Пять царей воевалися суть съ четырма; Лота, братанича Аврамова, пленили. Аврамъ отнял пленъ. Мелхиседекъ-царь принесе Авраму хлебъ и вино.
1 И сталося естъ в ты часы, иже Амрафель, царь Сеннарский, и Ариот, царь Понтъский, и Фадаль, царь Странъ,
2 сниидошеся к бою напротиву Барахови, царю Содомеску, и противу Берсови, царю Гомореску, и противу Сеннарови, царю Адамеску, и противу Семмеберови, царю Севоимску, и противу царю Валескому, Валя пакъ иным именемъ прозывашеся — Сегоръ.
3 Вси тии собралися были до долины лесное, еже ныне словеть море Соляное.
4 Дванадесеть убо летъ служили были Ходорляморови, и тринадесятого лета отступиша от него.
5 Сего для четыренадесятого лета пришолъ естъ Ходорляморъ и цари, иже беша с ним, и поразили суть Рафаима и Астарофа и людей Карнаимских и Зузимских, и Емимскихъ на ровнинах Кириатаимских,a
6 и людей Хоримских на горах Сеирских даже до ровнин Фарамских, иже ест в пустыни.
7 И навратившися, приидоша даже до кладезя Масфы, онже словеть Кадис, и погубили суть всю страну Амалехитскихъ и Аморейскихъ, ониже живяху во Асасон-Фамаре.
8 И вышли суть противу имъ царь Содомескъ, и царь Гоморескъ, и царь Адамескъ, и царь Севоимескъ, и царь Валескъ, еже словеть Сегоръ, и справовали полки своя в долине лесной
9 на Ходорлямора, царя Елямеска, и на Фадала, царя Странъ, и на Амрафеля, царя Сеннарска, и на Ариота, царя Понтъска: четыре царя быша противу пяти.
10 Долина же Лесная имела в собе множество кладезевъ тиновыхъ. Тогда царь Содомский и царь Гоморский, втекающе з битвы, въпадоша в ня; и оставшии бегоша на гору.
11 И побрали суть все имение Содомскихъ и Гоморскихъ и всю пищу ихъ, и от[ъ]идоша.
12 Взяли суть теже и Лота, братанича Аврамова, и все имение его, он убо живяше в Содоме.
13 И се единъ, онъже утече з битвы, возвести Аврамови Евреанину, иже пребываше в долине Маврине, Аморейскаго, брата Ешколева и брата Анерова, сие бо были суть друзи слюбныи Аврамови.
14 Услышав же тое Аврамъ, яко поимаша Лота, братанича его, сочте устроеныхъ к бою слугъ своих домашних триста и осмънадесеть, и гонилъ естъ ихъ даже до Дана.
15 И розделивши дружину, наскочилъ на нихъ нощию и поразилъ ихъ, и гонилъ е даже до Сива и до Феникии, еже естъ на левую страну Дамаску.
16 И наврати вес пленъ мужевъ и женъ и Лота, братанца своего, и все имение ихъ.
17 Тогда вышолъ естъ царь Содомский во стретение Авраму, внегда навращашеся, поразивъ Ходорламора и царей, иже беша с нимъ, до долины ровное, еже слыла Долина Царева.
18 bИ Мельхиседек, царь Салимескъ, изнесе хлебъ и вино, былъ убо естъ воистинну жрець Бога Превышнего,
19 благослави его и рече: «Благославенъ Аврамъ Богу Превышнему, Сътвори телю неба и земли,
20 и благославенъ Богъ Превышний, Онже далъ естъ обрану от враговъ руками твои ми!» И далъ ему десятину всего.
21 И рече царь Содомский ко Авраму, глаголя: «Дай ми толико люди, а иные вси речи возми собе».
22 Отвеща ему Аврамъ: «Воздвигаю руце мое к Господу, Богу Вышнему, владеющему небомъ и землею,
23 яко от нити, еже с челнока выходить, и даже до ременя сапожнаго не возму от всихъ, еже твоя суть, да бы не реклъ есь напотомъ, глаголя: “Азъ обогатихъ Аврама”,
24 кроме толико того, еже суть изъели отроци мои, и частей мужевъ сихъ, ониже ходили со мною, — Анера, Ешкола и Мамврия; тии да возмуть доли свое».
a Erratum: Кариатаримских.
b Да Габрэяў, 7[:1].
Знайшлі памылку ў тэксце? Вылучыце яе і націсніце:
Ctrl + Enter
Книги Бытья, 14 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.