Бытья 38 Бытья 38 разьдзел

¹ Бысть же в той часъ, иде Іуда от братии своея и совратися к мужу Одолямитину,a именемъ Гираму.

² И виде ту дщеру человека Хананейска, емуже имя бе Суа, и поя ю собе за жену, и внииде к ней.

³ Она же зачала и породила сына, и назвала имя его — Геръ.

⁴ И опять заченши, роди сынъ, и назва и Онанъ.

⁵ Потомъ третиего породила и прозвала Селя; затымъ преста родити.

⁶ И приведе Іуда жену Геру первороженному сыну своему, именемъ Фамаръ.

⁷ И былъ естъ Геръ, первенець Іудовъ, золъ предъ лицемъ Божиимъ, сего ради и погибе от Господа.

⁸ Тогда рече Іуда ко Анану,b сыну своему: «Внииди к жене брата своего и случися с нею, и востави семя брату твоему».

⁹ Зная же Онан, яко сынове не будуть ему родитися, вшедъ къ жене брата своего, проливаше семя на землю, да бы не сплодилъ сыновъ именем брата своего.

¹⁰ И для того погубилъ его Богъ, понеже дело злое чинилъ естъ.

¹¹ И рече Іуда ко Фамаре, невестце своей: «Сяди жъ вдовою в доме отца своего, дондеже доростеть Селя, сынъ мой». Бояся убо, да бы и той не вмер, яко братия его. Она же, отшедши, живяше в дому отца своего.

¹² И внегда поминуло естъ летъ много, умре дщера Суева, жена Іудина. Он же по оплакании потешився, идяше ко стрижущимъ овце своя, самъ и Гирамъ, пастух стада его, Одоломитянин, до Фамны.

¹³ И поведено естъ Фамаре, иже свекор ея идеть до Фамны стрыщи овець.

¹⁴ Она же сверзе с себе ризы вдовъские и облечеся въ плащъ летний и, зменивши одежу, сяде на роспутии, идеже ходять до Фамны, виде бо, яко возросте Селяй и не понимаше ея собе за жену.

¹⁵ Узревъ пакъ ее, Іуда мнелъ, яко любодеица бяше, прикрила убо была лице свое, да бы не позналъ ея,

¹⁶ и пришедъ к ней, рече: «Допусти мя, да пребуду с тобою». Не ведяше бо, яко невестка его бяше. Она же отвеща к нему: «Что жъ ми даси, да буду с тобою?»

¹⁷ Рече Іуда: «Пошлю тобе козла от стада». Тогда она рече: «Вчиню все, еже хощеши, естъли же ми даси заклад, дондеже пришлешъ, еже слюбуеши».

¹⁸ Рече к ней паки Іуда: «Чего жъ хощешъ, да дамъ тобе в закладе?» Отповедела ему: «Перстень твой и обручь, и посох, иже держиши в рукахъ своихъ, дай мне». И да ей, и случися с нею.

¹⁹ И тако по единомъ случении почала жена, и въставши, отошла,c и сложивши одежу, юже на собе имеаше, облечеся в ризы вдовическия.

²⁰ Послал пак естъ Іуда козля пастыремъ своимъ Одоламитяниномъ, да бы взялъ закладъ, еже былъ далъ жене. Он же, не знашедъ ея,

²¹ воспрошаше мимоходящих людей места того, глаголя: «Игде ест жена, еже седела на роспутии?» Они пак вси отвещали ему: «Не была ест на месте семъ блудница».

²² Тогда навратися пастырь ко Іуде и рече: «Не знайдохъ ея. К тому и людие места того глаголаше ко мне, яко не седела сезде блудница».

²³ Рече Іуда: «Да имать собе и не посмеется намъ, понеже азъ посылахъ ей козлищъ, иже обещахъ, и не знашолъ есь ея».

²⁴ Бысть пакъ по трехъ месецехъ поведено естъ Іуде, глаголюще: «Соблуди Фамаръ, невестъка твоя, и се во утробе имать от блуда». Тогда рече Іуда: «Изведите ее, да сожъгуть ю».

²⁵ И внегда выведена была на смерть, посла ко свекру своему, глаголющи: «От коего мужа имамъ сее? От того имамъ во утробе, познай, чий то естъ перстень и обручь, и посохъ».

²⁶ Іуда же познавши дары и рече: «Справедливъша естъ паче мене, понеже не хотех ея дати Селяю, сыну своему, и не приложи к тому прилепитися к ней».

²⁷ И внегда было при породе, явистася во чреве ея близнята.

²⁸ Егда же рожахуся детища, един изведе руку, на неяже баба навеза нить червчету, глаголя: «Сей изыйдеть первей».

²⁹ И внегда той воспят сокрил руку, изыйде вторый. И рече мати: «Почто тебе для пререзася прегражение?» И сего для прозва имя его — Фарес.

³⁰ По сем изыде брат его, емуже бе на руце нить червцева, и прозва имя его — Зара.