Иосифъ жалуется отцу на братию свою, ониже возненавидеша его. Іосифъ, сны видевъ, братии своей поведаеть, а они змовилися на него. Отец послал и ко братии, а они продали его Ізмаилтяном.
1 Живяше пакъ Яковъ в земли Ханаони, в нейже обита Ісаакъ, отець его.
2 И сие суть родове ихъ.a Іосифъ бяше шестинадесети летъ и пасяше стадо со братиею своею, младъ сый; и былъ естъ со сынми Валиными и Зелфиными, меншиць отца своего. И жаловалъся на братию свою предъ отцемъ о грехъ превеликий.
3 Ізраиль пакъ любляше Іосифа болей всех сынов, понеже во старости своей сплодил его; и вчинилъ ему ризу красну.
4 Видечи же братия его, яко отець их любляше Іосифа паче всехъ сыновъ, возненавидиша и, и не можаху глаголати к нему ничтоже мирне.
5 И пригодилося естъ, виде Іосифъ сонъ, и глагола ко братии своей:
6 «Послушайте сну моего, иже видехъ.
7 Видело ми ся, яко быхомъ вязали снопы на поли; и повстал снопъ мой и стояше простъ, а ваши снопове стояще около моего снопу и кланяхуся ему».
8 Отповедели сут братия его: «Еда ли княземъ будешъ надъ нами? Или владети будешъ нами?» И приложиша еще более ненавидети его, речей для тыхъ и сна для.
9 Иный теже сонъ виделъ естъ Іосифъ и поведалъ отцу своему и братии своей, глаголя: «Видело ми ся во сне, се якобы солнъце а месець и единнадесять звездъ поклонихуся мне».
10 Сие пакъ егда слышалъ естъ отець его, карал и, глаголя: «Что знаменуеть сонъ сей, иже виделъ еси? Еда ли азъ и мати твоя, и братия твоя кланятися тобе будемъ на земли?»
11 И сего ради возненавидеша и братия его; отець же молчай, сохраняше въ серци вся словеса тая.
12 И внегда братия его, пасуще стада отца своего, пребываху в Сихеме,
13 рече к нему Ізраиль: «Братия твоя пасут стада в Сихеме. Ходи, да тя пошлю к нимъ». Отвеща Іосифъ: «Готовъ есми, отче».
14 И рече Ізраиль: «Шедъ и вижъ, здрави ли суть братия и овце, и откажи мне, что ся тамъ дееть».b И пусти его от долины Хевронъ, и прииде до Сихема.
15 И знайде и мужъ блудящего по полю, и спыталъ у него, глаголя: «Кого ищеши?»
16 Сей же рече: «Братии своея ищу. Повеж ми, игде пасуть стада».
17 Рече к нему мужъ: «От[ъ]идоша от места сего, и слышахъ ихъ, глаголющихъ: “Пойдимо до Дафаима”». Тогда иде Іосифъ за братиею своею и знайде ихъ в Дофаиме.
18 Они же, узревши и здалека, прежде нежели к ним при шолъ, мышляху убити его.
19 И глаголаху вкупе: «Се сновидець онъ идеть.
20 Пойдимо жъ а убиемъ его и вовержемъ до кладезся старого, и речем: “Зверь лютъ сожралъ его”. И тута узримъ, что помогуть ему сны его».
21 Слышав же сия, Рувимъ мысляше о томъ, да бы како могъ выбавити и от руку ихъ, и рече: «Не загубляймо души его
22 и не проливаймо крови брата своего. Но воверзите и до кладезя старого, иже естъ во пустыни, и руку своихъ пощадите от греха». И сия глаголал естъ, хотяй его изторгнути от руку ихъ и навратити отцу своему.
23 Бысть же, яко скоро пришол Іосиф ко братии своей, съвлекоша с него ризы красныи
24 и впустиша и до кладезя старого, в немже не бе воды.
25 И седоша ясти хлеб. И се узреша Ізмаильтянъ на пути, идущихъ от Галаада, и велъбуды ихъ, несущи речи добровонные, ладанъ и мирру до Египта.
26 Тогда рече Іуда ко братии своей: «Ичто жъ то намъ поможеть, убием ли брата своего и будемъ таити кров его?
27 Лепей естъ, да будеть проданъ Ізмаильтяном, и руце наше не будут посквернены, брат убо нашъ и тело наше естъ». И послушали суть братия словъ его,
28 и внегда миноваша ихъ купци Мадиамляне, cвытягнувши его ис кладезя, продали суть и за тридцеть сребреникъ; они же поведоша его до Египту.
29 И навратився Рувимъ ко кладзю, не знайде отрочати. И растерзав ризы,
30 прииде ко братии своей и рече: «Отрочати нету! Азъ же камо иду?»
31 Вземши пак ризу Іосифову и в крови козлове, иже зарезаша, омочиша ю
32 и послаша ко отцу своему, глаголюще: «Сие знайдохомъ. Вижъ, еда ли естъ риза сына твоего чили ни».
33 Ея же познавъ отець и рече: «Риза сына моего естъ. Зверь лютый изъелъ его, прожира сожрала Іосифа».
34 И розторгавши ризы своя, облечеся во вретище, плача сына своего за долгый часъ.
35 И внегда собралися суть вси сынове его, да бы укротили жалость отца своего, и не хотяше потешитися, глаголя: «Снииду ко сыну своемъ,d сетуя, во адъ». И плакалъ по вся часы отець его.
36 Мадиамляне же продали суть Іосифа до Египта Путифару, постелнику фараонову, воеводе войска его.
a У Скарыны вершы 1−2а знаходзяцца ў 36-м разьдзеле.
b 1 Царстваў, 17[:18].
c Дзеі Апосталаў, 7[:9].
d своему.
Знайшлі памылку ў тэксце? Вылучыце яе і націсніце:
Ctrl + Enter
Книги Бытья, 37 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.