Бытья 42 Бытья 42 разьдзел

¹ Слышав же Яковъ, яко пшеницу продають во Египте, рече сыномъ своимъ: «Почто медлите?

² Се убо слышахъ, иже пища продается во Египте. Сниидите ж и купите нам жита, да можем живи остати и не помремъ от гладу».

³ Тогда шло естъ братии Іосифовы десеть купити жита во Египте.

⁴ Вениамина же не пусти Яков со братиею его, глаголя: «Да не прилучится ему что злое на пути».

⁵ И вниидоша до земли Египетское со иными, ониже шли суть куповати жита, былъ убо тогда гладъ в земли Ханаони.

⁶ Іосиф же былъ ест князь в земли Египетской и съ его повелениемъ жито людемъ продаваху. И внегда поклонишеся пред нимъ братия его,

⁷ и познавъ их, яко бы къ чуждимъ, прикро молвилъ естъ к нимъ, глаголя: «Отколе есте пришли?» Они же отповедели ему: «От земли Ханаони приидохомъ купити пище».

⁸ Братию же свою познавъ, Іосифъ не сказашеся имъ, и не познанъ естъ от нихъ.

⁹ И воспомянувши на сны своя, еже предъ тымъ видел, рече к нимъ: «Прозиратаи есте и согледати страны некрепчейшее земли сея приидосте».

¹⁰ Они же отвещали ему, глаголюще: «Не естъ тако, господине, но раби твои приидохомъ купити пищи.

¹¹ Вси сынове единаго мужа есмо. Мирне приидохомъ, и ниже раби твои помяшляють что злого».

¹² К ним же рече Іосифъ: «Иначей- ть естъ, согледати пришли есте градовъ неограженыхъ земли сее».

¹³ Они же рекоша: «Дванадесять насъ братий, рабовъ твоих, сыновъ мужа единаго в земли Ханаани. Молодший со отцемъ нашимъ естъ, а о иномъ, естъ ли живъ, не ведаемъ».

¹⁴ Рече имъ: «Сие естъ, еже рекох вамъ, яко прозиратаи есте,

¹⁵ сим мне явисте. Тако ми здравия фараонова, иже не вынидете отселе, дондеже приидеть братъ вашъ младший семо!

¹⁶ Пошлите жъ от себе единого, да приведеть его; а вы будете во оковахъ, дондеже познаю, правда ли ест, еже глаголасте, чили ни. Иначей се клинуся здравиемъ фараоновымъ, яко прозиратаи есте».

¹⁷ И преда их до темнице за три дни.

¹⁸ Во третий же день, внегда выведоша ихъ из темнице, рече к нимъ: «Учините такъ, якоже повелех вамъ, и живи будете, боюся убо азъ Бога.

¹⁹ Естъли же мирнии есте, братъ вашъ единъ окованъ да седить в темници, а вы отойдите и донесите жито, еже куписте, в домы своя,

²⁰ и брата своего молодшего ко мне приведите, да искушу словъ вашихъ, и не зомрете». И вчинили суть, якоже повеле имъ.

²¹ И глаголаша вкупе: «Годне сия терпимы, согрешихомъ убо противу брату нашему, видяще скорбление души его, егда моляшеся намъ и не хотехомъ послушати его. Сего деля пришла на нас вся печаль сия».

²² От них же един, именемъ Рувимъ, рече: «Не рекох ли тогда вамъ: “Не приобижайте детища”? И не послушасте мене, и се кровь его возыскается».

²³ Не ведяху же того, яко разуме имъ Іосифъ, толковина бо молвяше межи ними.

²⁴ Отхилив же ся от нихъ мало Іосифъ и проплака, и обратився, паки с ними молвяше; и понявъ Симеона, связа его пред ними.

²⁵ И повелелъ рабомъ своимъ насыпати мехи их пшенице, и въкласти пенези их единому каждому в мехъ его, и к тому дати имъ брашна на путь. И вчинили суть тако.

²⁶ Тогда они, возложивъши пшеницу на ослы своя, от[ъ]идоша.

²⁷ Отвязавъ единъ мехъ, абы далъ пищу ослятомъ наa пути, узрелъ ест пенези на верху устия меха,

²⁸ и рече братии своей: «Навращены суть мне пенези, се в меху лежать». И здивилися, и вжаслися суть вкупе, глаголюще: «Ичто ест сее, еже учини намъ Богъ?»

²⁹ И приидоша ко Якову, отцу своему, в землю Ханаоню, и поведаша ему все, еже ся было имъ пригодило, глаголюще:

³⁰ «Молвилъ ест к намъ господинъ земли прикре и мнелъ насъ быти согледатайми страны тое.

³¹ К нему же рекохомъ: “Мирънии есмо и ниже что злого мыслымы.b

³² Дванадесять естъ насъ братовъ, от единого отца спложеныхъ. О единомъ не ведаемъ, жив ли естъ, молодший со отцемъ нашимъ остался в земли Ханаони”.

³³ Он же рече к нам: “По сему увемъ, яко мирнии есте: брата своего единого оставте у мене и пище, потребное до домовъ вашихъ, наберите, и отойдите;

³⁴ и брата своего молодшего приведите семо, да познаю, иже не есте прозиратаи, и сего, иже во оковахъ держанъ будеть, с собою возмете, и потом все, еже восхощете купити, свободу имейте».

³⁵ И сие поведевши, егда высыпываху пшеницу, вси знайдоша пенези, завязаны при устиехъ меховъ. И внегда улякнулися вкупе,

³⁶ рече к нимъ отець их Яковъ: «Вчинили есте, абыхъ без чадъ былъ: Іосиф не естъ живъ, Симеонъ седить во оковахъ и Вениамина заведете. На мене вси тые злые речи звалили!»

³⁷ Отвеща ему Рувимъ: «Обу сыну моихъ убий, естъли же не приведу тобе его назадъ. Дай и в руце мое, и азъ навращу тобе его».

³⁸ Рече имъ: «Не пойдеть сынъ мой с вами, братъ его умре и той самъ остал: пригодит ли ся ему что злого на пути или в земли, камо жъ вы пойдете, то сведете шедины мое с болестию во адъ».