Ёва 35 разьдзел
Кніга Ёва
Пераклад Васіля Сёмухі → Пераклад Яна Станкевіча
І гаварыў далей Эліуй і сказаў:
І адказаў Елігу, і сказаў:
ці лічыш ты справядлівым, што сказаў: «я праўдзівейшы за Бога»?
«Ці гэта ты ўважаеш за справядлівасьць, што ты сказаў: "Я справядліўшы за Бога"?
Ты сказаў: «якая карысьць мне? і які прыбытак я меў бы перад тым, як калі б я і грашыў?»
Дык ты кажаш: "Якая карысьць табе? Якая выгранка імне перад тым, як калі б я й грашыў?"
Я адкажу табе і тваім сябрам з табою:
Я адкажу табе словамі і прыяцелям тваім із табою:
зірні на неба і глядзі; падзівіся на воблакі, яны вышэй за цябе.
Глянь на нябёсы й абач; і глядзі на булакі, каторыя вышшыя за цябе.
Калі ты грэшыш, што робіш ты Яму? і калі злачынствы твае памнажаюцца, што прычыняеш ты Яму?
Калі ты грэшыш, што чыніш ты Яму? і калі выступы твае множацца, што зробіш ты Яму?
Калі ты справядлівы, што робіш Яму? альбо што атрымлівае Ён з рукі тваёй?
Калі ты справядлівы, што даеш Яму, альбо што Ён із рукі твае можа ўзяць?
Бязбожнасьць твая ў чалавеку, як ты, і справядлівасьць твая ў сыне чалавечым.
Нягоднасьць твая датыкаецца да людзіны, як ты, і справядлівасьць твая да сына людзкога.
Ад мноства прыгнятальнікаў стогнуць прыгнечаныя і ад рукі моцных лямантуюць;
Ад множасьці глабаньня крычаць і ад рукі дужых галосяць;
але ніхто ня кажа: дзе Бог, творца мой, Які дае песьні ўначы,
Але ніхто ня кажа: "Ідзе Бог, Стварыцель мой, Каторы даець песьні ночы,
Які вучыць нас больш, чым жывёл зямных, і настаўляе на розум нас болей, чым птушак нябесных?
Каторы болей нас вуча, чымся жывёлу земную, і чыне мудрэйшымі нас, чымся птушкі нябёсныя?"
Там яны лямантуюць, і Ён не адказвае ім, з прычыны гонару ліхіх людзей.
Там яны галосяць, але Ён не адказуе, з прычыны гордасьці благіх людзёў.
Але няпраўда, што Бог ня чуе і Ўсеўладны не глядзіць на гэта.
Напэўна Бог ня слухае пустога галашэньня, ані Ўсемагучы не глядзіць на яго.
Хоць ты сказаў, што ты ня бачыш Яго, але суд прад Ім, — чакай яго.
Хоць ты кажаш, што ня бачыш Яго; але суд ё ў Яго, і жджы Яго.
А сёньня, таму што гнеў Ягоны не наведаў яго і ён не спазнаў яго ва ўсёй строгасьці,
І цяпер, затым што Ён не даведаўся гневам Сваім і ня вельма хацеў знаць пыхі іхнае,
Ёў і адкрыў лёгкадумна вусны свае і безразважна раскідае словы.
Ёў дарма адчыніў вусны свае і бязь веданьня множа словы».
