Бытья 18 Бытья 18 разьдзел

¹ Явися же Аврааму Господь в долине Мамврине, егда седяше во дверехъ храму своего в полудни.

² Внегда погледелъ очима своима, указалися ему три мужи, стояще близко его. Он же, яко узрелъ ихъ, бежал во стретение имъ от дверей храму своего, и поклонися до земли,

³ и рече: «Господи! естъли же знайдохъ ласку предъ очима Твоима, не мини раба Своего.

⁴ Но принесу мало воды, да омыють нозе ваше, и отпочиньте подъ древомъ,

⁵ и положу скибу хлеба, да укрепится серце ваше, и потомъ пойдете, яко того для совратистеся к рабу своему». И рекоша ему: «Тако учини, яко глаголалъ есь».

⁶ И поспешилъ Авраамъ в дом ко Сарре, жене своей, и рече ей: «Возми скоро муки три мерици, смеси и наделай подъпопельныхъ хлебовъ».

⁷ Сам же бежа ко стаду и взял оттуду телець тученъ и добръ, и далъ и рабу своему; той же поспешилъ и сварилъ его.

⁸ Набралъ теже масла и млека, и телець, еже свари, взялъ и поставилъ пред ними; самъ пакъ стоялъ при нихъ под древомъ.

⁹ И егда ядоша, реша к нему: «Игде естъ Сарра, жена твоя?» Он же отвеща: «Се во храмине естъ».

¹⁰ К нему паки рече: «Навращаяся, прииду к тобе, часу того будете живи и будеть имети сына Сарра, жена твоя». Сие же услышавши, Сарра посмеася за дверми храмовыми,

¹¹ понеже оба беста стара и сошлого веку, и престали были Сарре немощи женскии;a

¹² про тожъ и смеалася тайне, глаголющи: «Егда состарехся и господин мой дедом ест, теперь ли имамы сия чинити?»

¹³ Тогда рече Господь ко Аврааму: «Прочто посмеася Сарра, жена твоя, глаголющи: “Еда ли, баба сущи, рожу?”

¹⁴ И чи не мощъно естъ в Бога всяко слово, якоже рекох ти: Се навращуся к тобе в сей же часъ, bи будете живи, и породить Сарра сына?»

¹⁵ И запрела естъ Сарра, глаголющи: «Не посмеяхся», боязнию застрашена сущи. И рече Господь: «Не ест тако, но посмеалася есь».

¹⁶ И воставши оттоле, мужи обратили очи свое къ Содоме. Авраамъ же идяше с ними, провожая ихъ.

¹⁷ И рече Господь: «Еда ли затаити могу предъ Авраамом, что вделати имамъ,

¹⁸ понеже вчиненъ будеть в люди великии и вдатныи и благославятся о немъ вси народи земли.

¹⁹ Вемъ убо, яко повесть сыномъ сво имъ и дому своему по собе, да бы хранили пути Господьня и чинили судъ и справедливость, да приведеть Господь для Авраама вси речи, еже глагола к нему».

²⁰ Протожъ и возвести Господь, глаголя: «Вопль Содомскихъ и Гоморскихъ умножися, и грех ихъ обтяженъ естъ превелице.

²¹ Сошедъ убо и поглежу, естли же по воплю их, приходящему ко мне, делають, чили ни, да познаю».

²² И от[ъ]идоша оттоле, и шли суть къ Содоме. Авраамъ же еще стоаше предъ Господемъ,

²³ и приближився, рече: «Погубиши ли теже праведнаго з невчтивымъ?

²⁴ Будуть ли пятьдесятъ праведныхъ во граде, так ли же загинуть? И не отпустишъ граду тому пятьдесяти для праведныхъ, естъли же будуть в немъ?

²⁵ Да отступить сее от Тебе, яко вчинити дело сее и погубити праведнаго з невчтивымъ! Еда ли праведный естъ, яко и невчтивый? Не подобно то к Тобе, иже судиши всю землю, не чини суду сего».

²⁶ И рече к нему Господь: «Знайду ли в Содоме пятьдесятъ праведныхъ посреди града, отпущу всему месту для ихъ».

²⁷ Отвеща Авраамъ и рече: «Ныне есми единова спытал, молвити буду к Господу моему, занеже перстъ есмъ и попелъ:

²⁸ егда бы пакъ было безъ пяти пятьдесятъ праведныхъ, не погубиши ли четырдесяти и пяти для всего града?» И рече: «Не погублю, естъли знайду тамъ четыредесятъ и пять».

²⁹ И опять промолвилъ естъ к Нему: «Аще ли четырдесятъ тамъ знайдено будеть, что учиниши?» И рече: «Не погублю четырдесяти для».

³⁰ И рече Авраам: «Молю Ти ся, Господи, да не погневаешися, естъли молвити буду. Что пакъ, знайдеши ли их тамъ тридесеть?» Отвеща ему: «Не погублю, знайду ли тамъ тридесеть».

³¹ Рече: «Понеже одинова почалъ есми, молвити буду к Господу Моему. Что будет, знайдутся ль их тамъ двадесеть?» Рече: «Не погублю для дву десяти».

³² И рече: «Молю Ти ся, Господи, не погневайся, естъли же буду еще молвити единова. Что учиниши, знайдеши ли их тамъ десеть?» Рече: «Не погублю десети для».

³³ И от[ъ]иде Господь потом, егда престал ест глаголати ко Аврааму; той же обратися на место свое.