Даеть благославение предъ смертию Яковъ сыномъ своимъ и приидущие имъ речи объявляеть, а игде погрести его имають, кажет. И о смерти его.
1 Призва Яковъ сыны своя и рече имъ: «Сберитеся, да возвещу вамъ, что имать приити на васъ во последние дни!
2 Сойдитеся жъ и послушайте, сынове Яковлевы, послушайте Ізраиля, отца своего!
3 Рувиме, первороженный мой! ты крепость моя и зачало болестей моих, первый в дарехъ, больший во властелехъ;
4 излиался есь, яко вода, не рости ж, понеже возлезъ еси на ложе отца своего и осквернилъ есь постелю его.
5 Семионъ и Левви, братия, сосуды безакония воюющие;
6 во советъ ихъ не приидеть душа моя и в сонме ихъ не будеть слава моя, понеже во ярости своей побиша человеки и помыслом своимъ подкопаша стену;
7 злоречена ярость ихъ, яко невступна, и гневъ их, яко лютъ естъ; разделю е во Якове и разсею их во Ізраили.
8 Іудо! тебе похвалять братия твоя. Руце твои на шии враговъ твоихъ; тобе поклонятся сынове отца твоего.
9 Львичекъ лвовъ Іуда; на користь, сыне мой, воступилъ еси; отпочивая, возлег есь, яко левъ и яко лвица: икто жъ пробудилъ его?
10 Не от[ъ]имется достойность царева от Іуды и ни княз от бедръ его, донеле приидеть, Онже посылаемъ естъ, и Той будеть чаяние народомъ.
11 Будеши привязая ко винограду осля свое и к кореню винному, сыну мой, ослицу свою; спереши во вине ризу свою и въ крови грознове одежду свою;
12 краснейши суть очи его над вино и белейши зубы его над млеко.
13 Зевулонъ на брегу морскомъ жити будеть и на пристанищи лодей, досягая даже до Сидона.
14 Ізахаръ — оселъ силный: почивая посреди предел,
15 виде покой яко добръ и земля яко изъбранна, и преклони рамя свое на дело и вчинися дани даяй.
16 Данъ будеть судити людей своих, яко и иное племя во Ізраили.
17 Буди ж Данъ змия на пути и рогатый гадъ на стежце, щипая копыта конемъ, да спадеть седяй на немъ въспять.
18 Спасения твоего ожидати буду, Господи!
19 Гадъ, препоясавыйся, брань вчинить пред нимъ, и той препояшется, идя съзаду.
20 Асеръ — тучный хлебъ его, и подавати будеть пищу царем.
21 Нефталим — елень выпущеный, придавая словом красоты.
22 Сын возраслывъ Іосифъ, сынъ возрасливъ и красного позрения.
23 Дщеры бегивали по стене и прогневали его и сварилися, и завидили ему, имеюще стрелы;
24 ста во крепости лукъ его, и разторгнушеся оковы мышцей и руку его рукама Того, Онже естъ крепость Яковлева. Оттоле Пастырь выступилъ естъ, камень людей Ізраилевыхъ.
25 Богъ отца твоего буди ж помощникъ твой, и Вседержитель да благославить тебе благославениемъ небесным свыше и благославениемъ земнымъ, еже естъ низу, благославением перстей и утробы.
26 Благославения отца твоего укрепишеся надъ благославения отцевъ его, донеле же не приидеть жадание горъ вечныхъ, да будуть на главе Іосифове и на верху посвященнаго межи братиею его.
27 Вениаминъ, волкъ хватливый, из утра ести будеть ловитву, а на вечеръ розделить користь».
28 Вси тые во двунадесети коленехъ Ізраилевыхъ. Сие слова молвилъ естъ имъ отець ихъ и благослави единаго каждого благославениемъ особнымъ.
29 И заповедал имъ, глаголя: «Се, азъ прилагаюся къ людемъ моимъ. Погребите жъ мя со отци моими в пещере сугубе, иже естъ на поли Ефронове Хетейскаго,
30 противу Мамврии, в земли Ханаани, юже купилъ естъ Авраамъ с полемъ у Ефрона Хетейскаго на вчинение гробомъ.
31 И тамо погребенъ естъ Авраамъ и Сарра, жена его. Тамъ теже погребоша Ісаака со Ревекою, женою своею. Там же и Лия, жена моя, погребена лежить».
32 [въ стяжании поля и пещеры сугубой, иже естъ в немъ, у сыновъ Хетеевыхъ]»a
33 И внегда доконалъ Яковъ заповеди, еже заповедалъ сыномъ своимъ, навчая ихъ, возложилъ ноги своя на ложе; и умре, и приложися к людемъ своимъ.
a Верш адсутнічае ў ВБ і БС; тут падазены паводле ЦСБ.
Знайшлі памылку ў тэксце? Вылучыце яе і націсніце:
Ctrl + Enter
Книги Бытья, 49 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.