Богъ слюбуеть дати Аврамови наследники и розмножити семя его. Аврам принесе жертву Господеви, и услышал ест молитву его и завещалъ завет с ним.
1 Егда же сия поминуша, бысть слово Господне ко Авраму во видении, глаголя: «Не бойся, Авраме! Азъ защититель твой, и мзда твоя велика вельми».
2 И рече Аврамъ: «Господи Боже! Что даси мне? Азъ умру без чадъ, и сынъ шафаря дому моего сей Дамашекъ Елиазаровъ».
3 И приложи Аврамъ: «Мне же не далъ еси плоду, и се ускормень мой дедичомъ моимъ будеть».
4 И скоро потомъ слово Господьне бысть к нему, глаголя: «Не будеть той дедичь твой, но иже изыйдеть з живота твоего, того будеши имети дедичемъ».
5 И вывелъ его вонъ, и рече ему: «Возри на небо и сочти звезды, можеши ли». И рече паки ему: «Тако будеть семя твое».
6 Верова Аврамъ Богу, и вменися ему в правду.a
7 И рече к нему: «Азъ Господь, изведый тя от места Уръ Халдейскаго, яко дати тобе землю сию владети ею».
8 Тогда рече Аврамъ: «Господи Боже! По чемъ могу познати сее, иже буду владети ею?»
9 И отвеща Господь: «Возми собе краву трилету и козу трилету, а овенъ трилетен, горлицу теже и голуба».
10 Он же, взявъ вся сия, разплоталъ е надвое и обое страны порозну — едину ко другой противъ собе — положилъ; птиць же не росплоталъ.
11 И слетешеся птици на мяса мерътвая, и обгонялъ ест е Аврамъ.
12 И егда солнъце заходило, дремота нападе на Аврама и гроза великая и темнота прииде на нь.
13 И речено ест к нему: «Разумей тое, преды ведяй, яко пришелце во будущие часы будеть семя твое в земли чуждей, и поддадуть их в работу и зазлять имъ четыреста летъ.
14 Народу пакъ, емуже поработають, сужу Азъ,b и потомъ выйдуть с богатествомъ великимъ.
15 Ты же пойдеши ко отцемъ твоимъ в мире и во старости доброй погребенъ будеши.
16 Поколение пакъ четвертое навратится семо, понеже не суть еще скончалися греси Аморейские до сего часу».
17 И егда западе солнъце, бысть помрачь темная, и явися пещь курящися и свеща огнена, идуща межи мясы росплотаными теми.
18 В той день завещал ест Господь заветъ со Аврамомъ, глаголя: «Семени твоему дамъ землю сию от потока египскаго даже жо реки великое Ефратъ:
19 Цинеанъ и Кенезеанъ,
20 Еффеанъ и Ферезеанъ, Рафаимлянъ и Амореанъ,
21 Еввеанъ и Хананеанъ, Гергисеанъ и Евузеанъ».
a Да Галатаў, 3[:6]; Да Рымлянаў, 4[:3]; Якава, 2[:23].
b Дзеі Апосталаў, 7[:6-7].
Знайшлі памылку ў тэксце? Вылучыце яе і націсніце:
Ctrl + Enter
Книги Бытья, 15 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.