Біблія

Псалтыр 127 псалом

Псалтыр
Пераклад Васіля Сёмухі → Пераклад Л. Дзекуць-Малея

« 126 псалом ПсПсалтыр 127 псалом BBSСёмуха LDNTДзекуць-Малея 128 псалом »
 
Пераклад Васіля Сёмухі
 
Пераклад Л. Дзекуць-Малея
1
Песьня ўзыходжаньня. Дабрашчасны кожны, хто баіцца Госпада, хто ходзіць шляхамі ягонымі!
 
Песьня ўзыходжаньня. Салямонавая.Калі ня Госпад будуе дом, дарэмны стараньні будаўнічых; калі ня Госпад места пілнуе, дарэмна вартуе старожа.
2
Ты будзеш есьці ад працы рук тваіх; дабрашчасны ты, і добра табе!
 
Дарэмна для вас, што рана ўстаецё, позна кладзецёся й хлеб ваш ясьцё ў тузе: Свайму ўмілаванаму ў сьне Ён дае.
3
Жонка твая, як лаза плодная, у доме тваім; сыны твае, як аліўнае гольле, вакол трапезы тваёй:
 
Вось ад Госпада дар: гэта дзеці, нагарода Яго — плод чэрава.
4
так мілаславіцца чалавек, які баіцца Госпада!
 
Быццам стрэлы ў магутнай руцэ, гэтак — сыны маладыя.
5
Дабраславіць Цябе Гасподзь зь Сіёна, і ўбачыш бясьпеку Ерусаліма ва ўсе дні жыцьця твайго.
 
Шчасьлівы той чалавек, што імі напоўніў каўчан свой.
6
Убачыш сыноў у сыноў тваіх. Мір на Ізраіля!
 
Ня будуць яны асаромлены, як з ворагамі гутарку ў вароцех павядуць.
« 126 псалом ПсПсалтыр 127 псалом BBSСёмуха LDNTДзекуць-Малея 128 псалом »

Біблія

Раздзелы сайта
Дадатак
  • бібліяграфія
  • перакладчыкі
  • часопіс
  • вельмі хутка...
Кантакты