Іосифъ, служай во Египте Путифару, справоваше домъ его. Потомъ жена Путифарова хотела Іосифа въ грехъ увести; он же не хотел вчинити того, протожъ обжалован и до темници всажен.
1 Иосифа пак приведоша во Египет. И купил его Путифаръ, постелникъ фараоновъ, воевода войска его, мужъ Египтянинъ, от руку Ізмаильтянъ, ониже приведоша его тамо.
2 И былъ ест Господь со Іосифомъ, и бяше муж щасливъ во всехъ делехъ своихъ, и живяше в дому господина своего.
3 Ведяше же добре господинъ его, яко Господь с нимъ естъ, и все, елико чиняше, устрояше в руку его.
4 И знайде Іосифъ милость предъ господиномъ своимъ и служаше ему; и постави его в дому своемъ старейшимъ надо всемъ, елико же имеаше.
5 И благославил Господь домъ Египтянина Іосифа деля, и розмножил и тако в доме, яко и по полех вся имения его.
6 И ни о чем же иномъ не ведяше господинъ, толико о хлебе, еже ядяше. Былъ пакъ ест Іосифъ красенъ лицемъ и любого позрения.
7 И сталося естъ по многихъ днехъ, возверже очи свое госпожа его на Іосифа и рече к нему: «Спи со мною».
8 Он же никако не хотелъ призволити делу тому злому и молвилъ ей: «Се, господинъ мой все добро свое предал ест в руце мое.
9 И самъ не весть, елика имать в дому своем и ниже что есть у него; чего же бы ми не далъ в руце, кроме толико тебе, яко жена есь ему. Сего для не могу вчинити дела сего злого и согрешити предъ господиномъ своимъ».
10 Таковыми словы по вся дни отмолвяше ей. Жена пак докучаше юноши, и той не слухаша ея.
11 Бысть же во единъ день, прииде Іосифъ в домъ делати дело, и не бе в доме на тот час домашних.
12 Тогда жена ухопила за воскрилие ризы Іосифовы и рече: «Лязи со мною». Іосифъ пак, оставив ризу вруце ея, побежа и изыйде вонъ.
13 Внегда же виде жена ризу в рукахъ своихъ, и позна, яко погорде ею,
14 возва к собе людей, иже беша в дому ея, и рече к нимъ: «Видьте, яко се мужъ мой воведе отрока Евреенина посмеватися намъ. Сей вшолъ естъ ко мне, да бы лежалъ со мною. И внегдах кричала
15 и слышалъ крикъ мой, остави ризу свою, еже держахъ, и выскочилъ вонъ».
16 Сего для держала ризу ту в рукахъ своих, даже прииде в домъ мужъ ея,
17 и рече к нему: «Внииде семо рабъ Евреанинъ, егоже вовелъ еси поругатися мне, и прииде ко мне, и рече: Ляж со мною.
18 Егда же услышалъ кричащу мя, остави ризу, юже держахъ руками, и выбежалъ вонъ».
19 Сее услышавъ господинъ его и велми скоро уверив словомъ жены своея, разгневался зело
20 и преда Іосифа до темницы, в нейже нятци царевы стрежены быша. И бе тамъ замкненъ.
21 Был же естъ Господь со Іосифомъ, и смиловался над нимъ, и далъ ему ласку предъ лицемъ стража темнице,
22 онже поддалъ в руце Іосифу всехъ нятцев, иже быша в темници, и вся, елика же чиняху, под нимъ бяху,
23 а ниже о чем ведаше к тому старейшина темнице, Богъ убо былъ ест с ним и вся дела его Той устрояше.
Знайшлі памылку ў тэксце? Вылучыце яе і націсніце:
Ctrl + Enter
Книги Бытья, 39 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.