Бытья 23 Бытья 23 разьдзел

¹ Жива была пакъ Сарра сто и двадесеть и седмъ летъ

² и умре во граде Арвеи, иже словеть Хевронъ, в земли Ханаани. И прииде Авраамъ ридатися и плакатися по ней.

³ И егда восталъ от плакания, глаголалъ к сыномъ Хетеовымъ:

⁴ «По-гостину приидохъ к вамъ; дайте ми пра во погребу с вами, да похороню мертвеца своего».

⁵ Отвещаша ему сынове Хетеовы, глаголюще:

⁶ «Послухай нас, господине! Князь Божій ты еси в нас, во избранных гробехъ нашихъ похорони мертвеца своего. И никтоже возможеть забранити тобе, абы не положил во гробе его мертвеца своего».

⁷ Тогда восталъ естъ Авраамъ и поклонися людемъ земли тое, сыномъ Хетеовым;

⁸ и глагола к нимъ: «Понеже любится вамъ, да быхъ похоронилъ мертвеца своего у васъ, послушайте жъ мене и поговорите о мне Ефронови, сыну Сеорову,

⁹ да продасть мне пещеру сугубую, еже естъ на конци поля его, на цене подобне. Да дасть ми ю пред вами, да будеть мне во гробу место».

¹⁰ Живяше бо Ефронъ посреди сыновъ Хетеовыхъ. Отвеща Ефронъ Авраамови, слышащимъ всемъ, они же собралися были во вратахъ града того, глаголя:

¹¹ «Николи ся такъ не станеть, господине мой! Но ты лепей послушай мене, еже молвити буду: поле отдаю тобе и пещеру, еже у него естъ, предо всеми сынми людей моих; похорони жъ мертвеца своего».

¹² И поклонился естъ Авраам пред господемъ и предъ людьми града,

¹³ и глаголал ко Ефрону пред всеми людьми его, стоящимъ около него: «Молю ти ся, послушай мене: цену дамъ тобе за поле, возми от мене, и тако похороню мертвеца моего».

¹⁴ Отвеща Ефронъ и рече:

¹⁵ «Господине мой! Послухай мене: земля, еяже хощеши, стоить за четыриста сиклевъ сребра, и сия естъ цена межи мною и тобою. Ичто жъ пакъ до того? Погреби ты мертвеца своего».

¹⁶ Сие внегда услы шалъ Авраамъ, отважилъ сребро, его же пожадалъ естъ Ефронъ, слышащимъ всемъ сы номъ Хетеовымъ, четыреста сиклевъ сребра чиста купецьска.

¹⁷ И утвержено естъ поле, еже пред тым было Ефроново, на немже бе пещера согубая, зряще ко Мамврии — такъ само, яко и пещера — и вся древа его по всехъ местехъ его воколо

¹⁸ Авраамови въ держание предъ очима сынов Хетеовыхъ и предо всими приходящими во врата града того.

¹⁹ И тако погребе Авраамъ Сарру, жену свою, на поли том в пещере согубой, еже зрить ко Ма[м]врии, иже ест Хевронъ, в земли Ханаани.

²⁰ И прослыло поле то и пещера, еже была на немъ, Авраамова во имение гробовъ от сыновъ Хетеовыхъ.