выгнаны быша з раю.

Потомъ яко начаша людие множитися на земли и злии быти, прото потопъ наведе наa нихъ Господь Богъ, кроме толико Ноя — самого со челедию его соблюде у ковъчезе.

Затым о розделении языковъ, царствъ, людей и народовъ.

Потом о нарожении Авраамове и яко Господа Бога позналъ и Той обещалъ розмножити семя его.

Теже о житии Авраамове, внегда родися ему Ісаакъ, и яко Господь Бог искушалъ Авраама, веляй приносити на жертву сына своего Ісаака.

По томъ часе Ісаакови родишеся сыны Ісавъ и Яковъ. Затымъ пакъ Яковъ, достав первенецства, утече к Лавану, дяди своему, и тамо, пасяй овци, понялъ жены, они же породили ему дванадесеть сыновъ. Потом опять з великим богатеством навратися во страну свою, и внегда был на пути, прозвал его Богъ Ізраилем.

Пишеть теже о роде Ісавове; о сынехъ Іудиных, еже имеаше з невесткою своею; о жалобе Іосифове на братию свою предъ отцемъ, о снехъ его, еже виделъ, и яко братия для ненависти продали Іосифа до Египту.

Потомъ Путифар, уверивъ жене своей, казалъ всадити Іосифа в темницу. Фараонъ виделъ сонъ и росказал выпустити Іосифа, той проповедалъ ему о седми летехъ уродныхъ и о седми гладныхъ; протожъ и поставилъ и старейшиною надо всею землею Египетскою; и собрал жита множество, и закупилъ весь Египетъ.

Яковъ, отець его, послалъ сыны своя купити пище. Іосыфъ,b познавъ братию свою, прикро глагола к нимъ; потом, ознамився, послалъ по отца.

Яковъ со всемъ домом своимъ внииде во Египетъ, предъ фараона-царя со сынми прииде, онже дал имъ землю Гесемлю ко пребыванию.

Яковъ далъ благославение предъ смертию всемъ сыном своимъ, пророкуя о нарожении Христове; по томъ преставилсяc и погребоша и сынове его в Хевроне, во гробе отцевъ его.

На конци кажеть о смерти Іосифове и яко заклялъ братию свою, абы вынесли с собою кости его.

А тако вократце имате положено, о чемъ во первыхъ книгахъ своихъ Моисей пишеть.

Потреба тежъ ведати, иже со всихъ книгъ Ветхаго Закону сие книги Бытья и початокъ и конець книгъ Езехииля-пророка а Песни Песнем Саломона-царя суть трудны ко зрозумению; протож и Евреи лю демъ младымъ предъ тридесетма леты не давали ихъ чести для великихъ тайнъ, еже замыкають в собе книги сие, понеже суть над розум людскый.

Кто убо от филозофовъ могъ поразумети, абы Господь Богъ словомъ Своимъ с низчего сотворилъ вся видимая и невидимая? Старейшине ихъ, Аристотелю, глаголющу: «З нисчего ничтоже бысть».

Мы пакъ, хрестиане, зуполную веру имамы Все могущего, во Троици единаго Бога, в шести днехъ сотворившего небо и землю и вся, еже суть в нихъ.

Конець Сказанию въ Первые книги Моисеевы.

Книги Бытья, уступ

Public Domain — народны здабытак.
2022, укладальнік — Бразгуноў Алесь.