Ное внииде в ковчегъ и с ним три сыны — Симъ, Хамъ и Яфетъ, жена его и жены сыновъ его, и все птици, звери, скоти и гади, пресмыкающиеся по земли. И яко Господь Богъ наведе потопъ на землю, погубляя всяку плоть, живущую на ней.
1 Рече же Господь к Ноеви:a «Внииди ты и весь домъ твой в ковчегъ, понеже видехъ тя справедлива быти пред Собою в роде семъ;
2 и от зверей земли чистыхъ воведеши с собою седмеро и седмеро, самце и самице, от зверей же нечистыхъ двое и двое, самце и самице;
3 от птиць теже небесных возмеши с собою седмеро и седмеро, да соблюдено будеть племя ихъ на лици всея земли:
4 се бо еще по седми днех, и Азъ наведу дождь на землю четырдесятъ дней и четырдесятъ нощей и погублю всяко естество, еже сътворих, от лица земли».
5 И вчинилъ естъ Ное все, еликоже повеле ему Господь.
6 И былъ естъ тогда Ное во шестистехъ летехъ, егда воды потопныя затопиша землю.
7 Внииде же Ное и сынове его, жена его и жены сыновъ его с нимъ в ковчегъ воды для потопныя,
8 и от зверей, чистыхъ и нечистыхъ, и от птиць небесныхъ и всего, еже движется на земли,
9 двое и двое увошли суть к Ноеви в ковчегъ, самець и самица, якоже повелелъ был Господь Богъ Ноеви.
10 И егда минуша седмъ дней, воды потопныя розводнилися были на земли.
11 Лета шестисотого жития Ноева, месеца втораго, седмънадесятого дня того же месеца проторженыb суть вси источници бездны великое и продухиc c небесныя отоврены быша;
12 и бысть дождь на землю четырдесятъ дней и четырдесят нощей.
13 В начало дня того внииде Ное, и Симъ, и Хамъ, и Яфетъ, сынове его, и жена его, и жены сыновъ его с нимъ в ковчегъ.
14 И всякъ зверь по роду своему, и весь скотъ по плоду своему, и все движущееся на земли по прирожению своему, и вся летающая по возду се по роду своему, и вси птице свойские и дивокие,
15 вниидоша к Ноеви в ковчегъ двое и двое от всякое плоти, в нейже бе духъ животен;
16 и еже увошли суть, от всякое плоти самець и самица вниидоша, якоже повеле ему Господь Богъ. И затвори его Господь изовнутрь.
17 И бысть потопъ четыредесятъ дней на земли, и розмножишеся воды и воздвигоша ковчегъ на высокость от земли,d
18 понеже вельми розводнилися были и вси речи наполнили, еже быша по верху земли; ковчегъ же былъ естъ носящися по верху водъ.
19 И воды розмоглися пресилне надъ землею и прикрыли суть все горы превысокие, еже быша подъ всимъ небомъ:e
20 пятьнадесяти локтевъ на вышиню была естъ вода над горами, ихже и прикрила.
21 И скажена естъ всяка плоть, движущаяся по земли, вси птице небесныи и вси звери и скоти, и вси гади, пресмыкающиеся по земли.
22 Вси людие и вся животная, в нихже естъ дыхание живота, на земли померли суть;
23 и погубил естъ Господь Богъ всяко естество, иже было на лици всея земли, поченши от человека даже и до скоту и от птиць небесныхъ даже и до всехъ гадовъ, ползающихъ по земли. И потребишеся вси речи, сущии на земли,f и оста толико самъ Ное и тии, еже с нимъ быша въ ковчезе.
24 Стали пакъ суть воды на лици всея земли сто и пятьдесятъ дней.
a 2-е Пятра, 2[:5].
b проторжены (Вульгата: rupti sunt, ‘прарваныя/прабітыя’; ЦСБ: разверзошася).
c продухи (Вульгата: cataractæ, ‘вадаспады’; ЦСБ: хляби).
d Мацвея, 24[:37-39].
e Ісуса, сына Сіраха, 39[:29].
f Ісуса, сына Сіраха, 40[:11].
Знайшлі памылку ў тэксце? Вылучыце яе і націсніце:
Ctrl + Enter
Книги Бытья, 7 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.