О болести Яковове; Іосифъ навещаеть его и приведе к нему оба сыны своя, абы благославилъ их. Яков первее благославил младшего, потом старшего.
1 Бысть же по семъ поведено естъ Іосифови, яко рознеможеся отець его. Он же, вземъ оба сыны своя, Манасию и Ефраима, идяше с ними.
2 И поведено естъ Якову, глаголуще: «Ото сынъ твой Іосифъ идеть к тобе». Он же, укрепився, сяде на ложи своемъ,
3 и егда внииде к нему Іосифъ, рече: «Богъ Вседержитель явися мне в Люзе, иже естъ в земли Ханаани, и благослави мя,
4 глаголя: “Се Азъ возращу тя и розмножу, и сотворю тя в соборы людемъ, и дамъ тобе землю сию и семени твоему по тобе во одержание вечное”.
5 Сего для два сына твои, еже родишеся тобе в земли Египетской прежде, нежели семо к тобе приидох, мои будуть, Ефраимъ и Манасей, яко Рувимъ и Семионъ.
6 Инии пакъ, ихже сплодиши по сих, твои да будуть а именемъ братии прозовутся в достоаниих своихъ.
7 Мне убо, егда исхожахъ от Межиречия, умерла естъ Рахиль, мати твоя, в земли Ханаани на пути. И было естъ часу весны, и вхожахъ тогда до Ефраты; и погребох ю подле путя Ефраты, еже инымъ именемъ зовется Вефиль».
8 Узревъ же сыны Іосифовы, рече к нему: «Кто суть сие?»
9 Отвеща ему Іосифъ: «Сынове мои, ихже ми далъ Богъ на месте семъ». И рече Яковъ: «Приведи жъ их ко мне, да благославлю е».
10 Очи же Ізраилевы затмилися были старости деля великое и ясне гледети не могъ. И внегда к нему приведены быша, целова их, и обнявъ е,
11 рече ко сыну своему: «Се, несмъ прельщенъ, лице бо твое видехъ, к тому показа ми Богъ и семя твое».
12 И внегда отведе их Іосифъ от колену отцеву, поклонися пред нимъ до земли
13 и поставилъ Ефраима на правую руку собе, а на левую Ізраилю, Манасию пакъ на левой стране своей и на правой отцеве, и припоилъ обудву к нему.
14 Яков же, протягнувъ руку свою десную, положи на главу Ефраима, младшего брата; левую пакъ на главу Манасии, онже старъший леты былъ естъ, преложивъ руце.
15 И благославилъ Яковъ сыны Іосифовы, глаголя: «Богъ, Емуже угодиша отцеве мои, Авраамъ а Ісаакъ, Бог, Онже мя кормилъ от младости моея даже и до днешнего дня,
16 а ангелъ, иже хранил мя ото всякого зла, да благославить дети сия, и да прозовется над ними имя мое и имена отцевъ моихъ, Авраама а Ісаака, и да ся розмножать во множество великое на земли».
17 Видев пак Іосифъ, иже отець его возложи руку свою десную на главу Ефраимову, и тяжко ему бысть тое, и хопивъ за руку отцеву, воздвигнути ю хотелъ з главы Ефраимовы и перенести на главу Манасиину.
18 И рече ко отцу: «Не тако подобаеть, отче мой, сей убо ест первороженный; возложи десную руку свою на главу его».
19 Он же не хотяй вчинити того и рече: «Ведаю, чадо, ведаю, и той будеть в люди велии и розмножится на земли; братъ же его младший более его будеть, и племя его умножится в народы».
20 И благослави их в той часъ, глаголя: «Во ваю благославится Ізраиль, рекуть убо: да сотворить тобе Богъ, яко Ефраимови и Манасиеви». И поставилъ естъ Ефраима предъ Манасиемъ.
21 И рече ко Іосифу, сыну своему: «Се, азъ умру. Да будеть Богъ с вами и приведеть вас до земли отцевъ вашихъ.
22 Даю тобе часть едину надъ братию твою, юже взяхъ от руку Аморейских мечемъ и лукомъ своимъ».
Знайшлі памылку ў тэксце? Вылучыце яе і націсніце:
Ctrl + Enter
Книги Бытья, 48 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.