Бытья 9 Бытья 9 разьдзел

¹ И благославил естъ Господь Ноя и сыновъ его, и рече к нимъ: «Ростите жъ, и множтеся и наполните землю;

² страх же вашъ и гроза да будеть на всехъ зверехъ земских и на всехъ птицах небесных со всими животными, пресмыкающимися по земли; все рыбы морские в руце ваше даны суть;

³ и все, еже движется и живо есть, будеть вам в покармъ; яко былие зеленое предахъ вамъ вся;

⁴ толико мяса съ кровию не ежте,

⁵ крови убо душъ ваших возыщу от руку всех зверей и от руку человечиих, от руку мужа и от руку брата его возыщу души человечии;

⁶ кто бы когда вылилъ кровь человечию, вылита будеть кровь его, по образу убо Божиему созданъ естъ человекъ;

⁷ вы же ростите и множитеся, и вниидите на землю и наполните ю».

⁸ Сие теже рече Господь Бог к Ноеви и к сыномъ его с нимъ:

⁹ «Се Азъ поставлю завет Мой с вами и с семенемъ вашимъ по васъ,

¹⁰ и со всею душею живою, еже с вами естъ, тако во птицахъ, яко и во зверехъ и во скотехъ земли, со всеми, еже вышли суть с ковчега;

¹¹ поставлю заветъ Мой с вами, и не будеть загубена к тому всяка плоть водами потопными и ниже будеть напотомъ поводь, погубляющи всю землю.

¹² И рече Богъ: То естъ знамя завета, еже полагаю межи Мною и вами и всякою душею живою, иже с вами естъ, в роды вечныя:

¹³ дугу Мою поставлю на облацех не бес ных, и будеть во знамение миру межи Мною и землею.

¹⁴ И егда повлеку облаками небо, явится дуга Моя на облацехъ,

¹⁵ и воспомяну на заветъ Мой, еже учинихъ с вами и со всякою душею живою, обживающею тело, и не будуть более воды потопа на скажение всякое плоти.

¹⁶ И будеть дуга Моя на облацехъ, и погледевъ на ню, роспоминатися буду на заветъ Свой вечный, еже завещано естъ посреди Богомъ и посреди кажною душею живою всякое плоти, еже естъ на земли».

¹⁷ И рече паки Господь Богъ к Ноеви, глаголя: «Сее естъ знамя завета Моего, еже поставихъ межи Собою и всякою плотию, иже пребываеть на земли».

¹⁸ Были же суть сынове Ноевы, вышедшии с нимъ с ковчега, Симъ, Хамъ и Яфетъ. Хамъ пакъ, той естъ отець Ханаанескъ.

¹⁹ Три сии суть сынове Ноевы, и от них роспложено естъ все поколение людьское по всей земли.

²⁰ И нача Ное мужъ орати и делати землю, и насадилъ виноградъ;

²¹ и пилъ вино, и впилъся, и обнажився, лежалъ в дому своемъ.

²² Сие внегда узрелъ естъ Хамъ, отець Ханаанескъ, срамоту отца своего, яко обнаженъ бе, поведилъ обема братома своима.

²³ И вземши Симъ и Яфетъ плащъ на оба рамена своя, и идуще опаки, прикрыли суть наготу отца своего; лица же ихъ быша отврачена и срамоты отцевы не видели суть.

²⁴ И прочутивъ Ное и стрезвевъ от вина, егда доведался естъ, что учинилъ ему сынъ его менъший,

²⁵ и рече: «Проклятъ буди Хамъ! рабъ рабомъ будеть братии своей».

²⁶ И рече паки: «Благославенъ Господь, Богъ Симовъ, и будеть Хамъ рабъ его.

²⁷ Да розширить Богъ Яфета и да вселиться во станы Симовы, и будеть Хамъ рабом в него».

²⁸ Жил же ест Ное по потопе триста и пятдесятъ летъ.

²⁹ И быша вси дни Ноевы деветьсотъ и пятдесятъ летъ; и умре.