Ёва 22 разьдзел
Кніга Ёва
Пераклад Чарняўскага 2017 → Пераклад Антонія Бокуна
У адказ Эліфаз Тэманіт сказаў:
І адказаў Эліфаз з Тэману, і сказаў:
«Ці можа чалавек быць карысным Богу, калі ён ледзь разумее, як самому сабе быць карысным?
«Ці можа чалавек быць карысным Богу? Разумны ледзь самаму сабе можа быць карысным.
Што за карысць Усемагутнаму, калі ты будзеш справядлівы, або што ты даеш Яму, калі б учыніў беззаганнай дарогу тваю?
Што за карысьць Усемагутнаму, калі ты праведны, або што Яму дасьць, калі шлях твой беззаганны?
Ці ж за тваю пабожнасць будзе Ён дакараць цябе і пойдзе на суд з табою?
Ці ж за пабожнасьць тваю Ён карае цябе і ідзе на суд з табою?
Ды ці ж не праз ліхадзейнасць тваю шматлікую і бясконцую несправядлівасць тваю?
Ці ж не за ліхоту тваю і незьлічоныя злачынствы твае?
Бо ты ўзяў заклад ад братоў тваіх ні за што і з голых здымаў адзенне.
Бо ты браў заклад ад братоў тваіх ні за што і з голых зьдзіраў адзеньне.
Ты не падаў вады спрацаванаму і галоднаму адмаўляўся даць хлеба.
Ты не даваў вады сасьмягламу, і галоднаму адмаўляўся даваць хлеба.
Хіба заможнаму чалавеку ўспамогаю будзе зямля і, завалодаўшы, ён будзе жыць на ёй?
Моцнаму чалавеку даваў ты зямлю, і заможны пасяляўся на ёй,
Удоў адпускаў ты з пустымі рукамі, і плечы сірот абцяжарваў.
а ўдоваў адсылаў ты з пустымі рукамі, і сіротаў абцяжарваў работамі.
Дзеля таго акружаны ты пасткамі і трывожыць цябе страх неспадзяваны.
Дзеля таго акружаны ты пасткамі, і трывожыць цябе страх неспадзяваны,
І ў цемры ты не бачыш, і напор вады прыціскае цябе.
і ў цемры ты ня бачыш, і вада вялікая залівае цябе.
Ці ж Бог не вышэйшы за неба? Паглядзі ўгару на зоркі, як яны высока!
Ці ж Бог не вышэйшы за неба? Паглядзі ўгару на зоркі, як яны высока!
А ты кажаш: “Што там ведае Бог? Быццам бы Ён можа судзіць праз імглу.
А ты кажаш: “Што ведае Бог? Ці праз імглу Ён можа судзіць?
Хмары — покрыва Яго, і не бачыць Ён нашых спраў, і ходзіць [толькі] па крузе нябесным”.
Хмары — заслона Яму, так што ня бачыць Ён і ходзіць па скляпеньні нябесным”.
Ці ты прагнеш трымацца шляху спрадвечнага, па якім крочылі злачынцы,
Ці ты будзеш трымацца сьцежкі старадаўняй, па якой хадзілі злачынцы,
якія заўчасна былі знішчаны, і рака падмыла іх грунт?
якія заўчасна былі зьнішчаныя, бо паводка падмыла падваліны іхнія?
Яны казалі Богу: “Адыдзіся ад нас!” і “Што можа зрабіць нам Усемагутны?”
Яны казалі Богу: “Адыйдзіся ад нас! Што можа зрабіць нам Усемагутны?”
Калі Ён багаццем напоўніў дамы іх, іх думкі далёка былі ад Яго.
А Ён багацьцем напоўніў дамы іхнія. Але няхай будзе далёкая ад мяне рада бязбожных.
Справядлівыя будуць бачыць і цешыцца, і чалавек беззаганны будзе смяяцца з іх:
Праведнікі будуць бачыць гэта і цешыцца, і чалавек нявінны будзе сьмяяцца з іх:
“Сапраўды прапала маёмасць іх, а рэшту іх паглынуў агонь”.
“Сапраўды вынішчаны супраціўнік наш, а багацьце іхняе спаліў агонь”.
Дык пагадзіся з Ім, і будзь спакойны, і праз гэта будзеш мець найлепшы плён.
Дык пагадзіся з Ім, і мей супакой, і праз гэта прыйдзе да цябе добрае.
Прымі з вуснаў Яго закон і пакладзі словы Яго ў сэрцы сваім.
Вазьмі з вуснаў Ягоных закон і палажы словы Ягоныя ў сэрцы тваім.
Калі навернешся да Усемагутнага, адновішся і адкінеш далёка несправядлівасць ад палаткі сваёй.
Калі навернешся да Усемагутнага, адновішся і адкінеш злачыннасьць ад намёту твайго,
Прыпадобніш золата да парахна, а камяні Афіра — да рачнога пяску,
калі ацэніш золата як парахно, а [золата] Афіру — як камень з ручая,
Усемагутны будзе тваёй крыніцай каштоўных металаў і накопіцца срэбрам для цябе.
тады Усемагутны будзе золатам тваім і бліскучым срэбрам для цябе.
Тады будзеш мець дастаткова асалод ва Усемагутным і падымеш аблічча сваё да Бога.
Тады захапляцца ты будзеш Усемагутным і падымеш да Бога аблічча тваё.
З пакораю будзеш прасіць Яго, і Ён выслухае цябе, і ты споўніш абяцанні свае.
Будзеш прасіць Яго, і Ён выслухае цябе, і ты споўніш абяцаньні твае.
Што пастановіш, прыйдзе да цябе, і на дарогах тваіх будзе свяціць святло.
Што пастановіш, прыйдзе да цябе, і на шляхах тваіх будзе сьвяціць сьвятло.
Бо Ён паніжае таго, хто гаворыць пыхліва, а хто апускае вочы, той будзе збаўлены.
Бо Ён паніжае таго, хто пыхлівы, а хто схіляе вочы, той будзе збаўлены.
Ён уратуе нявіннага, і будзеш ты ўратаваны ў чысціні рук сваіх».
Ён ратуе [нават] таго, хто не без віны, і будзе ён уратаваны дзеля чыстасьці рук сваіх».
