Ноевы сынове розмножилися в великии народы по потопе на земли. И кто от коего сына Ноева народился, и о ставлении градовъ и о розделении странъ ихъ.
1 То суть родове сыновъ Ноевыхъ Сима, Хама и Яфета. Изродишеся имъ сынове по потопе.
2 aСынове Яфетовы: Гомер и Магог, и Мадай, и Яванъ, и Фувалъ, Мозохъ и Тирасъ.
3 Сынове пакъ Гомеровы: Ашкенесъ и Рифатъ, и Тогорма.
4 Сынове же Явановы: Елиза, Тарсий, Цефимъ и Доданимъ.
5 От сихъ розделилися суть островы народовъ в земляхъ ихъ, единый кажный подле языку своего во племенехъ их.
6 Сынове пакъ Хамови: Хусъ и Мезраим, и Фут, и Ханаанъ.
7 Сынове же Хусови: Савай, Евиля, Савая, Регма и Саватала. Сынове Регмины: Савай и Дадан.
8 Хусъ же сплодил Немрота, и той почал ест быти силный на земли;
9 и бысть моцный насилник пред Господем, и от того вышла пословица: «Яко Немрот крепкий насилник пред Господем».
10 И бысть початок царства его Вавилон и Арахъ, и Ахатъ, и Халан в земли Сенарской.
11 С тое земли вышолъ естъ Асуръ и сооружил градъ Ниневгию и улице града, и Халякъ,
12 и Резенъ межи Ниневгиеюb и Халякомъ — сей естъ градъ великий.
13 Мезраимъ же сплодилъ Людима и Анамима, и Лавима, и Нептуима,
14 и Фетузима, и Целюима, с нихже вышли суть Филистымляне и Каптуримляне.
15 Хананей же сплодилъ Сидона, первороженнаго своего, Етфея,
16 Евузея, Аморея, Ергисея,
17 Еввея, Арахея, Цинея,
18 Арадия, Самаритеа и Аматея, а от тыхъ розмножишеся людие Хананейстии.
19 И быша пределы Хананейскии, идуще от Сидона до Ерары, даже до Газы, дондеже не прииде до Содомы и до Гоморы, и до Адамы, и до Севоима, даже до Есы.
20 Сии же суть сынове Хамови во племенехъ своихъ и во языцехъ, и во земляхъ, и в народехъ своих.
21 От Сима же родишеся вси отцеве сыновъ Еверовыхъ, брата Яфетова старшего.
22 Сынове Симови: Геламъ, Асур, Арфаксатъ, Людъ и Арамъ.
23 Сынове Арамови: Гус и Гуль, и Ефиръ, и Месай.
24 Арфаксат же сплодилъ Салума, от негоже родися Еверъ.
25 И народишеся Еверови два сыны, имя единому — Фалекъ, во дни бо того розделена бысть земля, имя пак брату его — Ектан.
26 Той же Ектан сплодил Ельмодада и Салефа, и Асармофа, и Арама,
27 и Адурама, и Езала, и Дедама,
28 и Геваля, и Авимахеля, и Савеля,
29 и Ефира, и Евилара, и Езвоя — вси тии суть сынове Ектанови.
30 И бысть житие их, идущи от Месы, даже до Сефара, горы на востокъ солнца.
31 Сии суть сынове Симовы по племенохъ, по языкохъ, по странахъ и по народехъ своихъ.
32 Тии суть родове Ноевы по людехъ и отечествах своихъ, и от сихъ розделишеся народи по потопе.
a 1 Паралаліпаменан, 1.
b Erratum: Ниневгинею.
Знайшлі памылку ў тэксце? Вылучыце яе і націсніце:
Ctrl + Enter
Книги Бытья, 10 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.