Пришли удругое сынове Яковлевы во Египет ко Іосифу и принесли ему дары, и Вениамина, брата своего, с собою привели. Іосифъ честовалъ их.
1 Затымъ пакъ гладъ розмагашеся на земли.
2 И внегда переели пшеницу, юже принесли были изъ Египту, рече Яковъ сыном своимъ: «Идите опять и накупите намъ мало пища».
3 Отвеща к нему Іуда: «Со гневомъ намъ приказал мужъ той под клятвою, глаголя: “Не узрите лица моего, естъли же не приведете брата своего младшего с собою”.
4 Сего ради, хощеши ли его пустити с нами, то пойдемъ посполу и накупим тобе пище.
5 Пакли же не пустишъ, не пойдемъ, мужъ убо той, якоже часто поведахомъ тобе, отказалъ намъ, глаголя: “Не мощно вамъ видети лице мое безъ брата вашего меншего”».
6 И рече имъ Ізраиль: «На мою жалость учинисте сее, иже поведесте ему, яко иного брата имате».
7 Тогда они отповедели ему, глаголюще: «Выпытовался от насъ человекъ той по ряду о нашемъ роде: “Жив ли естъ отець? Имате ли брата?” И мы отповедахом ему по тому, яко жъ и пытал насъ. Еда ли могли есмо тое знати, иже речеть намъ: “Приведити жъ брата вашего с собою”»
8 Іуда же рече отцу своему: «Пошли отроча со мною, да идемъ и можемъ живи быти, да не изомрем мы и дети наше.
9 Азъ возму и от тебе, и от руку моихъ взыщи его. Естъли же не приведу его к тобе и не поставлю его пред тобою, то буду грешенъ тобе по вся часы.
10 Абы не было медления сего, вже быхомъ удругое навратилися».
11 Тогда отець их Ізраиль рече к ним: «Естъли же тако мусит быти, учините жъ, якоже хощете, а наберите от плоду избраннаго земли сее в сосуды ваше и донесите мужу дары — нечто ладану и меду, мирры и балсаму, и мигдаловъ.
12 Пенези теже двое несите с собою, и тые, которыи есте знашли в месехъ, к нему отнесите, еда убо како омылился естъ.
13 И брата своего поимите, а идите к мужу,
14 Богъ пакъ мой Всемогий учинить к вамъ его добротливымъ, да отпустить с вами брата вашего, егоже держить во оковах, и сего Вениамина, да не буду безчаденъ».
15 Вземши же они мужу дары и пенези двои и понявши Вениамина, идоша во Египетъ и сташа предъ Іосифомъ.
16 Видев же их Іосифъ и Вениамина с ними, повеле шафарю двора своего, глаголя: «Воведи мужей сихъ в домъ мой, и набий многая, и устрой пиръ, понеже со мною будуть днесь ясти ополудни».
17 И вчинил естъ шафарь все, еже повелел ему, и воведе мужей в домъ.
18 Они же, улекнувшися ту, межи собою глаголаша: «Для пенезей, которыи есмо первей отнесли в месехъ нашихъ, семо уведе насъ, абы узвалилъ на насъ лживую вину и силою взялъ в работу насъ и ослы наше».
19 И сего для приступивши ко шафарю в самыхъ дверехъ и скоро рекоша ему:
20 «Просимы тебе, господине, выслыши насъ. Первее сего яко приходихомъ ту купити жита
21 и внегда, накупивши, приидохомъ на станъ и отвязахомъ бремена наша, знайдохомъ пенези во устиехъ меховъ. И се принесохомъ их в том же числе и ниже вемы о томъ, кто вложилъ естъ их в мехи наше.
22 К тому теже и иное сребро принесохомъ купити пище».
23 Тогда онъ отповедилъ: «Миръ вамъ, не бойтеся. Богъ вашъ и Богъ отца вашего далъ вамъ пенези до меховъ вашихъ, понеже сребро то, еже дасте мне, сохранено имамъ». И выведе к нимъ Симеона,
24 и воведъ ихъ у дворъ, и принесе имъ воды, и змыли суть ноги свое; и далъ ести осломъ ихъ.
25 Они пакъ готовали суть дары, дондеже прииде Іосифъ ополудни, понеже слышали были, яко ту имели ясти хлеба.
26 Тогда прииде Іосифъ в домъ свой. И подали суть ему дары, держаще на рукахъ своихъ, и кланяхуся пред ним до земли.
27 Іосиф же возревъ на них ласкаво и пыталъ от нихъ, глаголя: «Здрав ли отець вашъ старый, о немже поведасте мне? Еще ли живъ ест?»
28 Они же отвещали к нему: «Здравъ рабъ твой, отец нашъ, и еще живъ естъ». И наклонившеся, падоша пред нимъ.
29 Позрев же Іосифъ очима, виде Вениамина, брата своего роднаго, и рече: «Сей ли естъ братъ вашъ младший, о немже рекосте мне?» И паки рече: «Богъ да помилуеть тебе, сыну мой!»
30 И поспеши вниити во храмину, яко погнулися были чрева его Вениамина деля, брата своего, и течаху слезы от очию его, и вшедъ до ложнице своея, плакаше.
31 Потомъ, умывъ лице, изыйде и, воздержався от плачу, рече: «Кладите хлебы».
32 И внегда кладоша, Іосифови положиша единому и братии его особно, и Египтяномъ, иже ядаху с нимъ, особно, не слушно убо бяше Египтяномъ ести со Евреи и хулъно межи ними бываше таковое пирование.
33 И посажалъ их предъ собою, первороженнаго водле перворожения своего и младших по младости ихъ, и подивилися суть тому велми.
34 И внегда брали части от Іосифа, большая часть пришла на Вениамина, тако иже пять крать иныхъ превышовала. И пиша, даже и упишеся с нимъ.
Знайшлі памылку ў тэксце? Вылучыце яе і націсніце:
Ctrl + Enter
Книги Бытья, 43 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.