Ёва 22 разьдзел
Кніга Ёва
Пераклад Чарняўскага 2017 → Пераклад Яна Станкевіча
У адказ Эліфаз Тэманіт сказаў:
І адказаў Еліфаз Феманянін, і сказаў:
«Ці можа чалавек быць карысным Богу, калі ён ледзь разумее, як самому сабе быць карысным?
«Ціж можа чалавек быць карысны Богу? Пэўне мудры карысны сабе самому.
Што за карысць Усемагутнаму, калі ты будзеш справядлівы, або што ты даеш Яму, калі б учыніў беззаганнай дарогу тваю?
Што за прыемнасьць Усемагучаму, калі ты справядлівы, альбо ці ё карысьць, што ты дзяржыш дарогі свае беззаганнымі?
Ці ж за тваю пабожнасць будзе Ён дакараць цябе і пойдзе на суд з табою?
Ці із страху цябе Ён гане цябе і ўходзе на суд із табою?
Ды ці ж не праз ліхадзейнасць тваю шматлікую і бясконцую несправядлівасць тваю?
Хіба нягоднасьць твая вялікая, і намяш канца бяспраўю твайму.
Бо ты ўзяў заклад ад братоў тваіх ні за што і з голых здымаў адзенне.
Ты браў заклады ад брата свайго ні зашта, і адзецьце ў голых ты здыймаў.
Ты не падаў вады спрацаванаму і галоднаму адмаўляўся даць хлеба.
Усьмягламу не падаваў вады напіцца й галоднаму адмаўляў хлеба;
Хіба заможнаму чалавеку ўспамогаю будзе зямля і, завалодаўшы, ён будзе жыць на ёй?
А чалавеку плячыстаму — яму зямля, і важны жывець на ёй.
Удоў адпускаў ты з пустымі рукамі, і плечы сірот абцяжарваў.
Удовы ты адпушчаў з пустымі рукамі, і плячукі сіротаў мяжджуліў.
Дзеля таго акружаны ты пасткамі і трывожыць цябе страх неспадзяваны.
Затое сілы навокал цябе, і спалохае цябе жах неўспадзеўкі.
І ў цемры ты не бачыш, і напор вады прыціскае цябе.
Або цемнь, што ты ня бачыш, і паводка пакрывае цябе.
Ці ж Бог не вышэйшы за неба? Паглядзі ўгару на зоркі, як яны высока!
Ці ня высака на нябёсах Бог? Бачыш найвышшыя гвезды, як яны высака!
А ты кажаш: “Што там ведае Бог? Быццам бы Ён можа судзіць праз імглу.
Затым ты кажаш: "Што ведае Бог? можа Ён судзіць пераз глыбокую цемнь?
Хмары — покрыва Яго, і не бачыць Ён нашых спраў, і ходзіць [толькі] па крузе нябесным”.
Таўстыя булакі закрываюць Яго, так што Ён ня бача, а ходзе па скляпеньню нябёсным".
Ці ты прагнеш трымацца шляху спрадвечнага, па якім крочылі злачынцы,
Нягож ты дзяржышся вечнага гасьцінца, па каторым людзі несправядлівыя йшлі?
якія заўчасна былі знішчаны, і рака падмыла іх грунт?
Яны былі адцяты без пары, іхны под падмыла рака,
Яны казалі Богу: “Адыдзіся ад нас!” і “Што можа зрабіць нам Усемагутны?”
Каторыя казалі Богу: "Адвярніся ад нас" і "Што можа Ўсемагучы зрабіць нам?"
Калі Ён багаццем напоўніў дамы іх, іх думкі далёка былі ад Яго.
А Ён паўніў дамы іхныя дабром. Але рада нягодных далёка ад мяне.
Справядлівыя будуць бачыць і цешыцца, і чалавек беззаганны будзе смяяцца з іх:
Бачылі справядлівыя й цешыліся, нявінны насьміхаўся зь іх:
“Сапраўды прапала маёмасць іх, а рэшту іх паглынуў агонь”.
"Ці не адцяты праціўнікі нашы, і пакіненае імі пажэрла цяпло?"
Дык пагадзіся з Ім, і будзь спакойны, і праз гэта будзеш мець найлепшы плён.
Пазнаёмся ж ізь Ім і будзеш у супакою, ад гэтага прыйдзе да цябе дабро.
Прымі з вуснаў Яго закон і пакладзі словы Яго ў сэрцы сваім.
Вазьмі ж із вуснаў Ягоных права і палажы словы Ягоныя ў сэрца свае.
Калі навернешся да Усемагутнага, адновішся і адкінеш далёка несправядлівасць ад палаткі сваёй.
Калі ты зьвернешся да Ўсемагучага, то будзеш збудаваны, калі аддаліш несправядлівасьць ад будану свайго.
Прыпадобніш золата да парахна, а камяні Афіра — да рачнога пяску,
І паложыш скарб у пыл і золата офірскае памеж скалаў цуркоў.
Усемагутны будзе тваёй крыніцай каштоўных металаў і накопіцца срэбрам для цябе.
І будзе Ўсемагучы скарбам тваім і срэбрам дарагім табе;
Тады будзеш мець дастаткова асалод ва Усемагутным і падымеш аблічча сваё да Бога.
Тады ты пацешышся ў Усемагучым і ўзьнімеш від свой да Бога.
З пакораю будзеш прасіць Яго, і Ён выслухае цябе, і ты споўніш абяцанні свае.
Ты ўчыніш маленьне да Яго, і Ён пачуе цябе, і ты споўніш абятніцы свае.
Што пастановіш, прыйдзе да цябе, і на дарогах тваіх будзе свяціць святло.
Ты пастановіш пастаноў, і ён станецца, на дарогах тваіх зазіхціць сьвятло.
Бо Ён паніжае таго, хто гаворыць пыхліва, а хто апускае вочы, той будзе збаўлены.
Як яны паніжацца, то Ты скажаш: "Узвышчася!" Паніклага ачыма Ён спасае.
Ён уратуе нявіннага, і будзеш ты ўратаваны ў чысціні рук сваіх».
Ён вывальняе нявіннага; Ты будзеш вывальнены чысьцінёю рук сваіх».