Закопалъ Яковъ ідолы под древомъ и вделал требникъ Господу Богу, и Богъ благослави его и премени ему имя, и назва и Ізраиль. Рахиль породивши Вениамина и умре. О смерти и о погребении Ісаакове.
1 По сем же рече Богъ ко Якову: «Востани и възыйди на гору Вефиль и живи ту, и вчини требникъ Господу, явльшемуся тобе, егда бежалъ еси от Ісава, брата своего».
2 Тогда Яковъ созвалъ весь домъ свой и рече: «Отверзите вси боги чуждие, еже суть посреди васъ,a и очиститеся, и измените ризы ваше;
3 и востанте, а възойдемъ на гору Вефиль и вделаемъ тамъ требникъ Господеви, Онже услышалъ мене въ день скорбей моихъ и сохранил мя на пути моемъ».
4 И дали суть ему вси боги чуждии, еже имеаху, и серязи, иже беху во ушию их. Тогда Яковъ закопалъ е подъ древомъ смырковымъ, еже естъ за градомъ Сихемъ.
5 И внегда идоша, страхъ Божий нападе на вси грады околичные, и не смели гнатися за ними.
6 И тако пришолъ ест Яковъ в Лузу, иже естъ в земли Ханаонстей, еже иначей прозывашеся Вефиль, самъ и вси людие его с нимъ.
7 И вделалъ ту требникъ, и назвалъ имя места того — Дом Божий,b ту бо воистинну явился ему Богъ, внегда бежаше от брата своего Ісава.
8 В то время умре Делвора, кормилица Ревечина, и погребоша ю при самой горе Вефиль, подъ дубомъ, и названо естъ место то «Дубъ Плачу».
9 Яви же ся Господь опять Якову вторицею, внегда навратился былъ з Межиречия Сирскаго и пришолъ до Вефиля, и благославилъ его,
10 глаголя: «Не будеши прозыватися к тому Яковъ, но Ізраиль будеть имя твое». И назвалъ его Ізраилемъ,
11 и рече к нему: «Азъ есмъ Богъ Всемогий! Рости жъ и множися, народове людей многыхъ с тебе будуть, и цари з бедръ твоихъ выйдут.
12 И землю, юже дахъ Авраамови а Ісаакови, тобе дамъ и семени твоему по тобе».
13 И от[ъ]иде от него.
14 Яковъ же постави столпъ каменъ на месте томъ, на немже глагола к нему Богъ, и облия и виномъ и елеомъ,
15 и назвал имя месту тому — Вефиль.
16 И вышедъ оттуду, прииде во время вешнее до земли, еже ведеть до Ефраты. И ту внегда ражаше Рахиль
17 и возбеднова при порожении, тогда рече ей баба: «Не бойся, се убо сына имети будешъ».
18 И внегда душа ея выступоваше болести деля и ко смерти приближашеся, назвала имя сына своего — Веннони, то естъ «сынъ болести моея»; отець пакъ прозвалъ и Вениаминъ, то естъ «сынъ десници».
19 В то время умре Рахиль, и погребоша ю на пути, иже ведет до Ефраты, сий естъ Вифлеомъ.
20 И вчинилъ естъ Яковъ могилу надъ гробомъ ея, еже словеть «Могила гробу Рахилина» даж и до днешнего дня.
21 И отшед оттоле, розбилъ шатры своя за Столпомъ стаднымъ.c
22 И внегда живяше во стране той, отшедъ Рувимъ и лежа с Валою, меншицею отца своего; и не было естъ сее тайно пред нимъ. Было пакъ сыновъ Якововыхъ дванадесеть.
23 Сынове Лиины: первороженный Рувимъ и Симеонъ, и Леввий, Іуда, Ізахаръ и Зевулонъ.
24 Сынове Рахилины: Іосифъ а Вениаминъ.
25 Сынове Валины, рабы Рахилины: Данъ и Нефталимъ.
26 Сынове Зелфины, рабы Лиины: Гадъ и Асеръ. Сие суть сынове Яковлевы, иже родишеся ему в Межиречии Сирскомъ.
27 И пришолъ естъ Яковъ ко Ісааку, отцу своему, до долины Мавврии,d во градъ Арвей, то естъ Хевронъ, в земли Ханаонстей, идеже живяше Авраамъ а Ісаакъ.
28 И наполънилося дней Ісааковыхъ сто и осмъдесятъ летъ,
29 и состаревся, умре и приложися к людемъ своимъ, старъ сый и полонъ дней. И погребоша и Ісавъ и Яковъ, сынове его.
a 1 Царстваў, 7[:2], у Скарыны нумар главы пададзены памылкова — 5.
b Дом Божий — Аль-Бетэль (Вульгата: Domus Dei, ‘Дом Божы’; ЦСБ: Вефиль).
c за Столпомъ стаднымъ — за Мігдаль-Едэр (Вульгата: trans Turrem gregis, ‘за вежай быдла’; ЦСБ: за столпом Гадеръ).
d Мамврии.
Знайшлі памылку ў тэксце? Вылучыце яе і націсніце:
Ctrl + Enter
Книги Бытья, 35 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.